منتديات نبع الفرات

تمت ارشفة منتديات نبع الفرات

المشاركات من الموضوع الشاعر حيدرموسى الرميثي قصيدة إلى إلا مام علي عليه السلام

  1. بواسطة عشاق المفيد

    غيرالله ما ألي ومالي غيرك ياعلي
    موحش وضلمة الكبر والعمر يمضي العمر
    -------------------1---------------
    مغتر بدنيـــــاني ياخذني الامل
    والأجل كل لحظة يدناني الأجل
    وكلـــبي عنك يا ألهي شكد غفل
    اني عبــــــــدك ياألهي الماخجل

    اني يومية اقترف ذنب ياربي اعترف
    ربي منك أعتذر والعمر يمضي العمر
    -----------------2----------------------
    قصرت وي ربي ليش بكل فرض
    من أشوف اللــــــحد كلبي ينقبض
    لو أجتني الـــــشدة ياربي اعترض
    هــــــــــــــذا والساني يزل بكل لفظ

    وياك يارب قصرت اعلة العباد اتكبرت
    دوم ماعندي صبــر والعمر يمضي العمر
    --------------------3-------------
    ربي مــــنك بالكـــبر رايد علي
    بلكي مـــن منكر علي يشفع الي
    ضلمة كبري بألم عصراتة ابتلي
    وحدي اضلن عني لو راحو هلي

    والأحبهم فاركوا هالو ترابي ومشوا
    مني لوضاك الصدر والعمر يمضي العمر

    ------------------4-------------------
    اني نار الدنيا أخافن منهه افر
    سودة واظلم وحشة نيران الكبر
    ياعلي بالنار تقبل أنشمر
    ياعلي أترجاك مر بي انت مر

    ذنوبي يمي تنتشر كل عذر مالي عذر
    يقترب وعد الحشر والعمر يمضي العمر
    -------------------5-------------
    اني خادم لبنك الضحة بدماء
    اني خادم بس أخاف من الوباء
    ذنبي غارك بالغرور وبالرياء
    مو ترد اعمالي احلفك بالسماء

    انت ياربي حنين اقبلني خادم للحسين
    وسفة ما أجمع اجر والعمر يمضي العمر
    -----------------------------------ب-------
    حيدرالرميثي