منتديات نبع الفرات

تمت ارشفة منتديات نبع الفرات

المشاركات من الموضوع الشاعر حيدرموسى الرميثي قصائدالسيدة رقية

  1. بواسطة عشاق المفيد

    ياعلي . عدل ميت انادي . ياعلي. يضل طبعي جهادي
    لجل حبك اقاتل .. و اسير على القنابل.
    ،، ،،،،،،، ، ،،،،،،،،،،،،،،،،، ،1
    مانسيتك. حتى بحلامي اذكرك وابقى اشمك
    مانسيتك ، لوسرح بالي يذكروني اهلي بسمك
    مانسيتك ، اصحة واگلهم چنت وياك اكلمك
    مانسيتك ، ياعلي حروفك شمع يضويلي رسمك

    النفس حبك ، وين دربك. وحظرتك بعيوني.
    الماي يعطش. علي وحبك يشربه
    الگلب يتعب ، علي وذكرك يطيبة
    وحقك ما اجامل. .. و اسير على القنابل
    ،،،،،،،،،،،،،،،،،،،،،،،،،2
    اشكر الله. شيعي سواني وعلي بتكوين دمي
    اشكر الله ، والف رحمة الروح ابوي وروح امي
    اشكرالله ، چي موالي الحيدر يكتبون اسمي
    اشكر الله ، لئن خالقني عراقي وعلي يمي

    حچي مالح ، طبعي اسامح. واكرم بماعوني

    النلس خلهه. تملني واني املهه.
    الناس خلهه. فلا همني زعلهه
    اظل وياك قابل .. واسير على القنابل.
    ،،،،،،،،،،،،،،،،،،،،،،،،،،،،،،،،،،،،،،3
    گالو انسه . گلت ما نسه علي وبي عقلي سارح
    گالو ا انسه . لجل حبك علگوني اعله المذابح
    گالوا انسه. گلت طبعي الوفه والحب والتسامح
    گالو انسه. گلت المعادي علي هيهات اصالح.

    انسه شنسه. بگلبي احسه. ينبض ويدروني
    جاوبتهم. نسيت اسمي وذكرته
    جاوبتهم. علي بروحي طبعته
    واحل كل المسائل .. و اسير على القنابل
    ،،
    ،،،،،،،،،،،،،،،،،،،،،،،،،،،،،،،،،،،4
    اعتذرلك. لوشفتني صافن وعيني اعله دربك
    اعتذرلك. صفنت العاشگ سوالف واني احبك
    اعتذرلك. لئن ربك خالقك مت اعله ربك
    اعتذرلك. الجسد ذايب بالرميثة وروحي گربك

    يم مقامة. اي حمامه. اني لوشفتوني
    اي حمامة. يعالم هاي روحي
    اي حمامه. بصحن حيدر طموحي
    اطير وروحي زاجل .. و اسير على القنابل
    ،،،،،، ،،،،،،، ،،،،،،،،،،،،،،،،،،،،،،،،،،،5
    شما ارسمك. الگة بالصورة چفوف ويمها راية
    شما ارسمك. الگة زينب والدمع ماله نهاية
    شما ارسمك. ارسم القران چني ايه ايه
    شما ارسمك. الگي ادم ينخلق من البداية.

    اسم الله اگولن. من انزن. ياعلي وسمعوني
    اسم الله اگولن . لئن بسم الله بائك
    اسم الله اگولن . انمله گلبي بضيائك
    حروفك حرز شايل .. و اسير على القنابل
    ،،،،،،،،،،،،،،، ،،، ،،،،،،،،،،،،،،،،،،،،،،،،،6
    عندي صورة. من عهد جدي قديمة ومابعتهه
    عندي صورة. بعهد بيت الطين لليوم احفظتهه
    عندي صوره. معلگة بحيطان بيتي وماشلتهه
    عندي صورة. على گبري تنحط وصيتي اكتبتهه

    عندي فطرة. وخبزة سمرة. وملح دمع عيوني
    ياميري. الخبز طيب سمارة
    يا اميري. الك تحله الأمارة
    انه ربات المراجل. .. و اسير على القنابل
    ……………………… .




    الخادم. حيدرموسى الرميثي
  2. بواسطة مرتجى العامري

    مجهود مميز
    شكرا للانتقاء الرائع