منتديات نبع الفرات

تمت ارشفة منتديات نبع الفرات

المشاركات من الموضوع سامحوني قد لا تجدوني

  1. بواسطة صوت الورد

    اعضاء نبع الفرات الكرام يعز عليه ان افارقكم لكن اراده الله اكبر من كل شي كثرت الاخبار علي حتى لايمكنني ان احتفل بذكرى عيد ميلادي لان المرض منتشر بكل عضام جسمي سوف اقدم عيد ميلادي واحتفل بيه ٢\٩ رجاءا طلب اخوي احتفلوا وياي بس لا تكولون ١٧سنه لان اني اريد احتفل بعيد ميلادي ١٨ممكن تساعودني علمود ايكون هذا اليوم احله يوم بعمري اسفه لان ما خليتكم تشوفون شقاوتي بالردود بس سامحوني عندما اكون تحت التراب
  2. بواسطة Rain

    تدللين حبيبتي ومن عيوني من ليله 2/9 ان شاء الله رح اعملك موضوع لعيد ميلادك وان شاء الله يكون احلى عيد ميلاد بيناتنه احنه خواتك واخوتك
    ولازم تعرفين الاعمار بيد الله والله قادر على كل شي
    وان الله لايكلف نفس الا وسعها
    وهذا اختبار ودليل على قوتك الداخليه
    لان الله تعالى يعرف بأنك قادره على تجاوز هذا الاختبار بالثقه بالله
    لا احد يعرف متى يموت فاسهل شئ هو الموت الان لااحد يعرف
    هنالك من خرجوا ليحتفلوا فلم يعودوا لذلك استمتعي بيومك ولا تفكرين بغدا ولا بما قاله الاطباء لك
  3. بواسطة بهلول الرشيد

    " بِسْمِ اللَّهِ الرَّحْمنِ الرَّحِيمِ
    الْحَمْدُ لِلَّهِ وَ الْحَمْدُ حَقُّهُ كَمَا يَسْتَحِقُّهُ ، حَمْداً كَثِيراً ، وَ أَعُوذُ بِهِ مِنْ شَرِّ نَفْسِي ، إِنَّ النَّفْسَ لَأَمَّارَةٌ بِالسُّوءِ إِلَّا ما رَحِمَ رَبِّي ، وَ أَعُوذُ بِهِ مِنْ شَرِّ الشَّيْطَانِ الَّذِي يَزِيدُنِي ذَنْباً إِلَى ذَنْبِي ، وَ أَحْتَرِزُ بِهِ مِنْ كُلِّ جَبَّارٍ فَاجِرٍ ، وَ سُلْطَانٍ جَائِرٍ ، وَ عَدُوٍّ قَاهِرٍ .
    اللَّهُمَّ اجْعَلْنِي مِنْ جُنْدِكَ فَإِنَّ جُنْدَكَ هُمُ الْغَالِبُونَ ، وَ اجْعَلْنِي مِنْ حِزْبِكَ فَإِنَّ حِزْبَكَ هُمُ الْمُفْلِحُونَ ، وَ اجْعَلْنِي مِنْ أَوْلِيَائِكَ فَإِنَّ أَوْلِيَاءَكَ لا خَوْفٌ عَلَيْهِمْ وَ لا هُمْ يَحْزَنُونَ .
    اللَّهُمَّ أَصْلِحْ لِي دِينِي فَإِنَّهُ عِصْمَةُ أَمْرِي ، وَ أَصْلِحْ لِي آخِرَتِي فَإِنَّهَا دَارُ مَقَرِّي ، وَ إِلَيْهَا مِنْ مُجَاوَرَةِ اللِّئَامِ مَفَرِّي ، وَ اجْعَلِ الْحَيَاةَ زِيَادَةً لِي فِي كُلِّ خَيْرٍ ، وَ الْوَفَاةَ رَاحَةً لِي مِنْ كُلِّ شَرٍّ .
    اللَّهُمَّ صَلِّ عَلَى مُحَمَّدٍ خَاتَمِ النَّبِيِّينَ ، وَ تَمَامِ عِدَّةِ الْمُرْسَلِينَ ، وَ عَلَى آلِهِ الطَّيِّبِينَ الطَّاهِرِينَ ، وَ أَصْحَابِهِ الْمُنْتَجَبِينَ ، وَ هَبْ لِي فِي الثَّلَاثَاءِ ثَلَاثاً ، لَا تَدَعْ لِي ذَنْباً إِلَّا غَفَرْتَهُ ، وَ لَا هَمّاً إِلَّا فَرَّجْتَهُ ، وَ لَا هَمّاً إِلَّا أَذْهَبْتَهُ ، وَ لَا عَدُوّاً إِلَّا دَفَعْتَهُ ، بِبِسْمِ اللَّهِ خَيْرِ الْأَسْمَاءِ ، بِسْمِ اللَّهِ رَبِّ الْأَرْضِ وَ السَّمَاءِ ، أَسْتَدْفِعُ كُلَّ مَكْرُوهٍ أَوَّلُهُ سَخَطُهُ ، وَ أَسْتَجْلِبُ كُلَّ مَحْبُوبٍ أَوَّلُهُ رِضَاهُ ، فَاخْتِمْ لِي مِنْكَ بِالْغُفْرَانِ ، يَا وَلِيَّ الْإِحْسَانِ "
    اللهم بحق صاحب هذا الدعاء اشفي وعافي من صاحب الحاجه ياارحم الراحمين ....اللهم صل على محمد واله الطيبين الطاهرين
  4. بواسطة صوت الورد

    شكرا حبيبتي والله اصعب شي من ما تكدرين تتحركين اصعب شي الموت البطىء والاصعب تبقين مبتسمه وتحاولين تكبرين بروحج سنه علمود محد يكول عنج خطيه طفله اسفه لان زعجتكم بقصتي
  5. بواسطة صوت الورد

    امين رب العالمين
    شكرا بابا عله دعائك ربي يسمع منك
  6. بواسطة ام بنين

    كل عام وانت بخير وان شاء الله ربي يشافيج لانه قادر على كل شيء
    ان شاء الله تكونين معنا كل سنة لنحتفل بعيد ميلادك سوية
    محد يكدر يحدد شوكت يموت لان هذا بعلم الغيب وخلي ايمانج برب العالمين قوي لانه نصف العلاج هو قوة الارادة وتحدي المرض
  7. بواسطة مرتجى العامري

    رب العالمين مايضيع دعاء واحد ان شاء الله مايصير الا الكاتبة ربنا وماكو احسن من المكتوب
    الموت مو شي يسيطر عليه البشر اذا الله امر يتمديد عمرج محد يجابه ارادته
    وان شاء الله مايصير شي وكل هاي الامور تبقى مجرد حچي وينسى
    كل عام وانت بمليون خير وبعون الله نحتفل بميلادج كل سنة
  8. بواسطة صوت الورد

    والله اتمنى ايصير مجرد حجي اتمنى واحد ايجذب كلام الاطباء كل اطباء العراق وايران علنوا عجزهم راح اكللكم ليش لان واصل للجمجمه واصل للدماغ اني اريد اعترفلكم اتمنى الله ياخذ عمري اليوم قبل باجر شنو فائده اعيش ابقه نايمه لو اسحب بروحي سحب اليوم وكعت ورجلي انكسرت وهذا الشي الجانو محذريني منه لان بعد ماكو نمو بعضامي عضامي ما بيهن حركه يعني شبه اعاقه يعني هم عليه وعله اهلي يعني خساه وقت يعني موت بطىء
    اسفه كعد ازعجكم بس والله من حركه كلبي وروحي مثل النار
  9. بواسطة Rain

    لازم دائما تشوفين الجانب الايجابي بكل شي
    فكري شلون اكو ناس يروحون ويقاتلون ويدعون الله يستشهدون
    اذا قاتلوا وانتصروا يفرحون واذا استشهدوا يفرحون اكثر لان رح يكونون يم رب العالمين رب الرحمه احسن من الدنيا كلها واحسن من الناس
    عيشي يومج ادعي رب العالمين وكولي ربي الي بيه خير واحسن الي سويه الي محد يعرف الصالح وين
    وبلاخير حتى الالم غفران ذنب
    وان شاء الله ربي يشفيج بحق الامام الجواد عليه السلام
  10. بواسطة بهلول الرشيد

    رحلتي وتركتي هموم الدنيا
    لغيرك
    رحمك الله يافراشة لم تبلغ حلم الطيران
  11. بواسطة رحلت حبيبتي

    رجاءا حذفوا هذا الموضوع ما اتحمل اشوف معاناه حبيبه كلبي
  12. بواسطة بهلول الرشيد

    لا هذا الموضوع ذكرى لمن رحل وهو راحل عن الحياة الدنيا
    وهو مبتسم ضاحكا على هذه الدنيا الفانيه وموعظه للباقين
    يبقى الموضوع المرلم حقااا