منتديات نبع الفرات

تمت ارشفة منتديات نبع الفرات

المشاركات من الموضوع العين خرسه ودمعة الجاهل صريخ...قلمي

  1. بواسطة ضياء الصافي

    [صورة]

    المهره تعرگ من يشب خيّالها..... والمسابگ شوگ يطري اخيالها
    الينتچي اعلى الغير لا يرفعله أيد
    خل يضل گاعد يلمّ بذيالها
    العين خرسه ودمعة الجاهل صريخ
    الما يعرفلها. غلط يبرالها
    زفّة العاشگ حلگ للبيده ناي
    من يشوف ايگودّها المو مالها
    اليطب ديوان بس اخزرله ايد
    شمرة ايده امبينه من منوالها
    لاتحدّ بيه سچاچينك رماد
    الگاع حره وما تخف برجالها
    الوردة تذبل چيف ماتنطيها ماي
    وانا افوعن لليشچخ فالها
    الموش كلها.. تميل وي دف الطبول
    وانا گتلك. لاتّيّه جالها
    هيه شمره وشمرة ..المابيها خير
    امبينه بس انظر عدل لشّچالها
    الچيله نيه ونية الرماية حوك
    بخيته حيل تعّور اليدنالها
    الناس موقف.چلمه. فزعه بكل مچان
    وبيها ناس تنام وي چتالها
    شگد فرق بين اليزفّ بتّه العروس
    وبين وحده تنال من اعكالها
    الموش الك لاتعلى بيها بكل مچان
    وحيل احذزنك واحذّر الگالها
    وراح اسد حلگ القصيدة وكلي غيض
    وچلمتي تكسر ضهر حمّالها

    قلمي

    ضياء الصافي
    [صورة]
  2. بواسطة بهلول الرشيد

    شكرا على المجهود المميز
    تحياتي لك
  3. بواسطة Rain

    شكرا على المشاركه
  4. بواسطة متفائله بالله

    حلو كلش عاشت الايادي
  5. بواسطة ام بنين

    روعة شكرا لك
  6. بواسطة ضياء الصافي

    شكراً لمروركم الرائع..
    تحاياي .:46: