منتديات نبع الفرات

تمت ارشفة منتديات نبع الفرات

المشاركات من الموضوع قصيده ياثار الله العجل العجل الشاعر سليم الجنابي

  1. بواسطة حسن الياسري

    ياثار الله العجل العجل

    بعدنا اعلل العهد وياك موﻻي
    وقصة طلعتك من كال ننساهه
    باقين علوعدك لسه منتظرين
    وقصة غيبتك يامحلى طرواهه
    كل عاشور نكصد للحسين انروح
    نظل دوم ابمحرم نحي ذكراهه
    يايوم الذي ويانه تمشي اهناك
    جن جايب الزهرة وتمشي وياهه
    باجر من تجي تطلب ابثار حسين
    وبعد تكصد الكعبة وتوصل الطه
    اول ماينشدك يبني اخذت الثار
    امك هم شفتها وياهو اذاهه
    رحتلها وشفتها اشعمل بيها الكوم
    كالتلك ييمه الثاني سباهه
    كالتلك ييمه الصدر بي بسمار
    كالتلك ييمه الثاني سطراهه
    باجر طلب ﻻمك تصلب الشيخين
    باجر يم كبرها الشيعة تتباهه
    باجر للبقيع اقبور تبني اردود
    واجدادك قببهم كلها تبناهه
    باجر للغري من تكصد وي الجيش
    وعج خيلك الرايح يترس اسماهه
    باجر كربله تتعطر الملكاك
    تجيك امكحله ويامحلى ممشاهه
    باجر ثار اﻻكبر والطفل وحسين
    وكل شيعة محمد تأخذ اوياهه
    باجر كل هلك ترجع اردود اوياك
    ودولة حب علي تحكم رعاياهه
    باجر ﻻ ظلم ﻻ جور ﻻ ارهاب
    ترد كل القيادة الجنه نتناهه
    على هذا العهد عاهدنا رب الكون
    واحدنا ابوريده البيعة لباهه
    عدنا القتل عاده وبيها نحلم دوم
    وعلى درب الشهادة الكل تعناهه
    عشكناكم عشك بس الله يعلم بيه
    ضريبة حب علي بالروح نفداهه
    لئن شفنا الرضيع البعده بالكاروك
    ركض صوب السهام ابصدره صداهه
    ترك مهده الرضيع وطلع يطلب موت
    من شاهد النبله ابنحره رداهه
    الشاعر سليم الجنابي
  2. بواسطة عطر الامير

    شعر جميل شكرا
  3. بواسطة رهف العتابي

    كولشي مشفت سيد لو تبدل لون الخط
    شكرا اخويه سيد حسن