منتديات نبع الفرات

تمت ارشفة منتديات نبع الفرات

المشاركات من الموضوع لو بس يبقئ للعباس ها الجـــف

  1. بواسطة جنان العراقيه




    لو بس بقي للعباس هالجف وتشوف العين
    هيهات الشمر لدوم يوصل يم اخوي حسين
    والكالو تدوسه الخيل جا حاروا الشرده امنين!
    لكن مابقتله اجفوف والراس انفدع نصين
    طاح وهجمت العسكر
    أه ياطف المكَدر
    والوالانه يتحسر
    بينه الهسه يتألم
    خَيم وسط المخيم
  2. بواسطة جنان العراقيه

    لمن ماهجم عباس والجيش اختلف بالراي
    صاروا كلهم ايكولون هالواحد نشوفه اهواي!
    وبكل جبهه ويصيحون بالحظه و عليهم جاي
    بعثرها الصفوف اهناك عطشان ويريد الماي

    ​وبايده الفرات اليوم
    واتذكر عطش مظلوم
    كله يانهر للدوم-بعد احسين تتحرم
    خَيم وسط المخيم

  3. بواسطة جنان العراقيه

    :::::

    عاينت الجيوش اهواي وانه انخطفت الواني
    ناديت الكفلني ابهاي خويه ابشاربك اني
    صاح ابزودي لتخافين مافاز التحداني
    باجر راح اخليهم واحد يلعن الثاني
    وانتي ابشاربي وتبقين
    زينب خويه لتخافين
    واحلفلج بعد بحسين-أصبغ كربله بالدم
    خَيم وسط المخيم
  4. بواسطة جنان العراقيه

    انه امدللة عباس جان ايضمني بعيونه
    لمن ما طلبته الماي كال الطلبه مضمونه
    صال ابصولة الكرار فنهم لو يلاكونه
    واشكد عالنهر حراس ماكدر يمنعونه
    منهم ما سمعنه الصوت
    وبزود اليجيب الموت
    ياكاع الصفت تابوت-بيهم لمن اتحزم
    خَيم وسط المخيم
  5. بواسطة بهلول الرشيد

    يستاهل ابو فاضل نكتبله
    شكرا لك