منتديات نبع الفرات

تمت ارشفة منتديات نبع الفرات

المشاركات من الموضوع مٌتْــى تْـدِرَيَ

  1. بواسطة جنان العراقيه

    متى تدري بعذاب الشوك
    يالشوكك سجين بصومعة ذاتك
    متى دربك تعرفه اجدام
    يالدربك رمال مغطيه سجاتك
    متى عينك تصد بالعين
    يالتكتل كتل من تصد نظراتك
    يالوجهك اغر چنه الكمر بالماي
    ولتم السمچ ويبوس وجناتك
    يالحجيك برائه بشفة الاطفال
    چا شنهي البرائه بغير جلماتك
    يالشعرك شمس حته بسواد الليل
    وتغار الشمس من تشع خصلاتك
    يالمحلي الغزل شنهي الغزل لولاك
    صفصاف الغزل من غير ثمراتك
    يالوصفك كلام مشفر وممسوح
    يالمحد يفك بالوصف شفراتك
    ما الوم الشمس لولبدت وي الغيم
    مستحيه الشمس من نور وجناتك
    ولا الوم الندى لو عانق الصفصاف
    مجبور الندى بغياب ورداتك
    يالصوتك رقيق برقة الانغام
    ومجموعه البلابل چنها بصواتك
    يا هرش الورد لمته الربيع يعود
    اخافن لاتجي ولا نشم ورداتك
    يالكلك حلو من الجدم للراس
    وشهود بجمالك حتى شماتك
    يا كاس الموده والگلب عطشان
    اخافنها تشح بشفافي گطراتك
    مرخوص العطش بشفافي خلا يجور
    لابد ما تصب بشباط مزناتك
    ومرخوصه الليالي وخلها بيه تجور
    لان لون الليالي بلون خصلاتك