منتديات نبع الفرات

تمت ارشفة منتديات نبع الفرات

المشاركات من الموضوع صّـــــارَ سِنَيَـــــنَ صّـابّرَ

  1. بواسطة جنان العراقيه

    صار سنين صابر والگلب موجوع
    أضحك بالچذب وبروحي أحزاني
    وأگول تهون لازم كل مصيبة تهون
    أشو عد المصايب ثبت عنواني
    عشت عمري غريب وبس اداوي جروح
    ولا اذكر بشر في يوم داواني
    شسولفلك شگلك ع الجرة بدنياي
    يخلص كل حچي وماتخلص اشجاني
    أنا العايش حلم واليقظة حرگة ويل
    من يوم الولادة القهــــــر خاواني
    فاقد كل أمل إلا بوفاك وياي
    ولاغيرك يهمني ولا اريد آني
    لأن بسمة شفاهك لية صارت روح
    ولأن نظرة عيونك عندي شي ثاني
    وأحس روحي بلهفتك من تكون وياي
    وأحس بأحضانك انت الزمن يرعاني
    وأريدك بس أريدك ماتغيب هواي
    لأن بغيابك انتة موتي يدناني