منتديات نبع الفرات

تمت ارشفة منتديات نبع الفرات

المشاركات من الموضوع قصيدة كفاكم هذا التفاوت الشاعر سليم الجنابي

  1. بواسطة حسن الياسري

    كفاكم هذا التفاوت بيننا وكل إناء بالذي فيه ينضحوا

    موش احنا النخالف شرع رب الكون
    وﻻ ندخل مدينة انهاجم امخاتل
    مو شيمت علي ذبح اليذب السيف
    وﻻ بينا اليطارد عل الشرد اعزل
    هاي افعالكم روح انشد التاريخ
    احنا ابذم شخص هيهات نتقبل
    هاي افعالنا انسولفها للتاريخ
    من نهجم على العايل نجي امكابل
    الغيره العد علي يعرفها كل انسان
    ما يرضه المقاتل لو وكع يقتل
    عدكم هاي جائز وبكل سهولة تصير
    قتل اطفال سبي نسوان علهزل
    ابوكم من قبل سواها ويه حسين
    حتى البل مهد خﻻه يتعلعل
    فعلكم يانبي لو سولفتله اعليه
    لو كلبه صخر جا صدك اتزلزل
    سيدكم قبل يوم الملك صفين
    منع ماي الفرات اعلينا وتمرجل
    بس يوم الدخلها المشرعه الكرار
    ما حرم عليه وصاحله اتفضل
    فرق بين الولي وبين اليقبل اجفوف
    وفرق بين اليمثل والصبح امثل
    هضيمه ياعلي وي ذوله اقارن بيك
    اذا جابو الدنيا اوياك مانقبل
    اذا هما المﻻئك سيدي ايخدموك
    اذن لنعال قنبر كلها ما توصل

    الشاعر سليم الجنابي
  2. بواسطة بهلول الرشيد

    قصيده رائعه شكرا لك