منتديات نبع الفرات

تمت ارشفة منتديات نبع الفرات

المشاركات من الموضوع ابّوَ ذَيَاتْ

  1. بواسطة جنان العراقيه

    على مودك عفت ربعي وناسي
    واسد بحلوك شماتي وناسي
    اذا عني غفل كلبك وناسي
    انه بطرواك لسه وتدري بيه
  2. بواسطة جنان العراقيه

    يمن ليك الكلب يخفك ولاجن
    وشوغاتك كلن عمري ولاجن
    صدك تنساني يمعود ولاجن؟
    هذاك انته الجنت تغفه على اديه
  3. بواسطة جنان العراقيه

    البشر لو مات كلبه ماتشوفه
    وضمير الناس جنه مات اشوفه
    عسن عين اللي حكلهه ما تشوفه
    عمه اسود صابهه لحد المنيه
  4. بواسطة جنان العراقيه

    الليالي بكاسهن حنظل حسلي
    ومثل ما احسنت محد حسلي
    لهجن واشرد بهدمي حسلي
    ولا اشوفن حلالي وماهو اليه
  5. بواسطة جنان العراقيه

    ابد مايوم من همك خليتان
    وبعد خل ينتضر كلبي خليتان
    اخبرك بالجسد ظلن خليتان
    الك وحده اوهبتهه ووحده اليه
  6. بواسطة جنان العراقيه

    الوكت غثانه كلش ولمانه
    وتراده ووله خيره وله امانه
    هدم بيت الجمعنه والمانه
    وخرايب ظلت الجانت زهيه
  7. بواسطة جنان العراقيه

    روحي اشتاكت لشخصك وحنيت
    ولويت ظلوعي بفراكك وحنيت
    وحقك جاجبت حنه وحنيت
    عتبة داري لو مريت بيه
  8. بواسطة جنان العراقيه

    يحن كلبي على حبك من احبك
    واخذ زهوة شبابي مني حبك
    انشدك ياهو الاكثر مني حبك
    حته بهالسهوله تخون بيه
  9. بواسطة جنان العراقيه

    احن انه لعشرتك بيه سبه
    سلبني وصار حالي بيه سبه
    وحك ذاك الصميده بيه سبه
    اخلي اهل الكبور تهد عليه
  10. بواسطة جنان العراقيه

    شلت منه وتبعني هم لكاني
    لكاني وشلكاني هم لكاني
    عسل ضنه بعدني هم لكاني
    صرت سم وخذت ثارات اليه
  11. بواسطة جنان العراقيه

    بوادي الشوك احس صوتي دوى لك
    ودليلي شموع الك عشرة دوى لك
    اذا كالولك بكتلي دوى لك
    شتضن بدواك روحي اتعز عليه
  12. بواسطة جنان العراقيه

    عسى حد سيفه بنحري عساكر
    ويتيه حساب طعناته عساكر
    انه الجنت اهد لجلك عساكر
    تلمني وبيه هسه تهد عليه-
  13. بواسطة جنان العراقيه

    ردت بالكون من عدك ولك حس
    وجبينك لوعرك بيه ولك حس
    ضربتك للعضم وصلت ولك حس
    اموت تريد اموت وهاي هيه-
  14. بواسطة جنان العراقيه

    لساني يعجبك بطكهن ملكلك
    وزود البيه موملكي ملكلك
    اذا ربك بعث حارس ملكلك
    اخطفك انته والحارس سويه
  15. بواسطة جنان العراقيه

    طفت عيني الجنت يسمر بهاراك
    وعشرتك كالوحل صارت بهاراك
    يحالي صفنك ادري بهاراك
    وتعض بشفاك عالسويته بيه
  16. بواسطة جنان العراقيه

    هجرك حيل خايب مرضاني
    زعلت وعكب شخصك مرضاني
    ترض صدري وتكلي مرضاني
    ولاجنك سحكت انته عليه-
  17. بواسطة عطر الامير

    احسنتي جنان
  18. بواسطة العراقي راقي

    حفر وكتي حدر ساسي وهدماي
    وسلب من عندي ثيابي وهدماي
    عود اكرب واطش بزري وهدماي
    بعيد الوكت مايلحلگ عليه
  19. بواسطة نجلاء على

    رررررررررررررررررائع