منتديات نبع الفرات

تمت ارشفة منتديات نبع الفرات

المشاركات من الموضوع ابو ذيات مشطر

  1. بواسطة بهلول الرشيد

    أجيت وضوة اخدودك / شعرك الليل
    وإلك من سمع صفك / شعرك الليل
    همس ردك.
    عسل خدك.
    شكر زندك.
    الكمر .. من يطلع إيقلدك..
    ضوة بصدك .
    دفو إبردك.
    منو أيهدك؟
    أحترك .. لا عيب أسب جدك..
    أعلى ظهرك شنهي نازل/ شعرك؟ الليل؟
    أمن أحضنك صم نجوم أتطيح بية
    ..............................................
    بطواحين الهجر كلبي…. رحت لا
    سبع فدوات لكليبه…. رحت لا
    واروحن فدوة الك كلي
    العمر بفراكك يولي
    يروحي وعازتي وخلي
    بغيابك اعمه ويدلي
    دليلي التاه مايندل
    زرع وافراكك المنجل
    حديثه ولابسه المحجل
    وبعدني لجيتك اسال
    يخلي تعطلت كلي…. رحت لا
    مشيت وجن بنيت اكبور بيه
    .............................................

    ﻃﺎﺡ ﺍﻟﮕﻠﺐ ﻣﻦ ﻋﻨﺪﻱ ﺣﻞ ﻭﻳـــﺎﻩ ..
    ﺃﺧﺬ ﺣﻴﻞ ﺍﻟﮕﻠﺐ ﻛﻠﻪ ﺣﻞ ﻭﻳــــﺎﻩ ..
    ﺗﻌﺎﻝ ﺍﻧﻈﺮ
    ﺟﻔﻦ ﻳﻤﻄﺮ
    ﮔﻠﺐ ﻳﻨﻄﺮ
    ﻭﻛﺖ ﻳﺴﻄﺮ
    ﻣﺜﻞ ﺣﺎﻝ ﺍﻟﻐﺮﮒ ﺣﺎﻟﻲ
    ﺃﻓﻮﺟﻦ ﻭﺍﻟﺠﺮﻑ ﻋﺎﻟﻲ
    ﺃﻇﻞ ﻣﺸﺘﺎﮒ ﻟﻠﺘﺎﻟﻲ
    ﺣﺰﻳﻦ ﻭﺣﺎﻟﺘﻲ ﺣﺎﻟﻪ
    ﺑﺨﺪﻱ ﺍﻟﺪﻣﻌﻪ ﻫﻤّﺎﻟﻪ
    ﺍﺑﺎﻭﻉ ﻟﻠﺨﻠﮓ ﻛﻠﻤﻦ ﺣﻠﻮ ﻭﻳـــﺎﻩ ..
    ﻭﺁﻧﻲ ﻭﺻﻮﺭﺗﻚ ﻧﻤﺸﻲ ﺳﻮﻳــــﻪ ..
    ..................................................
    سهم دهري كصد كلبي ويابات
    طلع بس ماطلع وحدة ويابات
    يتيم اني
    الحزن مايوم ينساني
    سهم هجرك كصدني وصعب يخطلني
    هجرك صار كل مختار
    يندلهن جروحي وما يتيه دار
    يذكرني ويشوف بخنجرك تذكار
    ويوم الي اكطعت تدري يغالي شصار
    حبلت دنيتي وطلكت ويابت
    خمس هموم ذبتهن علية
  2. بواسطة بهلول الرشيد

    زهد روحي بخدمتك ( تمرة زهدي )
    وبــــابك اذا ينـــفك ( تمرة زهدي )
    فرح قهرك
    ثلج جمرك
    ورد عطرك
    عسل مرك
    نهر شعرك
    جبل صدرك
    حجل خصرك
    وجه ظهرك
    الهوى يخدرك
    دهر فرك
    فلك طرك
    ولك مو شفة عندك ( تمرة زهدي )
    ( من اضوكنهه يطك بستان بيه
  3. بواسطة بهلول الرشيد

    مهر مجنون شو كلبي مغاره
    عليش الغار من عندي مغاره
    غشيم ابكلشي
    كمت انغش
    بيت وصبح امفلش
    وصدري من اللطم خرخش
    والف خفاش
    بي عشعش
    ابجبل حمرين جن روحي مغاره
    واقل شي اتلطعش عربيد بيه
  4. بواسطة بهلول الرشيد

    شيطن من يهز امشاك ردفاك
    البحلكَه الخرس لو جاك ردفاك
    تداوي الصم
    تحجي ابكم
    تشيب الراس للمفطم
    يدلعة زيج
    مو جن زيج
    جمال الحور بس اعظم
    عليك ارداف
    حيل اخفاف
    رف فنجان بيد اطرم
    احس مرادف البراس ردفاك
    خبط عكَلي وطلعلي جنون بيه
  5. بواسطة بهلول الرشيد

    هويتك كون تهواني وهاويك..
    وعلي نسماتك اطشنها وهاويك..
    بهواك نعيش..
    طير وريش..
    شجرة وماي..
    دمعه وناي..
    بهجرك بينت بلواي..
    اصيحن عود..
    اكلني الدود..
    ميت بيك..
    ماناسيك..
    حط بشفاك..
    نعش وياك..
    جسر اهات للحسرات..
    عمري الفات..
    بعدك مات..
    جفاك الصار هاويتي وهاويك..
    عمه عيوني وكلامك شوف اليه
  6. بواسطة بهلول الرشيد

    وحك السيفه ما مثله ولا سيف.
    ابحبل وصلك فلا اشدن.ولاسف.
    حجولي هواي..
    وجذبنهم وصير وياي..
    وحك الراح يحضر ماي..
    متندم كلت وفاي..
    لأن جذبت ما وفيت..
    وكبل حالفلي بهل البيت..
    تظل وياي ماظليت..
    لذلك مالي عتبه اعليك..
    عمت عيني امنفكر بيك..
    عشره وخلصت بجروح..
    سرك منكشف مفضوح..
    عذرك دوم مامسموح..
    كافي وروح...
    خنت لا معذره تفيدك .ولآسف.
    ولا هم يحزنون اطيت بيه
  7. بواسطة بهلول الرشيد

    بجه كلبي بسبب لعبك{بشعراي}

    مصايب هل تره براسي{بشعراي}

    اسمع ناي~كص اجلاي~

    صدري يفور!جن تنور

    تسيل دموع خدي يموع

    هذا وذاك راح وياك

    ماحسيت لارديت

    شنهوا الصار^ماتندار^

    صار اهواي اصيح الماي

    هاي الروح بس جروح

    بسك عود يمته تعود

    اصيح الويل%صبح وليل

    كافي ارجوك طب للسوك

    تلكه عليك كاتبلك{بشعراي}

    قصيده بهالقصيده أشصار بيه
  8. بواسطة ساره عمران

    عاشت الايادي
  9. بواسطة نجلاء على

    فى منتهى الروعة