منتديات نبع الفرات

تمت ارشفة منتديات نبع الفرات

المشاركات من الموضوع "راح اهلسك هلس"

  1. بواسطة بهلول الرشيد

    قصه لطيفه اقراها للنهايه وراح تعرف شنو الرباط
    "راح اهلسك هلس"
    .....
    اكو مدينة صغيرة يحكمها شيخ عشيره حسب الاعراف والتقاليد العشائريه وره فتره ظهر رجل دين معمم يفقه الناس بامور الدين و ضل يتدخل بالامور الزغيرة و الچـبيرة الى ان صار صراع قوي بين شيخ العشيره ورجل الدين و ما انحلت شغلتهم حتى صارت الناس هي الحكم بيناتهم.
    فطلب الناس من الاثنين كتابه كلمه حيه (افعى) على الكَاع فكتبها رجل الدين المعمم بسرعة،
    اما شيخ العشيره فچـان لا يقرأ ولا يكتب فرسم بعصاته على الارض صوره "الحية"
    فكَال الناس احنا ما نعرف كتابة رجل الدين وان شيخ العشيره چـان اصح ولذلك لازم تكون السلطه العليا بيد شيخ العشيره.
    بس الرجل المعمم ما استسلم و وعد شيخ العشيرة بهاي الحچـاية
    "راح اهلسك هلس"
    و مرت الايام و رجل الدين سوه نفسة مريض و ضل نايم بالفراش و الناس تزوره ببيتة.
    وبعد فتره كَال رجل الدين بان احد الانبياء طاف علية وكَاللي دوائك هو شعره من راس "شيخ العشيره" فرد عليه الناس هاي شغله بسيطه و شيخ العشيرة ما يبخل عليك فراحوا للشيخ وكَلوله بالشغلة فكَاللهم الشيخ يتدلل وهذه 3 شعرات بدل الشعره الواحده فجلبوها لرجل الدين و ما صبح الصبح الا و رجل الدين المعمم مشافى معافى يتجول بالاسواق فانتشرت القضيه بان شعر شيخ العشيرة يشافي المرضى.
    فلزموا المرضى سره على باب الشيخ طالبين منه شعره تشفيهم الى ان وصل الحد باللي عدهم دجاجه او حيوان يجون يطلبون شعره من شيخ العشيره.
    الى ان تركوا الشيخ راسه يلمع بدون اي شعر لا لحيه ولا شوارب ولا حواجب وبعدها هرب الشيخ الى غير مدينة و وراها توفى
    و تحقق وعد رجل الدين:
    الجماعة من جانوا بالخارج مثل الظاهر جانو متحلفين بشعب العراقي يهلسونة هلس وسووهة وفوك الظيم يعتبرون نفسهم مسوين فضل عليهم و اذا تسالهم شنو سويتوا لما كنتوا خارج العراق يكلك جنه انجاهد مادري يجاهدون منو فريسه مذبوحه و طاحت بيد ذيب لما تشوف كلامهم كانما هم سقطوا صدام
  2. بواسطة Alforati

    الله يهلسكم دنيا واخرة من معممكم الى فاسقكم
    القصة جميلة استاذ تسلم