منتديات نبع الفرات

تمت ارشفة منتديات نبع الفرات

المشاركات من الموضوع الشاعر حيدر موسى الرميثي. قصيدة الى الشهيد الصدر قدس

  1. بواسطة عشاق المفيد

    ياصدر- اگعد امسح روسنه اخلافك يتامه
    ياصدر – لسه تبچي الجمعة وتنوح العمامة

    انت ابونه ياصدر – من رحت وحشه العمر
    -------------------1--------------------
    منبرك موبس علم مولاي يحوي
    مثل يوم الفتح للاسلام يهدي
    مثل نور الشمس وجهك چان يضوي
    شمس كل جمعة بخاطبك قصة تروي

    يامسيح – انصلب ويه أولادة بجذوع الاعادي
    يامسيح – صوبه بعد الصلاة سيف المرادي

    وينك ارجع يافجر – من رحت وحشه العمر
    -------------------2-----------------------
    طحت سابح يالصدر من سيل دمك
    احنة متاكدين فاطم اجت يمك
    لئن امك فاطمة ومتعوفك امك
    عليك طاحت فاطمة تبچي وتشمك

    ياسفير – ياسفير المهدي هاي الجمعة تنعاك
    ياسفير – منبر الكوفة بحزن مولاي نادك

    بالمصايب ننعصر – من رحت وحشه العمر





    ------------------3------------------------
    كل جنازة يم علي يزوروهه اهلهه
    بحظرته يطوفونهه وتودع املهه
    يم علي جنازتك شو محد حملهه
    بظلمه دفنوهه وبچت زينب لجلهه

    ياغريب – ياحسين العصر والطلقة بجبينك
    ياغريب – هم تردلينة يبونه انصيح وينك

    والعلم ظل ينتظر – من رحت وحشه العمر
    -----------------4-------------------------
    مثل امك فاطمة بالليل دفنك
    ماحظرنه انشيعك ولا شفنة جسمك
    وانت ميت ياصدر محد يرحمك
    لحد هذا اليوم چم واحد يظلمك

    ياشهيد – والله ماننساك ونجدد مصابك
    ياشهيد – لسه مجروحين يالغالي بغيابك

    بينة حسرات الجمر – من رحت وحشه العمر
    ----------------5--------------------------
    مثل ابو فاضل طحت ها يبن الحسين
    چنهم چفوف الگمر اولادك اثنين
    چنك العباس طايح ياضوة العين
    اولادك انت اتگطعوا چنهم الچفين

    والچفوف – مصطفى چن چفة الايمن من تگطع
    والچفوف – والمؤمل چفه الايسر ماتشيع

    الياوكت يبقى الصبر – من رحت وحشه العمر
    -------------------------الخادم—حيدرالرميثي------

    لسه بينة – غيرتك – لسه بينة
    ----------1---------------------
    احنة تربات الصدر- فدوة لحسين العمر
    نضحي لجله بكل عصر- ننتظر مهدينة
    نسوي داعش مگبره – بحيل سبع الگنطره
    هالشباب الثائرة – اعله العز اتربينة
    ياولينة -- يالصدر-- ياولينة
    لسه بينة – غيرتك – لسه بينة
    ------------2------------------
    فتوتك لسه بقت – بشهر شعبان انفتت
    من گلت كلهه مشت – الكربلا مشاية
    وگلت لحسين المشي – رغم منع ابن الدعي
    كل سنة انضل نعتني –ونرفع احنه الراية
    مانسينة – فتوتك – مانسينة
    لسه بينة – غيرتك – لسه بينة
    ----------------3-------------------
    انصيح بسمك يابطل – نرفض المنكر نضل
    دوم ماخفنه الاجل – كل عمر بيد الله
    ابد مانسكت بعد – والله مانركع ابد
    فقط بس لله الصمد – مانذل بس لله
    خل بدينه - رايتك - خل بدينة
    لسه بينة – غيرتك – لسه بينة
    ---------------4-------------------
    ماننزل رايتك – للعدلة فتوتك
    حررتنة بثورتك – واحنه صرنه جنودك
    يابطل لابس چفن – تبقى عايش كل زمن
    انت ياليث الوطن – حررتنه بزودك
    واقتدينة بحكمتك واقتدينه
    لسه بينة – غيرتك – لسه بينة
    ----------------5-------------------
    بغفله چنه يالصدر- وانت وعيت الفكر
    دمك انجيل النصر- والفكر توراته
    عدت ثورة فاطمة–اعله الحكومة الظالمة
    يلي ضحيت بدمه – مابرد گطراته
    شما دعينه - يا املنه - شمادعينة
    لسه بينة – غيرتك – لسه بينة
    --------------------------------حيدرالرميثي--------------
    نبقى ننعاك - مانسيناك ياصدرنه
    ----------------------1--------------------
    شلون ننسه – الي هدانا – والله ماننسه ابد
    حررتنه – وعلمتنه – انخاف بس من الاحد
    شجعتنه – اعله الشهادة – نضحي لجل المعتقد
    اعله التحدي – اعله الشهادة – علمتنه يالاسد
    نبقى بحماك - مانسيناك ياصدرنه
    --------------------2---------------------
    بيك ننظر – چم كرامة – شمكا نخينه يالصدر
    اشچم مريض – انت تشافي – چان ناذرلك نذر
    واليگصدك – ماتردة – والله ابد ماتعتذر
    والي يطلب – حاجة منك – تنگضي وماضل عسر
    دوم نرجاك - مانسيناك ياصدرنه
    -------------------3-------------------------
    دوم گبرك – يبقى يضوي – من نزورك يالولي
    دوم نمشي - يمك احنة – شما مشينة يم علي
    عالي نورك – ياصدرنا – بالكرامة تمتلي
    الظالم انذل – تاجة يوگع – وانت باقي وتعتلي
    لوندبناك - مانسيناك - ياصدرنه
    --------------------4--------------------
    وانت ميت – ياولينة – منك ايخاف الظلم
    عالي فكرك – نورعلمك – يترس الدنيا علم
    المايعرفك – يبو مؤمل – والله ابد مايفتهم
    انت ثورة- الحررتنة – بيك يحتار الخصم
    والعلم ذاك - مانسيناك ياصدرنه
    -----------------5----------------------
    لسه كتبك – بيك تحچي – حيرت اهل الفكر
    على المهدي – اشچم مجلد – بيهه تكتب يالصدر
    باقي فقهك – للمدارس – ياصدرنا بكل عصر
    الجمعة تبچي – الحوزة تندب – بعدك الدنيا بجمر
    ماتركناك - مانسيناك ياصدرنه
    ------------------------------------------------------------------الخادم حيدرالرمثي---

    سلام عليك امام السلام
    سلام عليك امير الكرام
    --------------1------------

    بكفن الشهادة نصرت العراق .
    فضحت الطغات واهل النفاق
    هزمت بعزمك دين الشقاق .

    سلام عليك .. بصوت الحمام
    ........................2
    نصرت اليتامى والضعفاء
    لدين الحسين فديت الدماء
    عرجت بروحك نحو السماء

    سلام عليك ازلت الخصام
    ...............3

    سراج العقيدة انت الشهيد
    عزفت مع السيف لحن الوريد
    فقيثارة الذبح قالت نشيد

    سلام عليك شهيدا همام
    سلام عليك امير الكرام
    -------------2---------------
    شذى من دماك سقيت الحياة
    فاما السعادة اما الممات
    رسولا قتيلا لاجل الصلاة

    سلام عليك تنيرالظلام
    سلام عليك امير الكرام
    ---------------3----------------
    فانت سفير ووحي الحسين
    حملت الرسالة للعالمين
    اضئت بجرحك كهف السنين

    سلام عليك وحتى القيام
    سلام عليك امير الكرام
    ------------- الشاعر حيدرموسى الرميثي
  2. بواسطة بهلول الرشيد

    شكرا لك