منتديات نبع الفرات

تمت ارشفة منتديات نبع الفرات

المشاركات من الموضوع شوق العليلة

  1. بواسطة عطر الامير

    ويّاكم للموت اخذوني ... وحدي لا لا لتخلّوني
    ما تتحمّل روحي اجفاكـــــم
    لرض الطف اخذوني وياكم

    ويّاكم للموت اخذوني

    1

    عليله و دمعتي يا بويه همّـــــاله
    و اشوفنّه الضعن متجهّزة ارحاله
    وصالي وياك ليش اتكَطــِّع احباله
    و تدريهه يبوية الفركَه جتــــــاله
    شاهد بوية ادموعي التجري ... ماضن بعدك ينفع صبري
    بيا عين انظر ضعنك ناوي
    يرحل ويهد حيلي الخــاوي

    ويّاكم للموت اخذوني

    2

    عليلة بيا كَلب اتحمّل الفـــــركَه
    بالدمعات ما ضن تنطفي الحِركَه
    يبوية اشلون أنسه ساعة الملكَه
    خبر ترحل يبوية كَلبي ميصـدكَه
    شلون اتسافر و تخليني ... و آنه ابأول دور اسنيني
    و آلآم العِلــّه البــفــــــادي
    وي شوغات الروح اتنادي

    ويّاكم للموت اخذوني

    3

    شهر و تعود أكَولن و الله اتصبّـــر
    و اكت يابويه من شوكَي دمع احمر
    لجن متعـــود اليه و الله ما أكـــــدر
    إخذني وياك حالي بحالـة الخِــــــدّر
    يا بويه ابلوعة آهاتــي .. و بزحمة وني و شهكَاتي
    أصرَخ لا ترحل عن عيني
    مِن بَعدك ياهـــو ايباريني

    ويّاكم للموت اخذوني

    4

    أنام الليل صعبة و إنتَ مـــو يمي
    حنانـَــك هوّ روحي الساريه ابدمي
    يبوية بشوفتك يتلاشـــى كــل همي
    وجودك خيمه بويـــه و العَمَد عمي
    انتَ و عباس اتباروني ... مهيوبه ابسِدكم خلوني
    و قاسم و الاكبر سلواني
    أرتاح ابجمعة خــوانــــــي

    ويّاكم للموت اخذوني

    5
    بلاياكم بعد شلّي انه ابعمـــــــــــري
    بعدكم راح اموت ابلوعتي و قهـري
    كَبل لتروح احفر يالابو كَبــــــــــري
    وسلِّم بيد ألله امرك و أمـــــــــــــري
    إنته ابغربه و آنه ابغربه ... وتدريهه الغربه اشكَد صعبه
    احفر كَبري و زيح احزاني
    احفر يالوالـد شمتــــــــاني

    ويّاكم للموت اخذوني
  2. بواسطة إحساس

    بوركت وجزاك الله كل خير
    وسلمت يمناك..