منتديات نبع الفرات

تمت ارشفة منتديات نبع الفرات

المشاركات من الموضوع آلآم العليلة

  1. بواسطة عطر الامير

    بالآلآم .. والأوهام
    خلص عمري .. خلص عمري
    **1**
    يا دنيه اشجنت روحي .. حته ابهلقهر تنصاب
    طفله ويا ذنب ذنبي .. وينبت بالكَلب نشاب
    كبل حينه افل بدرك .. يبويه وعن سمايه غاب
    عليله و عيني مدمعهه .. من دمعه ابد ما تاب
    ليل انهار .. ضل مدرار
    دمع يجري .. خلص عمري
    **2**
    حزن روحي مثل جمره .. جوت دلالي بالفركَه
    وبلياك يابــــــــــــويه .. صدري ترسته الحركَه
    يبويه بروحتك رجعه .. لو ئــــــيِّــس من الملكَه
    انه بلا عطفك و ملكَاك .. كَــــلبي لو يطكَـ حكَه
    عله الدمعات .. و الونات
    بده عمري .. خلص عمري
    **3**
    يا منهل سنه اسنـيني .. مرمرني سفركم ذاك
    يبن الطاهره نــــوخ .. نوكَـ ابعادك و فركَاك
    ارجع وامسح دموعي .. يا بويه انــه اترجاك
    وحدي لا تخليــــــني .. اتانيك بدرب مسراك
    تخليني .. بدمع عيني
    حرت بمري .. خلص عمري
    **4**
    يابويه الابو خيمه .. عله اعياله يفييهه
    وانه الروحي بردانه .. بعطفك بويه دفيهه
    مهجة بنتك ابلياك .. ما ضل كل صبر بيهه
    اموتن لو سفركم طال .. وحكَـ دمعاتي جاريهه
    يبويه انخاك .. و اترجاك
    نفذ صبري .. خلص عمري
    **5**
    اسدن يا جفن بويه .. وياليل الانامنه
    من عكب الحبايب ما .. عمري الهمي عافنه
    سكينه و زينب وجلثوم .. منبع حزني زادنه
    وبروحتهن الدلال .. بويه ابزغره مردنه
    فـِــرن كلبي .. خذن عتبي
    بألم قهري .. خلص عمري
    **6**
    امر ببيوت احبابي .. اشوفن بس طيوف الياس
    لا جـــاسم و لا اكبر .. لا عبــــد الله لا عباس
    يا بويه حِــزن كلبي .. صار الكل حزن مقياس
    طفله ابأول اسنيني .. و جرعني الزمن يا كاس
    جرعت اسموم .. يا مظلوم
    بسهم هجري .. خلص عمري
    زكي اليــ النجفي ــاسري
  2. بواسطة إحساس

    ربي يسلم دياتك ‘
    ويسلمك لطرحك الجديـدَ ‘