منتديات نبع الفرات

تمت ارشفة منتديات نبع الفرات

المشاركات من الموضوع قصيدة الشاعر سيد عبدالخالق المحنة بعنوان سلام سلام شهادة السيدة رقية ع ليلة ٥ صفر مكتوبه

  1. بواسطة إحساس

    اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .



    اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ

    (السَّلامُ عَلَيكَ يا خِيَرَةِ اللهِ وابْنَ خَيرَتِهِ)

    اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،

    اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،

    اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،

    اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ

    اَبَداً ما بَقيتُ وَبَقِىَ اللَّيْلُ وَالنَّهارُ



    [صورة]





    ✿✿✿✿✿

    قصيدة سلام سلام مكتوبة
    الشاعر سيد عبدالخالق المحنة
    شهادة السيدة رقية ع
    ليلة ٥ صفر ١٤٣٩ آل البلاغي النجف


    ✿✿✿✿✿
    سلام سلام من واقع الغربة ومعاناتي
    سلام سلام يالغالي وابعثلك تحياتي

    ✿✿✿✿✿

    عمي من الشام أودي لك تحية
    ببها دمعة فاجدة ودمعة سبية
    آني بنت المنذبح بالغاضرية
    يالحسن عمي أنا بنتك رقية
    غريب غريب نصبر يعمي والفرج آتي
    سلام سلام يالغالي وابعثلك تحياتي
    ✿✿✿✿✿

    من متن أزرگ يظل يشرح مصابه
    من رقية الماتت بليل الخرابة
    أنا بوية الغالي موتني بغيابه
    وانا لسة بعازة أهلي و الگرابة
    حرام حرام طفلة ويتيمة وهذي مأساتي
    سلام سلام يالغالي وأبعثلك تحياتي
    ✿✿✿✿✿

    أرد أسولف لك مصاب الما حملته
    شنهو حال الينذبح وتشوفه بنته
    والگطع چبدك ترا گطع چبدته
    عمي كل قطعة بكتر متوزعه جثته
    خيول خيول الأعوجية تسحگ بذاتي
    سلام سلام يالغالي و ابعثلك تحياتي
    ✿✿✿✿✿

    عمي أنا مدللة ومرهف إحساسي
    ما تليق بإيدي احبال المآسي
    شحالي وتراب الصحاري يغطي راسي
    صفنة إختك بالسبي تهد الرواسي
    شگول شگول أحلى الكلام تگوله سكتاتي
    سلام سلام يالغالي وابعثلك تحياتي
    ✿✿✿✿✿

    من وگع جاسم ذكرتك ويَ رملة
    من رجع عمه للمخيم يحمله
    زينب عليه انتچت من باوعتله
    خل يجي وياي الحسن يبچي اعله شبله
    شباب شباب لسة على جرحه تلگه لمساتي
    سلام سلام يالغالي وابعثلك تحياتي
    ✿✿✿✿✿

    الله لا راواك إيدية من سبوني
    أكبر من إيدي الحبل من گيدوني
    خطوتي صغيرة وهم خيالة جوني
    چنهم ذيابة وانا طيرة لگوني
    أصيح أصيح أمشي وطيحن من جراحاتي
    سلام سلام يالغالي وابعثلك تحياتي
    ✿✿✿✿✿

    أنا عالناگة وأبويه يصد عليّه
    شلون أأشر له وانا مچتوفة ايديه
    والأشد يا عمي من تمشي المسية
    خاف أنام وأوگع ومن يدري بيه
    حسين حسين راسه برمح وتشيله شماتي
    سلام سلام يالغالي وابعثلك تحياتي
    ✿✿✿✿✿

    عمي من كثر السياط الألمتني
    من يمر طاري السبي يوجعني متني
    والله من شفت الطشت ريتك شفتني
    والحمد لله المنية بساع إجتني
    أموت أموت أخلص يعمي وتخلص آهاتي
    سلام سلام يالغالي وابعثلك تحياتي



    ✿✿✿✿✿