منتديات نبع الفرات

تمت ارشفة منتديات نبع الفرات

المشاركات من الموضوع قصيدة الحاج باسم الكربلائي بعنوان توضت زينب ليلة ٢٠ محرم مكتوبه 1439 هــ 2018

  1. بواسطة إحساس

    اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج))

    اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
    (السَّلامُ عَلَيكَ يا خِيَرَةِ اللهِ وابْنَ خَيرَتِهِ)
    اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
    اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
    اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
    اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
    اَبَداً ما بَقيتُ وَبَقِىَ اللَّيْلُ وَالنَّهارُ








    ✿✿✿✿✿
    قصيدة توضت زينب بدمعة مكتوبة
    الشاعر سيد عبدالخالق المحنة
    ليلة ٢٠ محرم ١٤٣٩ العاشور
    باسم الكربلائي
    توضت زينب بدمعه
    و لكن يا صلاة حَلّت
    صلاة بِـ نِيّة مسافر
    نشوف شكم فرض صَلَت
    فروض هواي .. إحسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    على رماد الخِيم صَلّت
    نِوَت بچفوفها الزَرگة
    دُخان و خيمة العباس
    آخر خيمة محترگة
    جلوس تصلي يم النار
    لچنها هواي مختنگة
    تشاهد بين نار و نار
    نهاية شمعه مِعتلگة
    فرض كم سجدة ما أذكر
    أَحَسِّب و انشغل بالي
    لَچِن آخر سجود إلها
    سِجْدَت يم مهد خالي
    بِدَت من هاي .. احسبوا اوياي
    [صورة]🍂[صورة]🍂[صورة]🍂[صورة]🍂[صورة]🍂
    فرض بين الخِيم و الماي
    تصلي و الدمع هامل
    تصلي و كَبُرَّن چَفِين
    هذني چفوف ابو فاضل
    طويلة سجدة المهضوم
    و أنا وياها متفاعل
    يلاهي بوجه زينب ليش
    چف صاعد و چف نازل
    شفتها تلطم بـ حُرگة
    وأَحِير شلون أوَصّفها
    كأنها وي كل لطمة
    وجهها يُوگع بچفها
    بعد يمناي .. احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    فرض ثالث نِوَت عالماي
    نعم أطول فرض شفته
    تصلي و القمر محراب
    فرش صدره بصلاة إخته
    بكثر تسبيحة الزهراء
    لطمها و هي شابُگْتَه
    متنها من نَزِف دمَه
    جرت نهرين خاصِرته
    تگله بداعتي اگعد
    جسم عباس ظل يهتز
    لَمَنْ گامت أحس عباس
    يريد يقوم بس يعجز
    فرض عالماي احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    وُقوفاً صلٌت الرابع
    لأن چان الشمر يمها
    ضربها بُغضاً بعباس
    تِطيح و سوطه يلزمها
    إذا تلفظ حَرُف واحد
    ألف مرة يشتمها
    هيّه تحشم الكافل
    و بوفاضل يحشمها
    دخيلج لا تخلينه
    يشوف دموعج و يفرح
    ترى ضحكاته تاذيني
    أشد من لحظة المذبح
    بِلا حمّاي .. احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    فرض خامس شِفت صلت
    تسعمية و ألف سجدة
    تخلي بكل جرح دمعة
    تخلي بكل كسر شدة
    صعوبة تبوسه من صدره
    لأن فوق الصدر چبده
    تبدل جسم مثل الماي
    تشبگه تشوفه يتبدل
    تعد شكم عضو رايح
    عظام هواي متطشره
    و المثلث أخذ قطعه
    و أصابع تسعة مو عشرة
    يبعد عضاي .. احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    بعد صلت فرض سادس
    لَچِن متحيرة و تفتر
    تحب حسين هالعاري
    وهي تحب الحجاب اكثر
    تِغطي بالرمل لو لا !
    تعوفه مكشّف بهالحر
    أخيراً جابت الرايه
    و غطت بيها بو الأكبر
    حوافر خيلهم حمره
    إذاً مصبوغه من دمه
    و لا عنده عظم صاحي
    ثلث ما باقي من جسمه
    صحت بهداي .. احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    فرض سابع على الهِزّل
    حرارة صيف ظُهْرِية
    صلاة چانت فرد سجده
    لأن صلتها محنيه
    رقية تناشد اسكينه
    سبيه تحاچي مسبيه
    تِگلها عمتي هذي !
    يسكنه ما أظن هيّه
    تميل الروس وياها
    إذا مالت و إذا تِندب
    وگع راس القمر مره
    سمع زينب عليه تعتب
    فرض بسباي .. احسبوا وياي
    [صورة]🍂[صورة]🍂[صورة]🍂[صورة]🍂[صورة]🍂
    فرض ثامن و أريد أختِم
    أحس زينب تگول إرجع
    تِگِلي كَثِّر أشعارك
    يطيب خاطري المدمع
    يشاعر گول اخت عباس
    غصب بين الزلم تطلع
    وأريد اتْحَشّم المهدي
    يصيح بثاري من يفزع
    أريد الهوسة بالممشى
    تگلهم ها يَ مشايّه
    تسلم زينب عليكم
    خصوصاً شايل الرايه
    فرض ممشاي .. احسبوا وياي





    ✿✿✿✿✿


    https://www.youtube.com/watch?v=JEAqFOfDeYo