منتديات نبع الفرات

تمت ارشفة منتديات نبع الفرات

المشاركات من الموضوع مجموعة ابوذيات خاصه لاستشهاد الامام علي ع-بقلم حسين االساعدي

  1. بواسطة حسن الياسري

    ابو ذيات خاصه لمصاب الامام علي عليه السلام((بقلمي))
    ___
    هاي الكعبه وفاها _ورضهه
    بالسيف الطبَر هامه _ ورضهه
    مابين السمه الصيحه_وارضهه
    انطبر بالسيف سيف الله الشفيه
    احسين الساعدي
    ___

    انطيك الاهم والمهم_والهام
    ابهاي الاخبار الحزن_ والهام
    ياشيعه انطبر كرار _والهام
    بالنص وغدت صعبه القضيه!
    حسين االساعدي
    ____

    ياشيعه الالك عدت _وعدها
    وبهذا الجرح ندبت_ وعدها
    عدها الاه والدمعه _وعدها
    حماي الحمه الطايح رميه!
    حسين االساعدي
    ___

    الدين إبطبرتك صار _منحال
    وتبدل علينه الحال _من حال
    ياعيد اليتامه اشلون _من حال
    وابو الحسنين راح اويه المنيه!
    االساعدي
    _____

    صاحو طاح وتطبر عليكم
    هسه وحلت الهجمه عليكم
    داعش طبو الدارك علي كوم
    تحامي الدار ياحامي الحميه
    االساعدي
    ___

    ماينظام الك صاحب ولا جار
    ويخاف الزمن منك ولا جار
    انه المايهل دمعي ولا جار
    بس ابطبرتك صبن سويه!
    االساعدي
    ___

    أنه الهايم وللموت __هاماي
    والعطشان اكول ايريد -هاماي
    فدوه الهامتك ياعلي _هاماي
    اروحن فدوه الك يابو الحميه
    حسين االساعدي
    ____

    راح الجان للامه__وصي الها
    والجنه ابعشك حيدر__ وصلها
    ياهو المنهم افعاله ___وصلها!
    وابو الحسنين سيف ومرجعيه
    االساعدي
    __

    ياسيف البكه ابراسك_ تره انصاب
    ماتدري ابدمع زينب_تره انصاب
    وبنص السمه الماتم_تره انصاب
    ومطر عالكاع يادمع الزجيه
    االساعدي
    _

    يانعش الولايه اليوم __ينشال!
    وبجرح الغميج اشلون_ ينشال!
    ياجف ابن ملجم كون_ ينشال
    كبل ما يطبر ابحامي الحميه
    حسين االساعدي
    عظم الله لنا ولكم الاجر والثواب بمصاب علي شهيد المحراب