منتديات نبع الفرات

تمت ارشفة منتديات نبع الفرات

المشاركات من الموضوع شعر شعبي عراقي شلون كَلبك صابر وعينك تميل

  1. بواسطة حسن الياسري

    شلون كَلبك صابر وعينك تميل
    وانت شايف حيدر وطباره
    شلون ما مديت ايدك وانت كون
    وتشكف العاصي وتخيب اصراره
    موش حيدر جان الك حامي وحمى
    بات بفراشك رغم كفاره
    موش حيدر لو زحم بيك الكفر
    صاح بيهه بصولته وبتاره
    صاحت الاملاك لا فتى الا علي
    وبيده الفقار تجدح ناره
    موش ابو الحسنين بيه اتنومست
    من برز للعامري وكاره
    موش مرحب هدد اسلام العرب
    جندله الكرار واغنم داره
    موش ابو الحسنين من ردت الكوم
    خايبه وكلمن يشيل بعاره
    وانت وديت الفحل حيدر علي
    يقلع الباب ويهد اكتاره
    موش بالوديان خانوك الربع
    وحيدر الثابت وجه ما داره
    بيش اذكرك يا رسول الله النبي
    وانت سيد الكون بيك انواره
    ادري كَلبك صاير عليهم جمر
    وهذا امر الله وطلب تدباره
    لاجن المعذور يا جدي انوليت
    من بعد حيدر شبعت امراره
    من بعد حيدر شبعت امراره