منتديات نبع الفرات

تمت ارشفة منتديات نبع الفرات

المشاركات من الموضوع ياجرح هذا اليوجعَك حسين الساعدي

  1. بواسطة حسن الياسري

    جا شلي بجناح الهوه
    لوماتجي وطرنه سوه
    تدريها ضحكاتك دوه
    وهذا انه مجروح
    هذا انه مجروح
    ::
    اعيوني تحتاجك ضوه
    والكلب بجفاك انجوه
    صرنه مَثل لاهل الهوى
    بمشارك الروح
    بمشارك الروح
    ::
    موت
    اليجيك
    الوَحَدك
    متوهم الموت
    لازم
    يجيني
    وياخذَك
    وبكلبي تابوت
    مترد عَلي بمسامرك!
    ياصوتي كله الخاطرك
    جاوبني فدوه امناطرك
    ماتسمع الصوت!
    ماتسمع الصوت!
    ::
    الموت خله ايرجعَك
    وادفع حياتي المصرعك
    ياجرح هذا اليوجعَك!
    خلاني مذبوح
    خلاني مذبوح
    ::
    اشلون املَك ياهوه
    العين متمل الضوه
    صرنه مثل لاهل الهوه
    بمشارك الروح
    بمشارك الروح
    حسين االساعدي