منتديات نبع الفرات

تمت ارشفة منتديات نبع الفرات

المشاركات من الموضوع بعض_التوقعات ل لابراج_الهامة_القادمة

  1. بواسطة حسن الياسري

    #بعض_التوقعات ل لابراج_الهامة_القادمة
    #الحمل : أيام مهمة قادمة ممكن تتعرض فيها للنقد انتبه من الأخطاء وركز منيح بدراستك وعيش أجواء رومنسية مميزة انتبه من يوم الجمعة والسبت ورح تكون بحال أفضل من يوم الاحد مساءا

    #الثور : لاتكون عنيد الاجواء ايجابية بحاجة تفاؤل منك وقدرة على التغيير حاول تبحث عن عمل جديد وادرس بدون كسل وعاطفيا بامكانك تعيش علاقات عاطفية سرية ..

    #الجوزاء : فترات صعبة كتير عم تمر فيها حاول تكون ذكي ودبلماسي ومن يوم الثلاثاء مساءا في تحسن عندك خليك دايما بعيد عن المخاطر وخفف توترك لتقدر تدرس وعاطفيا مابنصحك حاليا باي حب جديد ..

    #السرطان : ابتعد عن الاستفزاز وخاصة بضحكتك لان رح يكون الرد مؤذي الك هالفترة من يوم الجمعة بكون وضعك افضل بكتير وبتعود حالتك لطبيعتها لاتخاف من الامتحان وكون واثق من معلوماتك وعاطفيا ابحث عن الاستقرار ..

    #الأسد : خليك بعيد عن الاهمال بعملك وتعامل بحذر مع المحيط تبعك لان ممكن تغير شغلك او تبدا شغل جديد ودراسيا كمان بحاجة انت لمجهود مضاعف اما رومنسيا فترة حلوة عم تعيشها قدم بعض التنازلات لتستمر ومن الأحد بتكون بافضل حال ..

    #العذراء : انتهز الفرص المقدمة حاليا وخاصة بما يخص السفر او اي مشروع جديد وحاول ما تترك الشغل يتراكم وانتبه لصحتك يوم الاربعاء وتابع دراستك وقوي ثقتك بحالك وفكر بالحب بدون حنين للماضي ..

    #الميزان : كون هادي ولا تحكم على الأمور من وجهة نظرك بس ومن الأربعاء بتستعيد حيويتك وبتشعر بحالة مميزة ودراسيا لاتخاف من النتائج بس انت ادرس حاليا اما عاطفيا فكر بارتباط اذا في حدا بحياتك ممكن هالفترة ..

    #العقرب : كون نشيط ولا تفكر بشي تعامل مع الوضع بدبلماسية خليك متفهم وخاصة بالمواجهات فيك توقع عقد وتبدا عمل جديد هي الفترة يمكن عم تحس بعدم الحظ من جهة المال هالشي طبيعي هي الفترة فاصبر واذا عم تدرس حاول تخفف توترك وعاطفيايمكن في فرص ارتباط هالفترة ومن الجمعة وضعك تمام ..

    #القوس : عم تشعر بالمسؤولية طول الوقت ومو مرتاح بالمجمل بس تذكر انك عم تبني مشروع حياتك وحاول تكون قد هالشي بشغلك ودراسيا اما عاطفيا فالفرصة كبيرة لحب مميز وامورك رح تكون منيحة يوم الأحد القادم ..

    #الجدي : انت مليان طاقة وقدرة على قلب الامور لصالحك شوية تفاؤل واستغلال الفرص المتاحة حتى تكون بالمقدمة ودراسيا لاتقصر ماضل كتير اما عاطفيا في شي حلو ناطرك وانت بفترة مميزة استغلها ..

    #الدلو : اصبر هاليومين ولا تحاول تعمل شي تندم عليه من يوم الأربعاء رح ترجع لكامل طاقتك ورح تشعر بتجدد الحياة عندك خليك منتبه للناحية العائلية وممكن تغير بيتك كون منتبه لدروسك وعاطفيا اوقات متفاوتة وفي شي حلو ناطرك ..

    #الحوت : تشعر بعدم الراحة والخوف من القادم انتبه من يوم الاربعاء والخميس ولا تحط عليهن آمال كبيرة ومن يوم الجمعة رح تنقلب حياتك للافضل وتكون بحالة انطلاق جديد ودراسيا كون واثق من حالك اما عاطفيا في فرص حلوة ناطرتك .