منتديات نبع الفرات

تمت ارشفة منتديات نبع الفرات

المشاركات من الموضوع اشبيك ياعيد العراق!!-حسين الساعدي

  1. بواسطة حسن الياسري

    اشبيك ياعيد
    اااااااالعراق
    هو ياهو الكالك عدنه اشتياق!
    حتى تتراكض علينه وجَنك امسوي اااالسباق!
    احنه دمعه
    ابهايه دنيانا الغريبه
    احنه واهسنه المقابر عفنه ضحكتنه الكئيبه!
    مانعوف الحزن ساعه وكلمن ايروح النصيبه
    والفرح ضايع علينه وما ضهر ذاكَ اليجيبه!
    تلكه بينه
    الفارك امه وضاعت اللهفه الحنينه
    وتلكه بينه
    المات ابوه وعايش ابروح الحزينه
    وتلكه بينه
    اشتلكه بينه!
    الابو الفاكدله شاب وماتت الحلقه ابيمينه!
    تلكه ام اتودع ابنها
    ابصرخه طشت بالمدينه
    وتلكه بينه
    اشكد قصص كلها عجيبه
    ذاك المفارك ضحكته
    وذاك
    المفارك حبيبه
    الليل يكضي وهو محتار ابنحيبه!
    وذاك
    المفارك
    اخوته
    ​ ونهبته الدنيا نهيبه!
    وذاك المفارك صديقه وماطفه ويسعر لهيبه
    تلكه بينه
    العنده عله الونه تشرحها الطبيبه!
    احنه بالهم انتشارك
    وانته ياعيد المبارك!
    ليش اجيت!
    وذكرتنه ابكل مصيبه!
    ورجعت بينه المصيبه!
    حسين االساعدي