منتديات نبع الفرات

تمت ارشفة منتديات نبع الفرات

المشاركات من الموضوع ​بين اشعيط وبين امعيط!!_حسين الساعدي

  1. بواسطة حسن الياسري

    بين اشعيط وبين امعيط
    انمطينه وزاد التمطيط

    مانعرف ياهو المن عدهم
    سامطنه ابهذا التسميط!

    واحد ضل ايسقط الثاني
    وصاعد ياسوك التسقيط

    يوميه ايفرطون ابحقنه
    ويتباهون ابهل تفريط!

    خبطوها وكالوا ماتصفه
    وهمه الفازوا بالتخبيط!

    كالوا احنه اشكد فدناكم
    بالدنيا وبعد التحنيط

    يوميه انمشط شيبتكم
    مانعجز من التمشيط

    كتلهم خلونه انغير
    ونبدل لاجل التبسيط

    كالوا شتغير ياخايب
    والجاي اسوء امن التوسيط

    كتلهم عدكم خيراتي
    وانه العايش عالتنقيط!

    كالوا لوما نقطنالك
    ماراح اتحس بالتنشيط!

    رايح تسمن ما تتحرك
    لوما كمنا ابهل تشفيط!

    كتلهم صفطتوا اهوايه
    وماحصلنه ابهل تسفيط!

    كالوا لوما احنه اهنانه
    ماراح اتشوف التلبيط

    كتلهم لازم نبعدكم
    راح انطك امن التضغيط

    كالوا لو نبعد تتورط
    ودوخ ابهذا التوريط

    نقفلها الدوشيش ابأيدك
    وانته التخسر بالتربيط!

    كتلهم عدمن نفرضها!
    ويازين ايجيد التخطيط!

    كالوا ما نقبل كل واحد
    خافن نخسر بالتحويط!

    كتلهم ارضى ابكل حاكم
    مايرضى ابهذا التسخيط

    كالوا واحد ماكو غيره
    يفرضها وعوف التلقيط

    كتلهم سشمه وكالولي
    اصويحبنه الجرار الخيط!
    صاحبنه الجرار الخيط!
    حسين االساعدي