منتديات نبع الفرات

تمت ارشفة منتديات نبع الفرات

المشاركات من الموضوع معلومات عامة عن كيفية العناية بالأسنان

  1. بواسطة حسن الياسري

    بعيدا عن المقالات والمصادر
    بطب الاسنان ماكو شي حتمي وقياسي
    وبيه هواي ملابسات بالمعلومات واغلبها اقرب للخرافة من العقل ف اني دائما احب اجرب كلشي على نفسي واشوف نتيجتة يلا انطي المعلومة للمريض حتى تكون بضمير
    هسة نجي للخطوات :
    1_ التفريش عالاقل مرتين باليوم وبطريقة دائرية
    2_ ماكو شي اسمة معجون يبيض الاسنان كلها نفس التأثير والنتيجة بس تبقى مسألة الاسنان الحساسة ف اكو معجون oral_b هذا فعّال جدا مقارنة بالبقية
    3_ الطريقة الفعالة الوحيدة اللي اني مجربتها شخصيا للتبييض بنسبة بسيطة طبعا مو معناها سحرية وتقضي عالبكتريا ورائحة الفم هي (فحم،ليمون،ملح،نعناع) يصيرون على شكل باودر ونخليها على االفرشة وبطريقة دائرية
    الليمون الة تأثير عكسي اذا جان استخدامة اوفر
    بس هاي الخلطة نستخدمها مرتين بالاسبوع ومن تبين نتيجة نستخدمها مرة وحدة فقط يعني ضمن الrange الطبيعي
    جماعة الضغط واللي طبقة المينا عدهم شفافة هالطريقة ممنوعة عنهم

    عداها انصح فقط بقوالب التبييض اذا قررت تسويهم بعيادة خاصة
    4_الفراغات بالاسنان ضروري بالتنظيف نستخدم خيط الاسنان والحل الامثل للفراغات
    هو veneer والقوالب الشفافة
    5_اذا انتبهت انو عندك تشنج من تكعد الصبح ومتكدر تفتح فمك بسهولة وصداع وألم بالفك الأسفل
    ف معناها انت تعض اسنانك بقوة بنومك وهذا رح يسبب cracks وتآكل بالسن والعلاج هو قالب تلبسة بالليل يمنع هاي الحركة وطبعا هذا بأستشارة الطبيب
    6_اكو مسألة جدا جدا مهمة وااللي هي اخطر فقرة بطب الأسنان للمريض وللطبييب
    هو مرض التهاب الكبد الفيروسي hepatitis c
    هذا مرض قاتل ولعين جدا وعلاجة صعب ومكلف اذا انوجد وخصوصا بدولة مثل العراق
    ف كل ما عليك تنتبه من تدخل للعيادة انو الدكتور لابس صدريتة والماسك والكلوفز والعيادة نظيفة
    أدواتة معقمة ومهتم بتعقيم الجهاز قبل ليستخدمة
    اي نقص بذني تكدر تعوفة وتطلع بلا حرج
    المهم صحتك ممكن هو حامل للمرض وينتقل منة الك والعكس
    اعراض المرض هي صخونة كلش قوية وصداع قوي
    اقرب دليل لأصابتك بيه هو البشرة من تصير صفرة
    ومن تضغط على منطقة االكبد تفز من الوجع
    هذا معناها مؤكد انت حامل للمرض ولازم تحليل فوري لانك حتعتبر خطر على كل اللي حولك وخصوصا اللي يكون بتماس مباشر وية فمك مثل طبيب الاسنان
    7_فقرة تفريش الاسنان بعد الاكل مو ضرورية
    تكدر بس تتناول علكة بدون سكر تقضي على أي رائحة
    الحالة اللي تستوجب تفريش هي التصبغات مثلا اللي يتركها الطعام
    8_ اي الم يفززك من نومك بسبب سنك ف عالاغلب تحتاج حشوة جذر وهاي لا تستهين بيها
    وجدا آمنة وسليمة وبالنسبة للضرر الي ممكن تسببة من احتقان وغيرة ومشاكل بالسن ف هاي نسب لابد تكون موجودة بالتالي ماكو مجال طبي ميخلو من سايد افيكت سواء من خطأ طبيب او بسبب اهمال المريض والحلو بمجال الاسنان ماكو شي ما الة حل كلشي يخرب يتصلح