منتديات نبع الفرات

تمت ارشفة منتديات نبع الفرات

المشاركات من الموضوع هاي الدنيا دواره حسين الساعدي

  1. بواسطة حسن الياسري

    تانيت ابكلب محروك
    كلش ما طفت ناره!

    حسيت العمر مبيوك
    وانته البايك اسراره

    ياطيف ابغلاة السوك
    جبته ورخصت اسعاره!

    تدري ابلهفة المخنوك
    ويه النسمه يتباره!

    أريدنك تجيني ابشوك
    شايل هور العماره!

    ياضحكه التشك احلوك
    تاخذ كل الِبشاره!

    وياصفنه العليه اتلوك
    بيها ادموعي تِجاره!

    تتكبر عَلي ليفوك!
    يا باب الهجر داره!

    حَكاني وصرت محكوك
    وزنك شنهي معياره!

    يا نخله وتذب اعتوك
    تكطفها ابهل احجاره!

    واليمته واخيط افتوك
    اجروحي المالهن جاره!

    ياضاحك عله المسيوك
    يوم الدكت الغاره

    هم اتسوك بيك النوك
    هاي الدنيا دواره
    والله الدنيا دواره
    حسين االساعدي