منتديات نبع الفرات

تمت ارشفة منتديات نبع الفرات

المشاركات من الموضوع بيه بجيه.....بكد زماني المارحمني

  1. بواسطة اقلام حره

    بيه بجيه.....
    بكد زماني المارحمني
    وبيه صرخه.....
    توصل الحد الســــمه
    بيه لوعه شكد جبيره
    بكبر شوك الناس
    وبكد القصايد
    وبكثر كل العيون الحالمه
    بيه حب..وبيه شوك
    أوحيل ماخذني فوك
    خانك بصدري القوافي
    وساجن بروحي القصايد
    بسلسله ومعول وطوك
    بيه بيه..وشكثر بيه
    وشكثر ياخلك بيه
    فيض كل عمري الكضيته
    وأفكار كلهه مزاحمه
    ومادريت انت السبب
    ولاحجيت...
    ولا كلت شنهو الجره
    أولا لماذا ولا لٍمَ
    افكاري كلهه مزاحمه
    الناس حصدت من زمان
    وداست وذرِِِِت ذهب
    انه مرواحي ورقتي
    وماحصدت الا التعب
    لاتكلي محمل و بيك غيض
    الغيض عندي موعجب
    السالفه المابيهه حركه
    هم بيهه لذه تنحسب؟
    فيضي طافح يالعزيز
    وأمداه...
    ماحصد غير العتب
    غيضي موت
    وشوكي موت
    وغيمه سوده مدلهمه
    غيضي غيض
    غركاني بشوك ظالم
    وضيع من ايدي الغنايم
    وموت بروحي الامل
    نخله شاتلني اعله دربه
    لايمر بيهه بشر
    بكاع وحشه وديره غربه
    ويشمر بزوده عليه
    وانه اشكف بس بديه
    عفيه يالغالي اتتونس
    من تهزني تريد رطبه
    وانه شيص
    ولا لحك بعثوكي رطبه
    لا رحمني وشال جذري
    ولاشتلني وصرت كربه
    هيه هيج امرهمه
    بيه بجيه..بكد زماني المارحمني
    وبيه صرخه
    توصل عنان السمه
  2. بواسطة priɴce-αlirαq

    [صورة]




    [صورة]
  3. بواسطة علي النجار

    عاشت الايادي
    تحياتي