منتديات نبع الفرات

تمت ارشفة منتديات نبع الفرات

المشاركات من الموضوع اغار عليك من كلبي والعيون

  1. بواسطة اقلام حره

    اغار عليك من كلبي والعيون
    لذلك اني حاير وين اشيلك.

    وحقي ماأجيلك اني معذور
    غار مني وما اجيلك

    دخيلك ربي من الموت ماصيح
    من زعلك صحت ربي دخيلك.

    تتكلب علي بس ما أبدلك
    ابدلك بيش بس انت بديلك.

    تتباها بجمالك انت معذور
    على الاجيال بيك تباها جيلك.

    عليل بحبك وحيل مرتاح
    لان كامو يسموني عليلك.

    اذا مرات افكر اشتكي عليك
    اجيك ركاض من عندي اشتكيلك.

    مو احلاهم انت بس دخت بيك
    همه الاحلا بس محد حلالي.

    وحب من طرف واحد حبي وياك
    واكول للناس بس حبك مثالي.

    ولحد الان بس انت اقتنع بيك
    ولحد الان بس انت على بالي.

    اذا يحجون ما اسمع شيحجون
    واذا تسكت اسمعنك يغالي.

    شرجي وتخنك الرية واشم بيك
    واكول للرية يمعوده شمالي.

    واذا تاكل بكلبي وما أخليك
    احس مقصر ومدري شجرالي.

    عليك ابجي وعلية تضحك وازكيك
    واكول شكد حنين شكد بجالي.

    اكلك غالي وتغلس واحاجيك
    وتلبسني واكلهم كلي غالي.

    احبك غير احبك غير اداريك
    غير انت الذي تبهذلي حالي.

    بس تفصال احس بيك
    ومر تكتل واضوكك حلو شمحلاك.

    اغمض عيني مغمضه وتصد ليك
    افك عيني على غيرك انت الكاك.

    هلا بجيتك اصيح وانت ماجاي
    وأقشمرني واكوم اشابك وياك.

    عندي حتى العيد موعيد
    وبعاشور جنة العيد ملكاك.

    تسواني وتسوى الراح والجاي
    وتسوى كلشي انت وحتى تسواني


    الشاعر عبد الحسين الحلفي
  2. بواسطة priɴce-αlirαq

    [صورة]




    [صورة]
  3. بواسطة Ali-Alwasiti

    قصيدة جملة للشاعر المبدع عبد الحسين الحلفي رحمه الله
  4. بواسطة أبـ ْـو سمـ ْـرة

    شكرا لاختيارك شعر قمة الروعة