منتديات نبع الفرات

تمت ارشفة منتديات نبع الفرات

المشاركات من الموضوع مالك عذر

  1. بواسطة خالد الفرج

    خلّ يرعدصوتك
    يابوي يهدر هدر
    لا تصفن تبرر سبب
    لا تقلي هذاالقدر
    بعدما ينفع عذر
    ولا تفيد تفسير وتعتذر
    ***
    لا يرحمك بعد تاريخ
    ولا يهنالك لحظةالعمر
    هذا الوطن عاره
    عالجبين وسّم وحفر
    يظل صعب ينمحي
    لالو دوا ولا يندثر
    ***
    انشد التاريخ القبل
    مروّا سجل وأفتكر
    أول دكات الفرات
    صارت بمقلاع وحجر
    بزنود جدادك السمر
    تحقق وصار النصر
    ***
    وأنت لسّه صافن
    ما تقلي بعد شتنتظر
    تشوف الوطن قدامك
    يشهق أنفاسه يحتضر
    شيفيد بعد ما دارك
    تنهدم بعد وين الستر
    ***
    وين الناموس وشلون
    هذا بسهوله ينغفر
    الدم يجر يسيل
    معقولة بالبساطه ينهدر
    ولسّه تقلي اصطبر
    خلّ حلمك إنت الصبر
    ***
    وصلت أعلى بيتك
    شلون تفكر تنتظر
    أنتفض هبّ حيلك
    قلبك الجلمود الصخر
    اعرف يا فراتي شهم
    للوطن ما تبخل وتتذخر
    ***
    أعلى قصتك وسم
    فراتي الشرف والطهر
    أبو الغيره الما يهاب
    الموت ولا يخشى القبر
    أبو الزينات فصل وأصل
    ابن الدير وبيك الفخر
    ***
    الما لوى ذراعو طاغي
    حاول وانثنى وما قدر
    ها يبن العشاير ونعم
    من ريحة البارود العطر
    خلّ بيرقنا عالي
    بهوشات الزلم تنتصر
    ***
    هذا الوطن افتهم
    بالدم والعزم وجمر
    معقولة نقضي العمر
    جبن وخوف وقهر
    ونشوف الوطن يحترق
    نار علقانه بكل كتر
    ***
    وين أهل الفرات
    بارود وتفك ينهمر
    خلّ يفهم الما يفتهم
    من الفرات ويعتبر
    الما دنك الراس وعاش
    ظل شامخ يفتخر
    ***
    شعر
    خالد عبد الجبارالفرج
  2. بواسطة Hazim M

    رائعه جدا عاشت اناملك يا خالد
    جميل جدا ما تكتب و تسطر لنا
    فشكرا لك
  3. بواسطة خالد الفرج

    الشكر على حضورك
    العطر والجميل
    دمت بخير
    ودي ووردي
    تحياتي