منتديات نبع الفرات

تمت ارشفة منتديات نبع الفرات

المشاركات من الموضوع مامات حبك ***بقلم علي العبودي

  1. بواسطة (علي العبودي)

    بعد ما مات حبك احنه ودفّنااه..
    ولا ثوب الحزن اسود لبسنه

    وبعد ما وصلت الكلمه حرامات
    الان تنكال بس الغيرك بسدنه

    والا وصلت حد بعد ما اقبل الوم
    ما الام بس بعدك علينه هوه ضاهدنه

    تفاركني وعليه أنته أصبحت دفان
    أدفن حيل بس حبك غرامي وما أدفنه

    وحتى لو دفنه أنته الغرام وياي
    جرح يطلع غرامي وياك ويسكنه

    يسكنه من الام وحركة الاهفان
    مثل طفل الكعد وي والده بحضنه

    يشم بريحته وليده وهو مرتـاح
    ويا راحه التجي وي شمت الجنه

    مثل هذا تصير أنته الي عنوان
    يعنوان الخجل انته التخجلنه

    تخجلنه بكلامك يا كلب محبوب
    ولك انته الخجل وانته التوكفنه

    توكفنه بعد ما نضرب الامثال
    لان انته المثل وانته التعلمنه

    هذا هو حبك شوف مامات
    ولا يمكن يجي يوم ويفركنه

    بقلم علي العبودي
  2. بواسطة Hazim M

    الله الله على روعه الكلمات
    عاشت ايدك يا علي
    تقييمي الك