منتديات نبع الفرات

تمت ارشفة منتديات نبع الفرات

المشاركات من الموضوع موسوعة الابو ذيه!!!

  1. بواسطة بهلول الرشيد

    اجمل ابيات الابوذيه لرواد الشعر الشعبي

    انا الوكته غفل وبليل جاماه
    وحطه بنكرة التنور جاماه
    شفتني تلوج بيه النار جاماه
    اجيت ولحكت عالضال بيه
  2. بواسطة بهلول الرشيد

    اون عليك غير اعليك فنيان
    جسد واصبح جميع البيه فنيان
    الهجر مر وصرت بجفاك فنيان
    وتكهوت طايفة شمات بيه
  3. بواسطة بهلول الرشيد

    دريت بركن صبري عليك حاتم
    طايح وعلى روحي الموت حاتم
    اصبحت روحي ذبيحه ابيت حاتم
    على جيت ضيف تدوي النار بيه
  4. بواسطة بهلول الرشيد

    نحيل اصبحت من فركاك بس نوح
    وكظي الليل كله عليك بس نوح
    اليشيل الحمل عني ايجوز بس نوح
    اذا جاب السفينه وفزع ليه
  5. بواسطة بهلول الرشيد

    انوح ومن انوحن الف من نوح
    على الظعنه غفل يالربع من نوح
    فزعه من بشر ماردت من نوح
    تعذر والسفينه موش ليه
  6. بواسطة بهلول الرشيد

    اضل اللكط بعشك عود ويعود
    لما يلتفت ربك علي ويعود
    مثل حال اليغيب سنين ويعود
    لهله هيج انه لهفه اعليك بيه
  7. بواسطة بهلول الرشيد

    ســـــرن بعـــدك ليالـــي الفرح وجفان
    المصايب فوك راسي اوكوف وجــفان
    دمــعتـــانـه شتكضه عـــيـون وجفان
    ميهرتكول مهره تغيربيه
  8. بواسطة Hazim M

    الحزن دامي بسبب زعلك ترادم
    تعال وباوع عيوني ترادم
    اعلى مودك ضلعي وي ضلعي ترادم
    اعلى مودك كمت اهد انا علية
  9. بواسطة Hazim M

    وحكَ الياهو والكَوكَل الكروم
    الذهب مايلمع بعينك والكروم
    ألك جات بوسط كَلبي والك روم
    وتظل مشرف وسط روحي عليه
  10. بواسطة Hazim M

    حبيبي بيا بخت وياي شديت
    عدى هجرك الي شقدمت شأديت
    باصبعك حتى تذكر خيط شديت
    انحصر دمك ولا فكرت بيه
  11. بواسطة Hazim M

    مثل الطير احوم عليك… وافتر
    وراسي من الدواره داخ… وافتر
    ابني يدرس ويريد… وفتر
    ابو المية ابو الميتين غير يفهمني
  12. بواسطة Hazim M

    ابشرك للزرع اليوم …طب ري
    ويروحي بقامتج على الراس ….طبري
    صرت طوبة ولكفني نور…طبري
    بالتسعين وطلعني عمي كولجي هية كوة
  13. بواسطة بهلول الرشيد

    غرامك اثر بالعشك وداره..
    هجرت الي تعب وياك وداره..
    سمعت بقيس عاف اهله وداره..؟
    حملت الضيم وهمومك سويه
  14. بواسطة بهلول الرشيد

    المصايب بس على روحي تلافت
    يقلبي اعله النكر طيــبك تلافت
    اون و عظامي بهــجرك تلافت
    طريح وســاد دوب النفس بيه
  15. بواسطة بهلول الرشيد

    المصايب أمنن بية ولاذن
    بغيابك لانظر عندي ولاذان
    وحشة غروب المفارگ ولاذان
    العديلة تگول يقروها عليه
  16. بواسطة بهلول الرشيد

    عليك المات والحي سآل اني
    صلب لكن الربعي سآل اني
    وكفت اباب بيتك سآل اني
    اذا ماتنطي ليش اتكص اديه.
  17. بواسطة بهلول الرشيد

    تمنة هواك كلبي واشتمنك
    واريد اغفة اعلة صدرك واشتمنك
    راح ازهك واسبك واشتمنك
    واكفر بالهوى الدزك علية


    الكلب وعضاي ماغيرك يملكون
    ونخيت من الحجي الشامت يمل كون
    اذا شخصك يخلونه يم الكون
    اعوف الكون واختارك اليه


    الك صار الكلب سلوه ويظل لك
    ويويله اليبعدك عني ويظل لك
    اغار عليك من تمشي وي ظلك
    وغار اِعليك من روحي عليه


    جبال الروح ونت ون سهلها
    وكلت ماهل دمعتي ونسه اهلها
    انسة الروح صدك وانسة اهلها
    اذا مريت مرة ابغلط بيه
  18. بواسطة بهلول الرشيد

    مرة اصفن علـيكم مرة سايل
    مرة الدمع ناشــف مرة سايل
    مرة احتار شكتب من رسايل
    مرة انتظر ســــاعات المنية

    أتلعثم من أشوفــــــــن وسطك أنا
    أومنوا لوشوش بذانك واسطك أنا
    تقلي ويــنك أنتــــــــه وسطك أنا
    تــدور بــالنـبـض تـعـــــثر عليه

    احبك ما أحب عل الأرض سواك
    سبحان الذي من طــــــــين سواك
    بشر لكنه ويال القــــــــمر سواك
    واحد فوق واحد بــــــــــين ايديه

    أشنون الروح اكضها من تهم بيك
    أو مثل تهمه حبـيــبي من تهم بيك
    الضيم اليمر بــــــيا منته تهم بيك
    ولاجنك وأنا مبـــــــــــــين عليه

    أصد وازعل وادير العين طبعان
    لجن لجمات إلك بالقلــب طبعان
    حلو بكلشي لكن بيــــــك طبعان
    تـشــــك وتــغار بيــــــــها عليه

    أنا دلولي نحر بيا البــين يسعى
    ثقل همي ولالي صـــدر يسعى
    اليغص بالزاد أهو للماي يسعى
    وانا بالماي اغص أشــــنون بيه

    بديت أوماعرفت أمنين بدواي
    عليل أوحارت العربان بدواي
    إذا أنته طبيب اتعــرف بدواي
    الحقني بالشفا قبــــــــل المنيه

    نفس ونريد شمـك ياهوانا
    العمر ذله ابغيابك ياهوانا
    أتيه الروح يمــك ياهوانا
    خيالك مرهم ودلاها عليه

    حبيبي اختارك الــــدلال واشراك
    عجب تحفر حفر لهواك واشراك
    وحق مني الاله إنـــــداد واشراك
    أحبك لو تصير احــــــــزاب إليه

    نقل طرف الجذيله وحـــــيل يرها
    حجي الغالب على المغلوب يرها
    أنا روحي أشعره والمجنون يرها
    لون عــــاقـل تــرك منـــها بـقـيه

    حبيبي اديارنا لـــــــوجيتوا مرها
    أونفسك عالوفـــــا والطيب مرها
    أنا عشرتك ضقت حلوتها ومرها
    بويا طلع مــــرها أمر امن المنيه

    أبات الليل بالحـــسرات منطر
    تضل عيني على البيـبان منطر
    شفت خذها عبالي الفجر منطر
    قمت صليت من غــصبن عليه

    جمالك زاد عن يوســف وقبله
    وحبك صار لي منــــــبر وقبله
    أمر أعلى الصخر يافلان وقبله
    لأن قلبك صخر مـــــاحن عليه

    يدنيا انتي ابعدابي ليــــــش تسعين
    ابعزم الله إشماعندش ضيج تسعين
    اخوتي ابيوم ضرفي حــلو تسعين
    بعد ما ادري الوقت مــامنهم بجيه

    أبعز نومي إجى طيفك وعاني
    أنا وشكثر أتحملت منك وعاني
    إجيتك أومعتني إبدارك وعاني
    ولامــره إجـــيت انـــــته عليه

    اشمالك يازماني عـلي صليت
    ابنار وحمسيت اجلاي صليت
    مثل ماصلت ام عمران صليت
    فنكحني الهوه وذبــني بنويه

    المصايب بس على روحي تلافت
    يقلبي اعله النكر طيــبك تلافت
    اون وعطامي بهــجرك تلافت
    طريح وســاد دوب النفس بيه

    يدنيا إشمال دولابج يناحي
    ومن الصوبين كسرتي جناحي
    أنا الكنت أمر وناهي
    صرت شبوط والفالات بيه

    أبد مازلزلك حالي وهدك
    عفاه اشيحمل الكلفه وهدك
    قصدي بس اصيدنك وهدك
    واريد اتصير حر وترد إليه
  19. بواسطة بهلول الرشيد

    يحرك بيه يصاحب مني نارك
    جنت ظلمه وحضرتي مني نارك
    وتكلي بكل وكاحه مني نارك
    وناري منين يل بس انت بيه




    روحي تكول عدله ما ني ميته
    وعجب زرع الزرعته ما نميته
    وهذا الليل كله ما نميته
    فراك وحرمو وصلك عليه


    حبيبي شاخرك عني وماييت
    الوسيعه ضاكت بعيني وما يت
    طريح وناحل بهجرك وميت
    ارحمني بصدت عيونك عليه



    اذوبن شمعه واتامل تمر مر
    عزيز الكلب بفراكك تمرمر
    اسالك هم ضكت مرة تمر مر
    وانه البرحي انكلب حنضل عليه



    اساس بعشرتي وياك صبيت
    وجنني الهوى وبالشوك صبيت
    اذا انته عليه ادموع صبيت
    بجيت عيون من فركاك اليه




    سجاجينك بوسط حشاي يعمن
    وعيوني من البواجي عليك يعمن
    شلش لعليوي من كال يعمن
    عليوي حلو بس بيه الاذية




    سچاچين الوكت بالــــــــروح .. بردن
    واحس الجسم وكت الصيف .. بردان
    انه بردنين رحـــــــــــت وأرد .. بردان
    وأخاف الغربة تاخذ حتى اديـــــــــــه




    الدنيا اسيوف بظلــوعي .. سنتها
    وقوانين التعب لجلـــــي .. سنتها
    الوادم تحتفل بآخــــــــر .. سنتها
    وأنه ابجي اعله العمر راح منديه



    عيون الكلب يوم اجفاك يدمن
    عفتني وصافحت يا ترف يدمن
    انه المثلي على الحسرات يدمن
    عسى انسا هواك شعمل بيه




    صديق الفاضلك بالطيب فضله
    ومثل ما فضلك عالناس فضله
    اشكره مو جزاته انكار فضله
    يجيليك يوم هم تحتاج فيه



    صحبتك ليش كصرت ما طلتها
    وانه الدنيا علمودك ما طلتها
    جنتلك فرصه سهله ما طلتها
    خصرتني بسبب بطرانك عليه




    عليج الروح راحت من يردها
    و وكيحه همومي صارت من يردها
    خطيه الروح ملت من يردها
    لان بس الصبر يبسل عليه



    محبتك تجري وي روحي ويه دماي
    وعليك انشلت اعظامي ويدماي
    انجويت انه ابيد انه ناري ويدماي
    ولكن من يطابكهن سويه


    احد سجين صبري وجن ولا حد
    التفت وما شفت ربعي ولا حد
    اشجم سبت اليمر بيه والاحد
    اجي بس شوفتج تصعب عليه



    هجرك يا ولف صاير بلا حد
    مثل سيف اليكص ركبه بلا حد
    كلتلي انتظري انه ارجع بالاحد
    اجه الاحد يمته تعود اليه


    رعيتك ليش گلبــــــــــك .. ما رعاني
    ويهمــــك فت دليلــــــــــــــــي .. وما رعاني
    مره احبس بدمعــــــــــــــــي .. ومره اعاني
    ومره اتطيح روحي ابين اديـــه



    هموم هواك ما خلــــــــن .. علي حال
    فريضة وحبك مــــــــــــــــــــن الله .. علي حال
    يالتنشد على حالـــــــــــــــــــي .. علي حال
    شيفيد النشد عالصار بيـه





    عليّ ثوب الونــــين اشكثـــــــر .. حالي
    شباب وهل شبت مـــــــــــــــن دون .. حالي
    انشدچ على احوالچ مثــــــــــــــــــل .. حالي
    طايــــــــح والهموم اتشيل بيـه




    ربع حزن اليمر عليك بجاك
    وكلبي احترك من العرج بجاك
    انا لخلكي خلك جاكوج بجاك
    بالجاك ادك واكسر عظم هجرك بديه





    ذبت وبشوك شخصك مايعاني
    ويعاني القلب منك مايعاني
    لون تعطش سكيتك مايعاني
    والك روحي لقدمهه هدية



    احبك وعلى حبك مأندم
    لان حبك يجري ويه الدم
    انت الي لو للركب يسيل الدم
    شبيك رافع خشمك عليه





    ردت انسه الحزن فديوم ماراح
    مجلب بثيابي الحزن ما راح
    شجاك يا هل زمن ما يوم راح
    مو نشلت گلبي بديه




    تغيب الروح بغيابك واردها
    كتاب جفاك من عندك وردها
    روحي بفركتك يذبل وردها
    شمس انت وتنور الدرب ليه


    اساس بعشرتي وياك صبيت
    جنني الهوى وبالشوگ صبيت
    اذا انت عليه دموع صبيت
    عميت عيوني من فرگاك اليه


    منومثلي تعب لجلك ودارة

    وعاش بعيد عن اهلة ودارة
    اريد اعرف منو لعب بعقلك ودارة
    حبيبي شما يصير انت الية
  20. بواسطة بهلول الرشيد

    شلت وده اعله جتفي مال ودي
    ونعجبت بغير ودي مـــــال ودي
    كطن شلعه من اذانك مال اودي
    زلم لهلك بعد لاهاي هيه......
  21. بواسطة احمد الملك

    [صورة]
  22. بواسطة محمدخالد

    مرسى على الموضوع
  23. بواسطة بهلول الرشيد

    انه بطبعي عله الشينات مالح
    ويضل زاد الكليته وياك مالح
    واخبرك سهمك المسموم مالاح
    يخسه الكال سهمك عم عليه
  24. بواسطة بهلول الرشيد

    مماشي الدهـــــر یاذني ویعمن
    علیه أوراحن اعیـــــــوني ویعمن
    الویع من غیر راعـــــــــیه ویع من
    چذب کلمن یگول البیـك بیه

    غريب امدوهن ابدنياي ويهاي *
    وردت بس البياض اوماي ويهاي
    يلاهي اشلون اجمع هاي ويهاي
    ابـــــــاة النفس والحاله رديه

    ابثواني عافني العايش ..يمي ادهور
    نهجم بيتك اش هل سرعة ..يمدهور..
    الدمع بجفاك لو صبة ..يمد هور..
    الجبايش والعمارة اتفيض بية
  25. بواسطة بهلول الرشيد

    سهمك صابني وللحين. بعداه
    بدليلي وگمت اجرآ اه بعداه
    الغيرك مايسوي هيج. بعداه
    ولا يعمل عملتك هاي. بيه

    الـف اه بـدليـلـي مـن... يزلهه
    وجثيره اتعبت روحي من..يزلهه
    صديجي اسمحله زلته من..يزلهه
    شمـعنه انه من ازل يكَصون بيه

    يمـحــبوبـي اشكثر وني ...ونيته
    هـلبـت مـن رحـت ضـعنك..ونيته
    يصب دمـعي على فراكَك..ونيته
    ولا مـره يـصـب دمــعـك عــليــه
  26. بواسطة احمد ابو سجاد

    سلمت لنا وسلم إبداعك
    وجزآك الله خيرا على ما تقدمه
    تقبل ودي واحترامي
  27. بواسطة تقوى ألقلوب

    احسنتم وعاشت الايادي
  28. بواسطة بهلول الرشيد

    انا منهم لفاني سقم والسال
    ولاتنشد عليهم بعد والسال
    تهمل عيني عليهم دوم والسال
    ابدمه ومنه شفت يوم المنيه
  29. بواسطة بهلول الرشيد

    يشايل نعش كلبي أرجوك ونة
    سمعت من النعش بي صوت ونة
    حبيبي ينادي يمشيعين وينه
    يجيني يهيل ترباني عليه.
  30. بواسطة بهلول الرشيد

    مثل جورت كبل لو شال ياراك
    عفتني وكمت احس الحيل ياراك
    نضر عيني ذبحني ايريد ياراك
    اودي اعيوني اذا ما بيك جيه
  31. بواسطة بهلول الرشيد

    اشكثر ماتنحصي لله( قدرات)
    وروحك على فراكي شلون (قدرت)
    ابجفاك العين هم انكول (قدرات)
    واخره انطفت يوم اكطعت بيه..
  32. بواسطة بهلول الرشيد

    تحل حبل الصبر بيدك ,, وأنا شد
    وجديد الشعر أكتبلك ,,, وأناشد
    تراني متابع اخبارك ,,,, وأناشد
    أخاف اتكَول ما يسأل عليه
  33. بواسطة بهلول الرشيد

    الوكت سيف النذاله حد بينه
    جزه وثبت ثوايه وحدبينه
    يهل تنشد عليه حدبينه
    وظن ذني علامات المنيه
  34. بواسطة بهلول الرشيد

    احبابي الاعز من صحتي. صحتهم
    جفوني ولا ضمايرهم. صحتهم
    بهدمي اعمت وبلساني. صحتهم
    اسمعو شافو ولا ردو عليه

    للمرحوم جواد الجياشي
  35. بواسطة بهلول الرشيد

    وين انه وبو ظله. وهوداي
    ويروحي علصبر عني وهوداي
    منين الزم طرف زلفه وهوداي
    ومثل ليل الشته ودلهم عليه
  36. بواسطة بهلول الرشيد

    (( محیبس الهلیچي))

    مماشي الدهـــــر یاذني ویعمن
    علیه أوراحن اعیـــــــوني ویعمن
    الویع من غیر راعـــــــــیه ویع من
    چذب کلمن یگول البیــک بیه



    [صورة]
  37. بواسطة بهلول الرشيد

    يهيل اهموم وكتي علي ياهيل
    عله راسي وبيه احس اصياح ياهيل
    ورء اضعون الأودهم صحت ياهيل
    يرد ذاك الگطع فد نوب بيه
  38. بواسطة بهلول الرشيد

    أبد مانشف جفني وسكن ،،،، يماه
    عليه وگمت أذبن أه ،،،، يم اه
    حسدت أهل الگبور الغاد ،،،، يماه
    وگلت ياريت يمهم گبر ليه
  39. بواسطة بهلول الرشيد

    دمعك من مصابك ليش :ينصاب
    ولو سهم الهجر بحشاك:ينصاب
    اليريد العز يحمدي كون :ينصاب
    الحياة ابعز شرف فوكَـ الوطيه
  40. بواسطة بهلول الرشيد

    وين انه وبو ظله. وهوداي
    ويروحي علصبر عني وهوداي
    منين الزم طرف زلفه وهوداي
    ومثل ليل الشته ودلهم عليه
    حد علمي بأنه هذا البيت للشاعر الكبير ومخترع البوذيه( حسين العبادي)
  41. بواسطة مرتجى العامري

    جميل ماأنزلت
    انشاء الله سأكون من المتابعين
  42. بواسطة بهلول الرشيد

    مريض وغيرحبك ماشفاني
    عميت وغيرشوفك ماشفاني
    كافرشاف حالي من شفاني
    ميت اسلم وعلن اسلامه اعلديه
  43. بواسطة بهلول الرشيد

    كلبك جان ياولفي محنة
    واليالي الهجر والفركة محنة
    وين بعدت يلكلك محنة
    فراكك صعب ياغالي علية
  44. بواسطة بهلول الرشيد

    أتعارك ياحلو لأجلك واطك طك
    وللحساد اذب حرمل وأطك طك
    افرح من تراسلني وأطك طك
    وأطك أصبع بس تسأل عليه
  45. بواسطة بهلول الرشيد

    اصيرن جفن لاحبابي وظل عين
    واظل بالشده و اكفلك وظل عين
    ست اعظام اكسرلك و ظلعين
    وأصيرن جسر واتمر عليه
  46. بواسطة بهلول الرشيد

    وني مايونه الوان بالاوان
    وجهي عليك يطي الوان بالوان
    لون ونيت وي الوان بالوان
    ونين الوان كله يصير بيه
  47. بواسطة بهلول الرشيد

    الوكت مايوم شفنه راحه منه
    ومن بعدو علينا راح املنا
    تكلى شراح منكم راح منا
    جثير وضلت العله خفيه

    غيرك مااله بكلبى مكانه
    وكلبى نشال صرت انته بمكانه
    كلبى انى كلب شتضن مكينه
    يحب ياهى التجى وتمر عليه

    طلبتك ماكلتلى ابشر ولا هاك
    شلهاك وغيرك عنى ولاهاك
    ضميرك لازم يانبك ولاهاك
    هم يحاسبك باجر عليه





    عزلناك لنفسنا احنا وحشناك
    يورده جورى من غصنك وحشناك
    يقاسى شبيك مامره وحشناك
    جنت كل لحضه شو تشتاك اليه
  48. بواسطة بهلول الرشيد

    دمه دمع البيابي سال وانهات
    عليك اكضي العمر حسرات وانهات
    بهواك انه اعذلتني الناس وانهات
    ما خذني الهوه غصبن عليه


    روحي برشف خدك من عداها
    احب وصلك وهابك من عداها
    افراكك يوم احمله ، من عداها
    ازورك لو تصير احزاب اليه



    قلبي مافرح عقـــــــــــبك ولاسار
    ولاجذمي ماخطى الغيرك ولاسار
    أخبرك مابقت جـــــــــلمه ولاسار
    فضحني الدمع من غصـــبن عليه



    يشقر عــــــن اودادك سنلها
    اونارك تسعر ابجبدي سنلها
    ساعه الفــــارقت بيها سنلها
    اشحال افراقـك يومينك عليه




    وحك آية عصا موسى وسينا
    الك حثت رجــايبنه وسينا
    الك حسن النبي يوسف وسينا
    الي والنور الك والنـار اليه




    أريد أرحل ابضعن الشوق وحداوي
    أوقلت هذا قراري أوياك وحداي
    أريدك بس إلي خاص وحداي
    مو عين الهاي أوعين إليه




    انت الشمس وانت البدر منهل
    وشفافك طعم العســـــل منهل
    كلبي بس إلك ياتــــرف منهل
    الورد من تمر ياخـذ لك تحيه




    كل مغرم برت علتـــه وناله
    سعيد اللي حضه بشخصك وناله
    الطارش من سمع نوحـي وناله
    ترك شغله وبجه رحمــه عليه




    حبي إلك مافد يـــــــــــــوم ينقص
    أوليش الصاحب أمن ايغيب ينقص
    زمن خل الحديد ابخشــــب ينقص
    ويخلـــــــــــــي الماله اول بالثنيه




    بعدني ألف وسفه الوقت عنك بعدني
    أموت أو أرتجي وصــــــلك بعدني
    أوتراني عالعهد باقـــــــــــي بعدني
    تراك أنت النظــــــــــر والحيل بيه




    ناحل وامشي امكابر تراني
    اجلد خاف عـدواني تراني
    تاره الموت يدهـاني تراني
    اصحه من يمر شامت عليه
  49. بواسطة بهلول الرشيد

    علامات الكبر بـانت ولاحن
    وخوي المنكسر كلبه ولاحن
    بعد ما أنشد عنــــهم ولاحن
    ولاحن بعد بالمـــــــالي بيه




    عقلي ياترف حبـــــك وجن بيك
    من الجوري يمحبوبي وجن بيك
    إجيت انتوعـــــــــدك وجن بيك
    ليالي الفرح وايــــــامي الزهيه




    حجايانا قضن يشـــــــقر وكتهن
    ولون يحصل مجال إلهن وكتهن
    أنا القى أدموع بعيــوني وكتهن
    أودمعي خلص وانقــــــطع ميه




    قوم انصب يصاحب ماتم النه
    على الوياه ليــله ماتم إلنه
    لون الرجل يمــلك ماتمنه
    مهو بالهون فــركاهم عليه



    بتاج الفرح ولفــــي توجاني
    وحسن ردلي شبابي توجاني
    من اثمار المحبــــه توجاني
    قلبي الشبع ضيم أمن الاديه




    نصحته اولا نفـــع وياه نصحاي
    سكاره احنه بهــواه مابعد نصحاي
    جفاني وصرت نصي ميت نصحاي
    نحيـــل ولا اثــــر نكاد بيه




    مر ولفي ايهبتـني ومره هبته
    ومره اوصلت يمـه مره هبته
    طحت مقدر يصاحب مره هبته
    اسد يخسه الاسد ملقــاه اليه

    وحق التعبده شيعه وسنه
    ذوله الحرموا نومي وسنه
    عليك اسيوف جردنه وسنه
    علمك يلعبدت اشميت هيه



    أحبـــج ما أحب غــــــيرك بدالاج
    أوشوقي مابدى الغيرج بس بدالاج
    أنــا ويـن القــى يا ......... بدالاج
    مــلاك ومــن الســـــما نازل عليه




    وحق الالف واللامــين والها
    روحي بهوى ساهي العين ولها
    لها ثغر وجبين وعــين والها
    خذ شبه البدر لو سـطع ضيه






    سريتوا بالضعن ياترف هاوين
    جفيتوني ولعـند الغير هاوين
    هاميت يحلو الطــول هاوين
    حياتي والنظر اقــبالك عليه
  50. بواسطة بهلول الرشيد

    سمر لو بيض يعجبني شكلجن
    تنور اشماتــــــــقللي ابشكلجن
    لون واحد على حـالي شكلجن
    بويا تحنـنـتن وانا النــيران بيه الرد



    شتــبي مــنا تســــألنا ابـــشكلـــــنا
    بويا ورد جوري أبوسط جنه شكلنا
    لون واحد على حـــــــــالك شكلنا
    بويا عصرنا الزلـف وانطيناك ميه



    حيره ابياسجيه أمتدح وصفى
    أنقى امن الذهب والماس واصفى
    أعلى امن الوصف والمدح وصفى
    ابكل خصله حرت وابكل سجيه




    حبيبي دك بذرعانه ولجتاف
    بضلعي جاسي اللبي ولجتاف
    رضينه بحبس دندوشه ولجتاف
    وهي سجاني وتفتر عليه




    أسنونك بيض لون الوفا بيهن
    أودواليبك وفر بيهن
    لون جنحان عندي وفر بيهن
    وجيك أبليل جد تطري عليه




    حبيبي أومهجتي أودنياي ونته
    ترى المالوم صعب اهواي ونته
    يصاحب تاه مني القلب ونته
    بس لو صادفك تلقاه إليه




    حزني عليك مايبطل وناحي
    اسب اللامني بودك ونا حاي
    تبات الناس مستوره ونا حاي
    ليلي والنجم يشهد عليه



    ليش انته على الحبوك تنحال
    وظلوعي ابيوم شال الظعن تنحال
    إلك عقده ابدليلي عيب تنحال
    لما يطلع جديد الشيب بيه






    حبيبي جفاك المعبودج صبراي
    حبيبي كمت اكل للروح صبراي
    حبيبي من ذكرتك نفذ صبراي
    حبيبي يصب فراقك عليه




    غياب اجفاك لرموشي لجهنا
    عميت أوروح ماعادت لجنها
    وحقك غالي او دمعي لجنها
    ارخصت من يوم شح وصلك عليه




    يناهي جوز عن هالطبع وتراك
    ومثلك منوجد بالعرب وتراك
    خذك نار لوفانوس وتراك
    وشعرك ليل والقصه ثريه




    هذا اللي لعند اعضاي هد هد
    ملهي وابد ماينصاد هد هد
    اكله اقرب يقلي ليك هد هد
    ارفع مشتهاك اشتظن بيه




    يكت دمعي بيابي دمى واجفى
    إلى ويا الخان يوم الحشر وجفى
    انجان انته وليفك زعل وجفى
    أنا ولفي نكرني أوخان بيه




    أنام وشوك محبوبي يعاني
    افز مرعوب واتخيل يعاني
    هلي الدمع مرخوصه يعاني
    على اللي بالوصل شحوا عليه
  51. بواسطة بهلول الرشيد

    ماتدري بجفاك الكلب ماراد
    وكتي وليريده عمل ماراد
    بعالي الصوت أصيحن يرد ماراد
    هلال اللي مشه ميعود إليه


    وياك بلشت بلشة يابلاشي
    حسافة طلعت عندك يا بلا شي
    بثمن يوسف بعتني يا بلاشي
    قميص اربع جهات انقد علية


    السعادة منين اجبينها والافراح
    على الاخوان راحاصفك والف راح
    الف لمو والف سجنو والف راح
    واتاني وما رجع واحد علية

    بس احنا المصايب صاحبنة
    لان كل ساع نفكد صاحب النة
    ابنة المات محد صاح ابنة
    خاف نصيح ويعدمون اخية
  52. بواسطة بهلول الرشيد

    الاحبة روحي بروحة .......... مذابة
    زعل وياي لـــو ادري .......... مذابه
    ذبني بلا سبب وانة .......... مذابه
    هجرني وصاح حبك بس اذية

    اجيك بلهفة اتعنة ............. وهملك
    ولتضن يوم املنك ............. وهملك
    اذا ضنيت متأكـــد ............. وهم لك
    لان ميصح متوهم صافي نية
  53. بواسطة بهلول الرشيد

    يكانـــون الزلم متخــــــاف برداك
    ويحيدر غطي جمع الحشد برداك
    يداعــــش روح للنيــــران برداك
    لان خالفت شرع الله ونبــــــــيه
  54. بواسطة بهلول الرشيد

    ((مجموعة من الابوذيات الرائعة))

    جمبذ خد ابو سمحات منفاك
    الورد وارد يساهي العين من فاك
    لو بين عليه جفاك منفاك
    غصب روحي عليك اتحوش بيه


    الشاعر حسين العبادي



    يناهي اقبل ارشادي ونتصاحي
    جذب من شاف شخصك ونتصاحي
    و حك سكرة اعيونك ونتصاحي
    رضابك سلسبيل و عذب ميه


    الشاعر سعود النفيسي


    نومي اشلون وهمومي تلمني
    انحلت و الفضل لهدومي تلمني
    علام الناس يا صاحب تلمني
    لها الحك مادرت بالصار بيه


    الشاعر سيد محسن البطاط


    مثل حني فصيل النوك ماحن
    الك يالخلفت بالكلب ماحن
    ردت بجفاك حتفي يحين ماحن
    تركني لونسة الشمات بيه


    الشاعر هاشم فليح


    احبابي الاعز من صحتي صحتهم
    جفوني و لا ضمايرهم صحتهم
    بهدمي اعمت و بلساني صحتهم
    سمعوا شافوا فلا ردوا عليه


    الشاعر جواد الجياشي


    علامك يا جفن ما بطل وشلاك
    افضحتني يصير اكضلك خيط وشلاك
    بس امن الرشيح اشبعد وشلاك
    المضه ماضن يعود انو باليه


    الشاعر علي موسى حشيش


    حركت الثوب بالاهات وعباي
    وحملت اهموم جمه وضيم وعباي
    كلب اهل الكهف من صحت وعباي
    نبح واهل الكهف فزعوا عليه


    مهودر الحلفي



    بليالي اجفاك ماتدري مناحاي
    عليك محزم وناصب مناحاي
    بشوكك لاتكول شحي مناحاي
    عراز امشي اعله جود الشمت بيه


    سيد محسن ابو طبيخه


    ملوم الناس حيل اوياي منداي
    انادي ولااظن ايفيد منداي
    الك داي بدليلي داي منداي
    عظيم وبلتوالي يعم عليه


    جبار خضر



    الف اه بدليلي من يزلهه
    وجثيره اتعبت روحي من يزلهه
    صديجي اسمحله زلته من يزلهه
    شمعنه انه من ازل يكصون بيه


    دحام جبار ال حامي



    عميت العين من المسح يردان
    عله النزلن بوادي النزل يردان
    يصاحب كوم ذني البيض يردان
    عبد مملوك وديهن عليه


    ابو معيشي


    هنا يلي احسبت تجفي ونسلاك
    اخلافك دوم مانرهم ونسلاك
    انجان انته مضه عيدك ونسلاك
    مثل يوم الطبك عيدي عليه

    محسن نايف الشطري


    زماني حط الي عله يعله
    ينزل الفوك والواطي يعله
    اود هسه العمر يخلص يعله
    ولا عيشه بمذله ادوم اليه


    هاشم فليح


    انشفن يا دموع الهم و طيري
    عله الماخلص وياهم و طيري
    كطه طيور الخلك تلزم و طيري
    حيايه ايجيب و يصلكط عليه


    نعيم الخباز



    نشرنه اعلام ودك وانته وينه
    ونطيح بنار شوكك وانته وينه
    حجينه اوياك ثابت وانته وينه
    حجي ولزمه عصة العباس اليه


    دحام جبار



    شبه طير الكطه الضامي علاماي
    امر ولاارى منكم علاماي
    بهاي الدار اهل ودي علاماي
    بحداهم كمت اصيح بلاوعيه


    عبدالحسين حميدي



    وحك سورة الم نشرح ولنفال
    لساني انعكد من شفتك ولنفال
    دعيت الباري بالخمسه ولنفال
    قسمتي اتصير حد يوم المنيه


    ابومعيشي



    الدر مايبس جفوني وشرهن
    طحت بالغاسق الواقب وشرهن
    رهنت الروح لودادك وشرهن
    بعد بس كاع كبري وموش اليه


    ستار دلي


    دنيف متيمك مايوم بسم
    مغذيني يساهي العين بسم
    من وجدك غديت الظم بسم
    ابد سم الخياط يضيج بيه


    مله جادر


    نحرني والهدم مسفور ردناي
    شطت لله وعمود البيت ردناي
    ريمه جن غزال الصيد ردناي
    سمع طك الزناد وعاف ميه


    سيد علي الهلالي
  55. بواسطة Adonai

    شكرا :rose:
  56. بواسطة فهد الزيادي

    اسمك شعر وبكلبي ارد بي
    وخدك مشتل وخضر ورد بي
    طريق المدرسة رايح وارد بي
    حتى بس اشوفك هاي هية
  57. بواسطة فهد الزيادي

    عليك العين مو دمع تكت الك
    وجروح البيه متحلفه تكت الك
    احجزت من كلبي تكت الك
    دسافر وروح ولا ترجع اليه
  58. بواسطة فهد الزيادي

    ملاك من السما نازل شهد بيك
    مو دم يجري بعروكك شهد بيك
    تكلي شبيك بس هدني شهد بيك
    اذا انته عسل لازك بديه
  59. بواسطة فهد الزيادي

    المحبوب ماينكشف بسحار
    وكلبي مابرد وياك بس حار
    الك مديت واير عشك بس حار
    ينتلك لو كطعت الوصل بيه
    ****
  60. بواسطة فهد الزيادي

    وحق الناي من يعزف وخنته
    ابد ما عاشرت صاحب وخنته
    حبيبي وصاحبي وروحي واخي انته
  61. بواسطة فهد الزيادي

    جميل انت والاجمل بيك خطك
    ويهنياله الصورك بيده وخطك
    اريد اسأل يغالي شنهو خطك
    اذا زين العراق اتصل بيه
  62. بواسطة فهد الزيادي

    قدر مكتوب حبك من تقسمه
    الواحد ماله ناتج من تقسمه
    لون بسيوف كلبي من تقسمه
    تشوف بحبتك شمسويه بيه
    ****
  63. بواسطة فهد الزيادي

    الليالي شهود اذا ناسي وعيدك
    بلكي تعود للماضي وعيدك
    شعلت شموع ميلادك وعيدك
    وفرحت وياك رغم الجرح بيه
  64. بواسطة فهد الزيادي

    حنانك ماوصل مره لحناني
    قسه كلبك كسر هجرك حناني
    اذا شموع الفرح يمك حنالي
    الشموع تذوب وجفوفك بديه
  65. بواسطة فهد الزيادي

    احسك ذاك منته ولاهواني
    ولاذاك الهويته ولاهواني
    التهيت بغيري انته ولاهواني
    بغيرك ما افكر للمنيه
  66. بواسطة فهد الزيادي

    يروح الي نوده من علينه
    ونسب كلمن حرمنه ومن علينه
    منو ويانه يروحي ومن علينه
    تاهت والنبي جذب علينه
  67. بواسطة فهد الزيادي

    رحتو بعيد واحنه الكم شعرنه
    مشيتو و لا بعد ينفع شعرنه
    اجذب لو كلت ابيض شعرنه
    شعرنه الطاح من رحتو من اديه…
    *******
  68. بواسطة فهد الزيادي

    *******
    عرفة افراك وجهك مالة ردة
    بعدك كلبي باب الصبر ردة
    انه ياهو اﻷسالة اعليك ردة
    نمر راح اوبعد مامنة جية
    *********
  69. بواسطة فهد الزيادي

    عليك الروح بس تسأل وهامات
    يمعود علي اسئل ها عدل هامات
    ولو بس الفاتحه اقراها عليه
  70. بواسطة فهد الزيادي

    ن شاف شخصك طفر ورش
    وندب ميت هله ابهل طش ورش
    الحرگ مافاد ويه المحب ورش
    ولا مومن جذب محبوبي ليه
    *********
  71. بواسطة فهد الزيادي

    ضلت همومي سوالف والريج بسمر
    ليلي الاسهره بجفاك مابيه حلو بسمر
    يالمحاجيك ذهب هم تعود ليه
  72. بواسطة فهد الزيادي

    يل رحت بلا سبب صدكني خسران
    لان مو مثل البقيه بسرعه تلگاني
  73. بواسطة فهد الزيادي

    تريد عمري هاك عمري هو غير انته العمر
    تريد روحي هاك روحي وانته تأمرني امر
  74. بواسطة فهد الزيادي

    شفت منك مذله وماشفت خير
    روح ولا ترد صدكني ما اريدك..
  75. بواسطة فهد الزيادي

    عضني وماحجيت ودار وجهه وراح
    بس انه شكلت جوعان خل ياكل...
  76. بواسطة فهد الزيادي

    عضني وماحجيت ودار وجهه وراح
    بس انه شكلت جوعان خل ياكل.....
  77. بواسطة فهد الزيادي

    لتعأشر بشر يحجيلك بؤجهين
    وجةة يضحك عليك وجةة يضحكلك
  78. بواسطة فهد الزيادي

    حان الان موعد كشف الهموم
    حسب توقيت هجرك يالعفتني
  79. بواسطة فهد الزيادي

    يم امي نص الليل صحت انه احبك
    صاحت اسم الله اشبيك ياهو المعذبك
  80. بواسطة فهد الزيادي

    كتلك هاك كلبي ..كتلي هاك الموت
    شوف شكد فرق مابين هاك وهاك
  81. بواسطة فهد الزيادي

    مثل حني فصيل النوك ماحن
    الك يالخلفت بالكلب ماحن
    ردت بجفاك حتفي يحين ماحن
    تركني لونسة الشمات بيه
  82. بواسطة فهد الزيادي

    انه الجيتك حبيبي ضال امني ...
    دليلي كمت احسك ظال مني ....
    بس ما تجي تلكه ضال مني ...
    قطعه او بالركن مدكوكه اليه[صورة]|


    [صورة]
  83. بواسطة بهلول الرشيد

    الى امي وعزيزتي
    يحادي روعت كلبي بهماي
    طفل وتيه احبابه بهماي
    مضويه الدار جي جانت بهاماي
    اضلمت من يوم شالته المنيه
  84. بواسطة بهلول الرشيد

    اعد ايام عمري ونسه عدهه
    وصيحن وين عزهه ونسعدهه
    اشوف الناس تظحك ونسه عدهه
    بطر لومن سفاهه اظحكت هيه
  85. بواسطة Adonai

    أذا كلبك قسى لتلينه للناس
    اذا مرةاوكعت محد يجيلك
    الناس بشدتك بالعوزة عافوك
    وبالشدة اجو كالوا دخيلك
    لا تبقى ذليل وتكع موزين
  86. بواسطة Adonai

    كلهه تعوفك وترفض تشيلك
    واذا فد يوم صارن عندك فلوس
    الف واحد يكول آني خليلك
    عوف الناس ووحدك عيش
    مهمومابردلك كلب الله وكيلك
  87. بواسطة Adonai

    ورودك جتّي صبحيه ند إلهه
    ومن بعيد همساتك ند إلهه
    يغايض روضه صرتلهه ند إلهه
    تحسّب من تمر بيهه مسيه
  88. بواسطة Adonai

    بيه من اشتاكلج لوعة شهيد
    جنتي اخر صوره بين اعيونه
    ميت وما مات بس رادج تجين
    امتاني حطنج بي يغمض اجفونه
  89. بواسطة Adonai

    باجر الله يكَضك أعله حجايتك .
    مَن أجيت بابـي عااگد رايتـك .
    كَمر جبته أنه الهواك .
    بشمعه بدلته شجااك .
    ألمسودن مايسويّ سوايتكّ .
  90. بواسطة Adonai

    اييي والله ..
    والله اشاهد ،،
    والله احب الناس كولها
    وابد ماكارهلي واحد ..
    حتى احب الكارهيني ..
    الا اكلكم ،،
    هسه مشتاگ اني المن ؟
    والله مشاگ لجماعه مزاعليني ..​
  91. بواسطة Adonai

    والله يا الله يكلهم عافني
    وانه ما حبيته هو الحابني
    يكلهم اطردته ويرد
    ما يحس كتله ابتعد
    يكلهم يذل روحه لو بس شافني
    والله يا الله يكلهم عافني
  92. بواسطة بهلول الرشيد

    وحگ ارموشك الحلوة وعينك
    أنه بالشدة أوگفلك وعينك
    لون بيدي لنصبنك وعينك
    ملك تحكم على كل البرية
    ==============
    باد الحيل واتعس بيده هاية
    وطلع ماكر حبيبي بي دهاية
    سالمني وشبگني بيده هاية
    وبيده الثانية يأشر عليه
    ==============
    إجيت تگلي خل نرجع بعدما
    حكمت اعله العشگ كله بعدما
    بعد ماصدﮒ بحچيك بعد ما
    بعدما تگدر اتقشمر عليه
    ==============
    المثلك كون يعرف قدر نفسه
    وكون النافسك بالخير نفسه
    بلال الشال صخرة انگطع نفسه
    وانه الممنون اشيلنك بديه
    ==============
    إلك شفتين تكتل ولعني
    واحسها بنار تحرﮒ ولعني
    شني مسودن واگلك ولي عني
    لو شارب نفط وجنون بيه
    ==============
    الجگارة بنار دلالي ورثها
    وعاين دنيتي وشنهي ورثها
    أخذها الروح ترثيلك ورثها
    ساعة انته تنوح وساعة هيه
    ==============
    من دمعي جرن نهرين وعيون
    ولخليلك الف حراس وعيون
    شلون خدود عندك ولفي وعيون
    كبار ومحله نظرتهن عليه
    ==============
    أريد آخذ قصط راحة من الراح
    بچيت وربعي سألوني من الراح
    شجاني وماخذت عبرة من الراح
    ولا بالجاي عبرة اتصير اليه
    ==============
    افتحت صدري لسهامه من رماني
    وشفته وگلت مدري من رماني
    بفيي وگعد ياكل من رماني
    ويحسب للشته شچم غصن بيه
    ==============
    بين ظلوعي شلتك ماهملتك
    وبقيت بجفن عيني ماهملتك
    حسبالي الخيانة ماهي ملتك
    لچن هسه اتضح كلكم سويه
    ==============
    بعد من نار شوگي من جمالك
    يهالغاير غاير جمالك من جمالك
    ثكيل الصحرة تشكي من جمالك
    واذا تصعد جمل تنكسر هيه
    ==============
    هله ياللي على الفطرة هوانه
    وينعشك لو يمر مرة هوانه
    إذا تسأل على اليوفي هو آنه
    أفزع باول صياحك عليه
    ==============
    مثل مرجوحة بي رايح ورادود
    ولولي بصوت لاناعي ورادود
    من يمشي الحلو يمشي ورا دود
    امن اشبگة الدود يتكوم عليه
    ==============
    بابي المانهر چفك من اندﮒ
    ودعاين آنه لو وكتي من اندﮒ
    حنطة وطبعي اظل واگف من اندﮒ
    أغزر بالوفي وبالذاته ابيه
    ==============
    يامن ما لغيره الگلب يامن
    رضه گلبك علينه انگول يامن
    أنشدك إنته امس مريت يامن
    وراك الناس تتراكض خطية
    ==============
    كم من عمري خلصته وراكم
    وگضيت اسنين بس اركض وراكم
    بعت عمري تره لحبكم وراكم
    بدال المشتره تبيعون بيه
    ==============
    المصايب أمنن بية ولاذن
    بغيابك لانظر عندي ولاذان
    وحشة غروب المفارﮒ ولاذان
    العديلة تگول يقروها عليه
    ==============
    منهو النكر عهده من عهد من
    انهدم گلبك وگلبي منع هد من
    عشگنه اتعرف عهده من عهد من
    گبل الاسلام هسه تخون بيه
    ==============
    عطش گلبي بمحبتك ماي اتاني
    وبعد ماظن ينطرك مايتاني
    تعال وشوف حالي ميت آني
    بس الروح گوه مچلبة بيه
    ==============
    جرح گلبي شعمل بيه وشده
    نزف محد گرب يمه وشده
    وگفت بكل مصيبة الهم وشدة
    انعم الله اعليك محد گال اليه
    ==============
    اذا نترك ودادك وانتنازل
    إحرگ جدنه الاول وانتَه نازل
    بعد روحي أحطك وانته نازل
    وسط گلبي واريد اقرب شويه
    ==============
    أصيلة الروح تنشد من خيالي
    وافز مرات اخافن من خيالي
    شكثر حاولت احذفك من خيالي
    خيالي انحذف وانته الضال اليه
  93. بواسطة مرتجى العامري

    تسودن عقلي من حبك.. جنابك
    وبخت كلمن مسى وكاعد.. جنابك
    اسومن والتمس حظرة ..جنابك
    الف نعلة على ابوك العم عليه..
  94. بواسطة بهلول الرشيد

    بعدني وياك بالعشرة وﻻ زال
    وكلبي ما يحب غيرك وﻻ زال
    تراني صادق بحجيي ولازال
    محبتك بالكلب غصبن عليه
  95. بواسطة بهلول الرشيد

    افر داسين وي وكتي (وكر داس)
    وعليه اهموم كردستها وكرداس)
    صرت مثل الذي بجدمه وكر داس)
    عجارب والحيايه اتحيط بيه
  96. بواسطة بهلول الرشيد

    اكر داسين وي وكتي (وفر دوس)
    يدوس بجدمه وانه اصرخ (وفر دوس)
    جهنم صارلي الصاحب وفردوس
    صرتله وحور عين وآخريه
  97. بواسطة بهلول الرشيد

    كبرت وكام يطلع شيب بلحاي
    وگضيت العمر بس احاي بلحاي
    شيعو جثتي مو ميت بلحاي
    حي لاجن علايم موت بية
  98. بواسطة ضياء الصافي

    سگم وانفض دمع عيني.. وره جفاك
    بعد ياچف درء بهمـــي.. وره جفاك
    ضگت كل ريج ماينفـــع..وريج فـاك
    أحس طعمه من أهد ذيچ المسيه


    بقلم
    ضياء الصافي
  99. بواسطة بهلول الرشيد

    اهومش جي مشه خلي ويهـلاه
    وشبابي انهدر كل طيشه ويهلاه
    ابشـرك ويهـي ماتلگه ويهــلاه
    ويهـ شـايب عتيـج وضيـم بيه
  100. بواسطة بهلول الرشيد

    ايا عيوني اعله درب الراح تربان
    وملح هجره بسواجي الروح تربان
    يبعدك مال احط اعله الراس تربان
    واخلي الفلح تنكد فوس بيه
  101. بواسطة بهلول الرشيد

    اشيلن طن حمل گلبي وحط طن
    المصايب چلچلن فوگي وحطن
    وعلي من حلگي چنت آخذ وحطن
    بحلگه ومدري ليش يخون بيه

    بعد ياطن اشيلنه شحط طن
    وهنه صورك بريتي شحطن
    بلحگك چا بعد گلي شحطن
    اذا حطيت روحي وخنت بيه
  102. بواسطة بهلول الرشيد

    على فراگك بذاني اعتقد زنجيل
    عليك وگمت ادگ عل متن زنجيل
    تعال وخل اسمعك شعر زنجيل
    ووصفك بيت بيت ويه البذيه

    اوصفك بيت بيت وشوف وصفاك
    بجمالك گمت ادگ عل راس وصفاك
    صافي وكل دغش ما بيك وصفاك
    گلب عندك ذهب ميه عله ميه
    گلب عندك ذهب وعيون فضه
    بغيابك گمت اشوف الناس فضه
    وحگ طوعه وحميده وشرف فضه
    وي روحي احسك روح بيه
    وي روحي احسك روح يفلان
    ولا منك افكاري بيوم يفلان
    الليالي السود من تبتعد يفلان
    براسي وما لگن بس شيب بيه
    براسي وما لگن بس شيب مناك
    شجنيت وصار هسه الدرب مناك
    وحگك ما نسيت بيوم مناك
    ولا ناكرهن افضالك عليه
    ولا ناكرهن افضالك علي دين
    علي الرجلين امشيلك عل ادين
    وحك الله وإنت مالك علي دين
    اذوبن من تصد عينك عليه
  103. بواسطة بهلول الرشيد

    شخصك حيل طيب .....وأنه احبه
    وحرت وين أشم خدك... وين احبه
    انت الورد الأبيض ......وإني احبه
    وموت عليك من تسأل عليه.
  104. بواسطة بهلول الرشيد

    الشعراء/ الهواة/المتذوقين/النقاد
    طاب مسائكم واسعد الله اوقاتكم اليوم اخترت لكم ابياتا كما عودتكم انشر الابيات القديمه
    نظرا لسلاسة مفرداتها وطريقةتركيب اجناسها لكون شعرائها اغلبهم اميين يكتبون عل الفطره
    لم يدرس بحور الشعر لكن تجد ابياتهم قويه عسى ان تعجبكم واشكركم سلفا


    من مثلي ابجثر اهموم عالاي
    ومن مثلي انهزم والطرد عالاي
    ركبت الجمل عود احتسب عالاي
    الجلب عضني ونيابه اثرن بيه //عبيد سعيد/رحمه الله



    احتقد يعبيد بالمخلوق يملاك
    وكلبي اجروح لك ايصير يملاك
    جريب انت اويعضك فوك يملاك
    انه اويه الصاف دهري ايطير بيه ابو معيشي//رحمه الله



    ماتدري اشكثر صاير علي هام
    بسبب لن النذل بيده علي هام
    اخوتياللي اعتمد انه علي هام
    وكفوا وكفة الشمات ليه //عوده مسعد الناشي/رحمه الله



    سهرت الليل ما نمته ولك هام
    انسلب عكلي يبن مسعد ولك هام
    اشلون النذل شال ايده ولك هام
    اكصهه امن العرج واجب عليه //حسين العلي /رحمه الله






    [صورة]
  105. بواسطة بهلول الرشيد

    چثيره اطفال محرومه ...بلمهم
    وگلبي انترس يا خويه ...بلمهم
    من ضلوعي صفه صاير...بلمهم
    اغرف والشراع انكصر بيه
  106. بواسطة جنان العراقيه

    رووووووووووووووووووعــــ. ـاتكم
  107. بواسطة جنان العراقيه

    أبوذيات للإمام الكاظم (ع)


    **********************




    موسى من الصبر ماچـل ---- ولامال


    ولازل يــوم عـــن دربـه ---- ولامال


    رجانـه امعـلگ ابصـبـره ---- ولامال


    تظل معـقـوده يم ابن الـزچيه


    ***********************




    يگلبي من يهـب حـزنك ----- وراهب


    لأن قـاسي الطبع دومه ----- وراهب


    أمامـك عـابـــد ونـاسك ----- وراهب


    لعد هاشم يظل أبن الــزچيه




    *****************



    الطهـر كله حليب أصبح ----- ولك دار


    وركع كل الصـبــر يمك ---- ولك دار


    الك مــرقــد يشع نـوره ---- ولك دار


    بكل گلوب خدام الـــــزچيه
    ********************






    موال


    **********************




    مابــيــن صبــر وصبـــر صبرك تجاوز حدى


    چن سيف صبرك صبح أنهض يموسى حدى


    بـرگبـة طغاة العـصر ماغــيــر شخصك حدى


    قـاوم بصبـره الظلـم وصار الصـبــر عــادلـه


    ويـنه الــذي سـمـمـه ويـنـه الــذي عــــادلـه


    كـرمه الباري بشـرف وچـفـوف الـه عــادله


    ومن السجـن طـلـعـه وللجـنـه هـالـبـي حـدى
  108. بواسطة جنان العراقيه

    وردنـه كـفـر كلمن تحدانه وردنه
    و نـحـرمـه سـاعـة المحشر وردنه
    أهـل بـيـت الـنبي من شم وردنه
    ويـشـم ريـحـة جـنان الله الشذيه

    يـمـن حـبـكـم نعيم إلنه وجنه
    وولايـتـكـم حـصن واقي وجنه
    سـعـيـد الـمـلـتزم بيكم وجنه
    هـواكـم يـهل بيت النبي الأطياب

    ابـمـسـك آل الـنبي الهادي تمسك
    دوم ابـعـروة الـوتـقـى تـمسك
    ابـلـهـبـها الحاطمه لا تظن تمسك
    تـمـس الـخـالـف الهادي ووصيه

    غـالـب زهـت لـلـعـالم وياهم
    و فـضـلـهـم بـان للوادم وياهم
    الـشـرف و الـغـانمه يسعن وياهم
    و صـعـدوا فـوق هـامات الثريه

    ابـفـضـل آل الـنبي انشأنه وربنه
    وشـبـحـنـه النظر بس الهم وربنه
    شـمـسـهـم بـالفخر تسطع وربنه
    جـعـلـهـم سـادة اشراف البريّه

    وحگ الـمـصـطـف المنزل ولايت
    مـثـلـهـم ما تجي صفوه ولا يت
    مـوالـي واعـرفـت بالحگ ولايت
    اهـل بـيـت الـنـبي واجب عليّه

    شـمـوس او زهـت لـلـعالم وياهم
    وفـضـلـهـم بـان للوادم وياهم
    الـشـرف والـغـانمه يسعن وياهم
    وتـدانـوا فـوگ هـامـات الثريّه

    گِطَـعْ مِنْ گَلْبي هذا البَتْ وهل بيت
    گِلـِتْ لا بُـدْ تِـرِحمُـونِي وَهل بيت
    إعِـرْفَنْكُمْ أهـل عِصْمَـهْ وَهَل بيت
    وِلاكُـم فـارِضَـهْ رَبِّ الـبَـريَّـهْ
  109. بواسطة ضوة الگمرة

    احتار الطبيب وياي ..وش داه
    ونوحي مثل كسير الطير ..وشداه
    اذا تنشد شيجبر القلب ..وشداه
    انا لاقلب ولاعظم اسليم بيه



    راقية هذه الموسوعة ..أحببت المشاركة
  110. بواسطة ضوة الگمرة

    احتار الطبيب وياي ..وش داه
    ونوحي مثل كسير الطير ..وشداه
    اذا تنشد شيجبر الكلب ..وشداه
    انا لاكلب ولاعظم اسليم بيه



    راقية هذه الموسوعة ..أحببت المشاركة
  111. بواسطة ضوة الگمرة

    ‏يدنيـا شعندچ من هموم ..ضـهراي
    غديت اگدر اشوف نجوم ..ضـهراي
    ابـكـثر ما عالخناجر طاف ..ضهراي
    اعتـــقد مـتـوارد الــغـربيل بـــــيه
  112. بواسطة ضوة الگمرة

    ‏على كلبي الفرح ما يوم..عده
    ونهاري بشهر مو ساعات..عده
    لكيت شكد دكايك سود..عده
    افك وحده ويجن عشره سويه
  113. بواسطة نجلاء على

    فى منتهى الروعة