منتديات نبع الفرات

تمت ارشفة منتديات نبع الفرات

المشاركات من الموضوع أحبك لا تغار هواي

  1. بواسطة ABaSs AL iRaQi

    نسيت من العمر كله و ذكرتك انته البعيني

    روت هل العالم من الماي و طيوفك ترويني

    يمر بخاطري نوماس الحديثات و اشباحك تلهيني

    يحاچني دغش و أسلاك وهو صوتك يوعيني

    ينشدوني تعرفه الناس؟ إندافت طينته بطيني

    أهو مني بزبر هالكون بطرف أسواره راميني

    عله فراگه تذمني الروح چف اشواگه لاويني

    ما أريدك تصير التيم بس عشگك يكفيني

    و أصيرن أنا و انته هنا و أقفلهن روازيني

    أشيلن حبك عله يسار و أنته تصير بيميني

    و اضيع بيك أدور هاك و أمتونك ددليني

    عله آثارك اعلم الروح حلو چتفتك يوچيني

    يلفاني السعد بحماك و بس همي مجافيني

    و صرت انته سبب سلواي و من أول تبچيني

    و گلبك فوق گلبي يصير و عله اوطانك توديني

    اناغيك عله ريگ اشفاك و عله الشبگه تناغيني

    و گلبني عله حر الشوگ و حر ايدك يسليني

    احبك فوگ خد الكون كاتبها بحبر صيني

    تحياتي ~