منتديات نبع الفرات

تمت ارشفة منتديات نبع الفرات

المشاركات من الموضوع جيه العيد

  1. بواسطة بهلول الرشيد

    يناهي الشوك ذمه وذات من ذات


    وفرق ما بين حالي وحالك ابعيد


    سنه وصدك يضوك الروح لوعات


    ويجملي الجروح اجروح ويزيد


    ابات ابحضن صبري اليال ويبات


    جرح يصحه وجرح مغتصب ويهيد


    واكول اسوالف السرحان والشاه


    اعله شجه وكاواده الايد بالايد


    الك جانت يحلو الطول جيات


    عجيب تبخل علنيه بجيه العيد


    @@@@@@@@


    تنينه وملينه جفوفه ابطيف


    وصبرنه وصبرينه الاه بالاه


    وتحسفنه الحسافه وحيف عالحيف


    على سواجي الدموع المالهن جاه


    وعرفنه وعود حبك غيم بالصيف


    المحل وين المطر بالصيف يلكاه


    نست روحي المرار المار على الكيف


    وهواك يعيل بيهه وعيب تنساه


    اشيصير على الترف لو تنسحب ضيف


    على غفله وعيد وصل الزين محلاه


    انه ابعازه الموت وحاجبك سيف


    واموت ابغير صده غيض ما اريد


    الك جانت يحلو الطول جيات


    عجيب تبخل علينه ابجيه العيد


    @@@@@@@@ @


    احن لمسمارك والكال شلكاك ؟


    شري المعشر حلاوه شوك ما بيك


    يمر صيفك صبر وانتظر اشتاك


    تبيعك عزتك .. وبذلتي اشريك


    تراك ويه النفس يالماتجي اشراك


    وبلدم اليدور . اتدور احس بيك


    يبو الروح على الروح اهواك شلهاك


    وهي بعين الشفاكه اليال تربيك


    ابد ما سامرتها الاه لولاك


    ولا جان على دربك لاويه الجيد


    الك جانت يحلو الطول جيات


    عجيب تبخل علينه ابجيه العيد


    @@@@@@@@


    انه ولااكول عنك غير معذور


    ولو ما ظل عذر للروح ينكال


    لجن ون اليساهر ليل مجبور


    وألم . لو من وكت . لو من ولف شال


    انه بحالي على صبرك خال مزهور


    صبر ومكابر المحتام جتال


    الك عمري على زين وشين منذور


    ولو من السنين وشال ما ظال


    لجن يبكه الجفن للطيف مسحور


    ويظل راجد عليه النوم ترجيد


    الك يحلو الطول جيات


    عجيب تبخل علينه ابجيه العيد
  2. بواسطة Hazim M

    ابدعت ابو زهراء
    تقييمي
  3. بواسطة بصراوي مشاغب

    احسنتم اخوي الغالي

    وكل عام وانتم بالف خير
  4. بواسطة بهلول الرشيد

    شكرا لمروركم احبتي
    مع خالص التحايا