منتديات نبع الفرات

تمت ارشفة منتديات نبع الفرات

المشاركات من الموضوع هنا موسوعة الدارمي!!! متجدد

  1. بواسطة بهلول الرشيد

    هنا موسوعة الدارمي
    دارميات متجدده من كل شعراء العراق


    طبع اليودعة البيت يشمر ورا ماي
    بس انه اذب الروح من يطلع اهواي


    جنه ابفرد ماعون ناكل سوية
    من تالي طلعت عود وصخات اديه


    من عيني مدري اشطاح لادم ولاماي
    ثاري سواد العين من فركت اهواي


    هاك اخذ نص الروح وخليلي بس نص
    حتة من اغص بالزاد من يمك اتغص


    ازحف وظل ماشوف بس انتة اشوفك
    صرت انتة ماي العين واتريد اعوفك
  2. بواسطة بهلول الرشيد

    كالولي خلك مات حاجوني بسكوت
    واسكتت خاف الروح من تسمع تموت
  3. بواسطة بهلول الرشيد

    ياوكت بس بالليل خلي عيني تنام
    ومن الصبح للظيم متحزم احزام



    ياوكت بس بالليل خليني ارتاح
    حتى اصفن اعله الجاي وابجي على الراح




    مهما تعذب الروح اصبر واحبك
    وزحف زحف مصيوب وامشي اعله دربك




    جرح الفراك ايهون من جرح الوداع
    البيه دليل انصاب يتشطر ارباع


    (الرد)


    زين وتشوفه الناس دلالك ارباع
    دلالي من فركاه مثل الثلج ماع




    رش بالكلب تيزاب حافي اعتنيلك
    جا شلي بالرجلين الماتجيلك
  4. بواسطة بهلول الرشيد

    متروسة روحي هموم محد حملها
    مدري من أشوفك ليش أنساه كله

    ناذر نذر لو جيت وتشوفك العين
    لكعد أجدي أسبوع يم باب الحسين
  5. بواسطة بهلول الرشيد

    تبجي بغزاره.. نكول هنيال العيون
    وشلت دمع العين وصبحت مجنون



    روحك لون تشتاك من كثر الفراك
    حظن بحظن وياه وتكلي مشتاك



    موحش يبعد الروح گلبي التركته
    والدم صفه الونات والحسره دكته



    كلبي اشتكالك ليش ترفض شكيته
    متيه وشافك صاح احا لكيته


    من عمت عينه الكال بفراكك ارتاح
    ابجي ابسواد الليل حتى الرمش طاح


    ترجف عليك اعضاي كل ساعه وتلوج
    ودموعي عالخدين روج بأثر روج


    ريت الالم مو بيك ياريته بيه
    دونك لجر الموت بثنين اديه.

    شوف شكثر مكروه التجفي دنياهه
    حته الصديق يكول عيب امشي وياهه.

    اجمل صباح اليوم وبعمري بس هاي
    شلت الغطه وفزيت لن عيني بهواي.
  6. بواسطة بهلول الرشيد

    ظوجة وقهر وهموم وكملها الفراك
    والكلب نص الليل لاحبابة يشتاك

    اصفن واحاجي الروح وين احنه جنه
    هم ترجع الايام ويلتم شملنه

    صابر اظل يا ناس وبهمي اشكي
    ما عندي كلام اليوم بس ادموعي تحجي

    حسـره إلك بالدلال ظـلـت لما أمـــــــــــــوت
    ماتدري حقها الناس إصوابي بسكـــــــــــوت
  7. بواسطة محمدخالد

    [صورة]
  8. بواسطة Fantasy

    تره مشتاگلك؟! و حيـلي هــــــده الشوگـ؟!
    تره انــــي انتهيـــت و گلبــي لجلك طاگـ؟
    وصلت المرحلــــه گمت احــسد الميتيــن
    گــد مــــا الكون واســـع بيه بعدك ضــــاگـ
    خلص كلشـــي بيــه الدمــع والحســـرات
    بطرگـ صفنه بقيـــــت ويمي كــوم اشواگـ
    هسه انت مشيـــت (أنگــــول هم معذور)
    النوم اشبي؟ البسمه؟ ذوله هم عشاگـ؟!
    روحي القـــــاسيه الحملت طعن وجـــروح
    عجيبه شبيهه تزهگـ من دقيقه افــــراگـ؟!
  9. بواسطة Fantasy

    شعدك يا حزن من عنــــدي ما مليت ؟
    مو اقرب بشــــــــر من عندي ملّوني !
    ليش انته الوحيد اللي وفيــــت وياي..
    واللي حسبتّهم عون..خانونــــــــــي
    من دون الدروب دروبــــــي بس وداع
    خلصت العمر ابجي اليودعونـــــــــي
    وحيد وحتى ظلّي اليوم هــــــجّ وراح
    بقيت بلية ظلّ ومن يسألونــــــــــي
    اكلهم اني عفته ودرت عنه العيـــــن
    وبيني وبين نفسي اتوسل عيونـــي
    اخاف تصب دمعها وتفضح الاســـــرار..
    واني بوسط شمّاتــــــي ويشوفوني.
  10. بواسطة Fantasy

    شلت دنيه اعله راسك مو شلت كيك
    بس المثل حالك يصفن اعليك
    الحكومه وبرلمانك مايشوفون؟
    كلها اتروووح فدوه الطرف رجليك

    [صورة]
  11. بواسطة وفاء

    اجيت اطلب النخوه من نخوتک
    لگيتک يمي حاضر من نخيتک
    اذا يسالني سائل من اخوتک
    اگولن انته اخوي اوهاي هيه
    -------------
    اهداء الى اخوي العزيز(حنيس) :d
  12. بواسطة Fantasy

    لا تكتب قصيدة تواسي الجروح
    وانت بجرح كلبي صرت ماهر
    ولا تحجي بعد عالحب والاشواك
    من كد ما بعتني صرت تاجر
    ولاتلزم قلم وتوصف الفراك
    اصلا بالهجر صرت انت شاطر
    صير انسان لاتعذب اليحبوك
    وفكر من بعدها اتصير شاعر..ّ
  13. بواسطة Fantasy

    خاويلك جرح لو ردت خوان ،،،،،،،،ماينكر عشرتك لمن ايطيب
  14. بواسطة Fantasy

    اباوع بالمرايه ومن اشوف الشيب
    تبقة الروح تبجي ومدري شتهذري
    واغالط روحي اكولن : يالله .. سهله .. تهون
    يالله الشيب الابيض فك حزن شعري
  15. بواسطة Fantasy

    يالناسي العشك بالجذب ما حنيت؟
    ولا مر على بالك طيف تـــــــــذكاري
    وايامي المضت ماهزتك فد يــــــــوم
    ولا هزك ضميرك تسمع اخبـــــــاري
    بغيابك صرت شاعر منكسر مهضوم
    بيا شعر الاذكرك تشتعـــــــــــل ناري
    صرت كلي جمر واحلامي شبت نار
    واذا ما صدكت بس اسمع اشعاري
  16. بواسطة Fantasy

    ييمه اخجل اشيلج فوك المتون
    تحت جدمج الجنه وفوك ظهري ذنوب
  17. بواسطة Fantasy

    بديتك علي ماهمني راحت بال
    بعت الراحه لجلك وأشتريتك
    حطني كبال عينك شوفني بياحال
    شوف لياوضع ودتني اذيتك
    أباوع للسمه وشفتك سحابة موت
    ومطرت بس على الحبك منيتك
  18. بواسطة Fantasy

    ليش راجع مو خلص كلشي ونسيت
    وكوه بيبان الجرح سديتهن
    تريد اذكرك لو اذكرني من اجيت
    والله مايسوه بعد خليتهن
    جروحك البيه عفتهن من زمان
    نسج خيطه العنكبوت ابيتهن
    انه مااكلك نطيتك عيب اكول
    عيب اكول سنين عمري انطيتهن
    سنين عمري اطشرن يمك شجاك
    شبيك لجل عيوني مالميتهن
    حرز شايل ذكرياتك من مشيت
    وعله زنودي ثنينهن شديتهن
    وداعت عيونك بعد مابيه حيل
    حلف جروحي العلي وصيتهن
    خلافك عيوني الكمت بيهن اشوف
    تغيرن مو مثل ماخليتهن
    وردتك ذبلت بعد مابيهه لون
    مثل العيون العلي بجيتهن
  19. بواسطة Fantasy

    ليش تگلي احبگ وانته مـــــا حبيت
    وانه شگد غشيم وصدگت حبـــــگ
    جنت ابعيني اشــــوفگ اجمل من الكون
    ثاريه القناع الخـــــــافي بيه وجهگ
    دور الحب لعبته ومثلت ويــــــاي
    گـــــافي الدور خلص انزع اقنعتگ
    اوراقك انگشفن وبين المستـــــــور
    وجنت انـه الضحيه بهـــــاي سالفتگ
    باجر قصه تنزل تطرب القـــــــــــــــراء
    وانته تصير گـــــــــــاتب تنتشر قصتگ
    وانه اگتب قصيده بدمع هــــاي العين
    واگتب يا حسافه شلون مـــــــا عفتگ
    گون امسح الماضي وگلشي مــا مرغوب
    أول شــــــــــي امسحه ايام معرفتگ
  20. بواسطة Fantasy

    لا تعتب علية مو قصدي الفراك
    حبي و داعتك ما يوم عفتك
    انت بروحي عايش بين الضلوع
    شفت الموت صدك من ذكرتك
    رادوني اعوفك و اعمي العيون
    و اني لكلبي زارع محبتك
    وصلت بحبك اني لحد الموت
    شتضن الروح تفرح لو هجرتك
    كبل ما جنت اعرفك جنت احس بيك
    و كم مرة روحي بحلم ابيض حضنتك
    شفت بيك المحنة و الوفة يحير قلوب
    و محد كدر بيوم يوصل لمحنتك
    اموت اذا راد القلب فد يوم ينساك
    و احركهة لروحي صدك لو تركتك
  21. بواسطة Alforati

    عاشت ايدك عمي بهلول
    ومشتاقيلك كومة بكد الدارميات عمووو
  22. بواسطة احمد ابو سجاد

    جزاك الله تعالى خيراً
    على المشاركة الجميلة
  23. بواسطة Fantasy

    هنياله اليعيش بقرب الاحباب
    وهنياله اليشوف الي يحبه
    ومسكين اليناطر دكه الباب
    وما يندك عليه بس يدك كلبه
    ومابيه بعد اصبر بالغياب
    عليه الايام صارت حيل صعبه
    موياهو اليغيب نكول شو غاب
    اكو غايب تحس بغيابه فركه
  24. بواسطة Fantasy

    مو لعبة وعبالك بدوسة تنهي الداس
    من تخلص لعبتي ادوس عالتالـــــــي

    شوف التالي هسة وشوف بيك شصار
    تتوســل اســمــعك حتى تـــــقرالـــي

    وآنه الخلصان كَلبي ومو بس خلصان
    من حـوكَ الســوالف حايــــك إزوالـــي

    تغلط .. تعتذر .... مليت الموال
    كافي وخل اسـمعك مـرة مـــوالــــي

    شفتك تغرك انته ومارميت إحبـال
    أدري اول متطلع تكَطع إحـــبــالــــي

    ماريدك بعد تحلم اسولف بيـــك
    وعلى امثالك چذب ما اضـرب امــثالي
  25. بواسطة امير الحب

    يسلموووووووووووو
  26. بواسطة امير الحب

    يسلموووووووووووووووو
  27. بواسطة ضحى المؤمن

    فســرلي غيـــابك شــــــنو معنااه
    حتى اعرف عليمن باقي بجروحي
    وشنو نوع الهجر احجيلي عالمكشوف
    لتضمضم عليه مو طلعت رووحـــــــي>
  28. بواسطة ضحى المؤمن

    يكلي أصبر..ولك شأصبر
    اخاف من الصبر أكفر..
    جسر والناس عبرتني
    بس انه حرام اعبر..
    اريد احجي حجي المجروح
    وادري حجايتي تعور..
    وينة المايخون الزاد؟
    او وينة الوفي المايغدر؟..
    فتت سوك الوفه وياحيف
    لكيته معزل ويصفر ..
  29. بواسطة ضحى المؤمن

    تلعب على اجروحي ..وتضحك ومرتاح ..
    وأنا ابطيبة گلب .. احمل جراحاتك ...

    واضح ويه غيري ..وغامض انت وياي ...
    اتمنى اني غيري .. واحوي ضحكاتك...

    بس راح اني اعوفك ..وانشغل بالروح ...
    وما تلگي غيري من يمسح بدمعاتك..
  30. بواسطة Fantasy

    شبلاهة عيوني تعشگ دون متشوف
    و شجاني تعلقت بالـ ما اعرفه
    غريب احساسي بيك تولعت ليش
    شعور بداخلي ما بيه حيل اوصفه
    الگلب يهواك عاشگ حد الخبال
    بس عقلي عنيد يگلي اصرفه
    و دخت ما بين عقلي و گلبي المحتار
    شيقنع الگلب و العقل ما يصفه
    احلامي بريئه و جنهن اطفال
    على ذراع الخيال شلون تغفه
  31. بواسطة Fantasy

    يا قلم اكتب قصيده من دموع العين
    واذا شح الدمع دمّي قوافيها
    واحذر يا قلم ليخونك التعبير
    ويغلط الما عرف يقره معانيها
    بله اكتب كلامي بشوك للغالين
    تره حقها النفس تذكر غواليها
  32. بواسطة امير الحب

    شكررررررررررررررا
  33. بواسطة Fantasy

    سته عله سته ويسألني الدكتور
    كلي عيون عندك كلشي ما بيهن
    وحاجيته بحجايه استغرب الدكتور
    ياهو الجايك ...... وكلك تداويني
    عيوني وبيهن اعرف بالنظر زينات
    كتله اني اجيتك...... حتى تعميهن
    عيون الفاركت اغلى واعز الناس
    ذمه بركبتك ما لحظه تخليهن
  34. بواسطة الشاعر ابو لقاء البهادلي

    كلمات جدا جميله واقول على وجه السرعه مع الاعتذار


    اذا عندج نظر سته اعله سته * زرقاء اليمامــــه انتي تكونين

    واذا راحت اعيونج كلشي ميفيد * انتي بلا نظر مثل التموتين

    عوفي المايوافي وانظري الفوك * واطلبي الباري بالعزه تعيشين
  35. بواسطة حنانو

    هزني وشمرني الشوك يم قسم الاشعار


    من عكب راعي البيت هسه انه خطار .........ب ق
  36. بواسطة حنانو

    ااااه شكثر مجروح كلبي منلفراك
  37. بواسطة ضحى المؤمن

    مشاركة جميلة
    شكراا لكِ عزيزتي
    حنان
  38. بواسطة حنانو

    حظورك الاجمل شكرا لك
  39. بواسطة بهلول الرشيد

    يالتنشد أعلى الحال هذا انه حالي
    ارعى بحلال الجان يرعى بحلالي
    مودتي
  40. بواسطة بهلول الرشيد

    مالت وخلهة تميل جاشلي بيهة
    دنية وراهة احساب من تف عليهة
    ارد الشاعر عليه......
    مامالت ومتميل ولدنية زينة
    بس احنة موزينين من تف علينة
  41. بواسطة بهلول الرشيد

    عكرب عرفت البيك كله وهويتك
    سمك دخل بحشاي ما حسبيتك
  42. بواسطة بهلول الرشيد

    على راس الحثاله التاج يگعد فيت
    وعلى راس الفقير الدنيا مگلوبـــه
  43. بواسطة بهلول الرشيد

    مرجوحه اخلي الروح ونته التهزهه
    ولو طاحت موصيك بيدك تشدهه
  44. بواسطة بهلول الرشيد

    كلش كرهت الروح كمت احسد المات
    كامت ذيابه تخاف من خزرت الشات
  45. بواسطة بهلول الرشيد

    يطلبني اخوي اهواي والعطوه بس يوم
    شتكول ابيع البيت لوبيع الهدوم
  46. بواسطة بهلول الرشيد

    تدري بسب فركاك شنو جرالي *** طفله بعمر سنتين تبجي علئ حالي
  47. بواسطة بهلول الرشيد

    كافي الهجر مليت كطعلي روحي *** ياعيني كتي دموع وبعبره نوحي
  48. بواسطة بهلول الرشيد

    شــايف غـلاة العـين؟ هـيه وجفنهــا
    اجتافي للعباس انت اخلى منها
  49. بواسطة بهلول الرشيد

    طاح وغرك بالماي وطلعته كوة
    ومن طلع كام ايصيح غركني هوة
  50. بواسطة بهلول الرشيد

    لاتگطع اترجاك
    سمعني كلمة
    والله الهوه بلياك
    مايسوه اشمه
  51. بواسطة بهلول الرشيد

    سهران افكر بيك
    ماشايف النوم
    وتخيلت مرسوم
    وجهك بالنجوم
  52. بواسطة فهد الزيادي

    ابني انه فوك الطين واتحدى ماطيح
    مو من رمل ويطيح ساسي انه تسليح
  53. بواسطة ضياء الصافي

    يابويه رفّ إچلاي رفّ غشّمه للشوگ
    من هيسيت أبليل دبّچة حِمل نوگ.

    حياچتي
    ضياء الصافي

    [صورة]
  54. بواسطة ضياء الصافي

    رك حيلي كلش حيل من ماشفت خِل
    لاعكل ضل بجفاك وعيوني تغزل

    بقلمي
  55. بواسطة بهلول الرشيد

    دارميات محاوره

    الف تحية مني الكم

    وينك يابعد الروح ما تكلي وينك
    مو تدري صار اسبوع ما سامعينك
    هو :
    ادري انه صار اسبوع ماسمعتي صوتي
    مرت عليه ايام شفت انه موتي
    هي :
    سالم يابعد الروح انت وحياتك
    والله انه اموت الروح لو جت مماتك
    هو:
    روحي ويا روحج دوم مشدودة فد شد
    وحبج سكن بحشاي واتعده كل حد
    هي :
    محد سكن بالروح بس انت وحدك
    لو تدري صار اسبوع موتني بعدك
    هو :
    ما ابعد وما روح ما اريد اعوفج
    لن عيني عميه تصير لو ما اشوفج
    هي :
    شما تروح بعيد ابقى انه اريدك
    والكلب يامحبوب سلمته بيدك
    هو :
    كلبج جبير هواي يسلملي كلبج
    ومهما يصير بعاد ابقى انه احبج
  56. بواسطة مرتجى العامري

    تعال ارجـــع بعــد ما بية حيل اشتاك
    صرت بعدك غصن ومجلـــب بورگة
    تعــال اليوم يمكن تلگة مني وشـــال
    اذا ترجعلي باجر كلشي ما تلگة
    يا رگبة عروســــة بليــلة النيـــــشان
    مـوش گـــلادة بيــــك الروح متـــعلگة
    اعاين عل شماتة الكاهــم يصفگـــون
    اشو جفيــن عندي وما تصح صفگة
    شنو گبالك نجف تحجيلي بس عل موت
    اريد اسمع سوالف بيها اثر ملگة
  57. بواسطة بهلول الرشيد

    حبي هذا مودارمي والمثبت مخصص للدارمي ارجو الانتباه
  58. بواسطة بهلول الرشيد

    مارحبت بهواي ساعة الملكه
    ظل صافن وحطيت حلكي ويحلكه
  59. بواسطة مرتجى العامري

    خطأ مطبعي :4:
  60. بواسطة مرتجى العامري

    حيل اوجرت دنياي واكصت فرد نوب
    صيرة ولفتني النار من اثنعش صوب
  61. بواسطة مرتجى العامري

    صح انته ما معروف بس والله شاعر
    وبگد نفوس الصين عندك مشاعر !!
  62. بواسطة مرتجى العامري

    سلاني سل فرگاك ذوبني شمعه
    وضلوعي ثق تنشاف من غير اشعه !!

    تشتاگ الى ساعات بس اني والله
    اشتاگ الك كل يوم گد رحمة الله !

    كل ما احن واشتاگ تعرف قراري
    بس صورتك يا زين تطفيلي ناري



    غيرك تظن محبوب سكنته روحي
    لو دورت بالروح تلگه انته روحي

    كلمن يكول انساك كله انته بومه
    اخذه سحل دفرات شكك هدومه =))
  63. بواسطة بهلول الرشيد

    غير أفتهم شتريد روحي أم ألف رأي
    تعطش واجيب الماي وتكلي مو ماي
  64. بواسطة بهلول الرشيد

    كلش كصت دنياي دارت عليه
    وصلني حاله العوز مديت اديه
  65. بواسطة نجلاء على

    فى منتهى الروعة
  66. بواسطة accflex

    كلمات جميلة