منتديات نبع الفرات

تمت ارشفة منتديات نبع الفرات

المشاركات من الموضوع مايصير نعلس المدير!!!

  1. بواسطة بهلول الرشيد

    وصلتني رساله من منتداكم وحيل ضوجتني
    وشكد خجلت من نفسي والرساله تقول !!!

    السلام عليكم عبد الرماحي ، كيف الحال ان شاء الله بخير وبصحه زينه ؟؟
    اممممممم عبد الرماحي : صارلك اكثر من اربع ايام ما داخل للمنتدى ليش ؟؟ عسى المانع خير اذا احنه مقصرين وياك اعذرنه على التقصير و اذا واحد من الاعضاء مضوجك بلغنه حته انعلسه الك زين هاي اذا تريد ترسل للمدير العام رساله خاص منا

    بس واحد مضوجني هو المدير العام شتكولون لو انعلسه!!!
  2. بواسطة ريم

    ههههههههه
    اهلا برجعتك
  3. بواسطة بهلول الرشيد

    هلا ريومه بس كون مايجي المدير حتى اكتب مواضيعي وافلت
  4. بواسطة بهلول الرشيد

    نعلس استاذ حازم ونحتل المنتدى ونلعب ابكيفنه شتكولون قبل لايجي يمعودين ويحضرنه
  5. بواسطة mazinalhoseny

    اي بس شلون نعلسه:-? لازم نسوي خطه سريه ؟؟ بس اخاف ننعلس قبل مانعلس لان روز و ريم يوصلن حجي ؟؟ اني اعرفهن شريرات >:p
  6. بواسطة بهلول الرشيد

    ماعليك اني راسمله خطه ميفلت منه ابوي!!! دير الكوكل على الجدي وهو راح ميدخل للمنتدى
  7. بواسطة mazinalhoseny

    شلون يعني ادير الكوكل ؟؟ اني وجهي كوه اديره
  8. بواسطة ريم

    :-/:-/:-/
  9. بواسطة بهلول الرشيد

    انت كلشي متعرف عمي هاي خبره ولازم ندبر الخطه لان تلفونه غالقه الولد وميريد نتصل عليه فماعدنه شيء الاان انخبث ونشطح شتكول مازن
  10. بواسطة Hazim M

    وعليكم السلام ابو زهراء اكرر اعتذاري الك مره ثانيه على التقصير
    بهاي الفتره انشغلت جدا بالمنتدى و الموقع بشكل عام ( مشاكل ظاهريه و باطنيه هع ) قسم منها حليتها و القسم الاخر قيد التطوير

    على العموم احنه و كوكل متخاربين كلش من زمان هههههههههه وين ما تدير المنتدى على راحتك

    العلس بيه انواع هواي و العلس الي عندك ما اريده احجي على العكال طبعا ههههههه

    وجودكم يا ابو زهراء يسعدني و حقيقه نفتخر بيها ( هسه وقت دك الناعم عااااااااا )

    على العموم شتطلب مني اني حاضر


    ودي
  11. بواسطة Hazim M

    ههههههههههههه تتصور طفرت اشوفه صدك مغلق يو لا ههههه

    خليته على الشحن :d
  12. بواسطة Hazim M

    مازن دير بالك ابو زهراء اذا فشلت الخطه العكال يوكع على اقرب واحد ههههههههه
  13. بواسطة بهلول الرشيد

    اريد مره وفلوس وبيت وسياره لاتكول ماعندي هذا طلبي البسيط
  14. بواسطة Hazim M

    مريه وبيت هواي لو بس على الفلوس و السياره خخخخخخ
  15. بواسطة mazinalhoseny

    عمو المدير اني معليه هو ورطني كال خلي نخبث ونسوي انقلاب مادام المدير ما موجود وكالي اذا تحجي اضربك بالعكال (يعني شنو عكال عمو) هذا كاتم لو شنو ؟؟ وبعدين كالي اذا متصير ويانه همين اضربك بالعكال اني كولش خفت من العكال
  16. بواسطة Hazim M

    اي هذا كاتم الساهر بخخخخخخ
  17. بواسطة mazinalhoseny

    وكاتم الساهر يكتل ؟؟
  18. بواسطة نسيم العراق

    ههههههههه شلون نعلس المدير وين ننطي وجهنه يمعودين.:71:
  19. بواسطة Hazim M

    اي عاشت ايدك نسيم حاجيهم :d
  20. بواسطة mazinalhoseny

    اني بالنسبه اليه اعلن التوبه ومالي شغله ابو زهراء ورطني وهددني بالعكال .. والعكال طلع كاتم ومو كاتم عادي كاتم الساهر
  21. بواسطة نسيم العراق

    آآآآآآآخ من أبو زهراء شلون بيه مورط الكل بس معليك إحنه وياك على الكاتم.
  22. بواسطة mazinalhoseny

    اي دوم مورطني وين ماروح بعد ما اخاف لا من كاتم ولا من جاسم
  23. بواسطة Rose

    هههههههههههه =))
  24. بواسطة mazinalhoseny

    اجت روز الشريره اني سمعتها تتفق ويه ابوزهراء على منصب نائب مدير
  25. بواسطة نسيم العراق

    :141:
  26. بواسطة Hazim M

    هههههههههه اكلك هي مو قبل شوي بواحد من ردودك جانت ضدكم ؟

    ما مبين عليك عفت ابو زهراء راح نتخذ الاجراء اللازم للتاكد
  27. بواسطة mazinalhoseny

    لا جنت متوهم عبالي هي من جانبك بس من طلعت ختلت وره الباب سمعتهم يحجون ابو زهراء يكوللها مازن مو ثقه خلي نسوي الانقلاب اني وياج واخليج نائب ..حتى هي فرحت وكامت تهلهل 8-}
  28. بواسطة Hazim M

    اوكي هسه ابو زهراء لزم عكاله وفلت ههههههههههه
  29. بواسطة Rose

    ههههههههه هاي شنو تجيك التهايم و انته نايم

    ابن الفرات ما مسويه شي اني :45:
  30. بواسطة mazinalhoseny

    اي اي اسم الله يالملاك ابو جناحات ...صدك ليش ماكو دويره على راسج !!!:79:
    اني شايفكم بعيوني تتفقون على المدير حتى تسوون انقلاب ثوري ضد المحتل ((محتل شنو )) عفوا عبالي عدنه اجتماع حزبي
  31. بواسطة Rose

    هههههههههههههه :))
  32. بواسطة mazinalhoseny

    تضحك الشريره حتى تغطي عمايلها اووووووووووووف كيدهن عظيم :121:
  33. بواسطة بهلول الرشيد

    انقلاب انقلاب والاطاحه بالمدير العام واني ابمكانه
    اريد احتل الكرسي حالي حال ربعي بالربيع العربي
    جاليش مامشمول الرماحي
  34. بواسطة Rose

    هههههههههههههههه راح يشرد المدير استروا علينه وين نروح :o ههههههههههههه
  35. بواسطة mazinalhoseny

    اي حقك ابو زهراء شنو الربيع العربي احسن من عندك لو احسن من عندك هااا وصراحة اني اشوف المدير ديكتاتور ويعمل بسياسة التوريث !! كلا كلا للتوريث
    نعم ..نعم للهيمنه يسقط الامبرياليون
  36. بواسطة Rose

    اشتم ريحه خباثه هههههههههه
  37. بواسطة mazinalhoseny

    سدي خشمج :@ راح نجيب الحكم الديمقراطي المهيمن
  38. بواسطة بهلول الرشيد

    عمي شنو خباثه قابل اني عندي مدرسه مال خباثه كل ماهنالك رجال كبر وماينفع ورجليه مسرسحه فكلت اني الشاب الوسيم احتل الحكم ونخلي الديمقراطيه تركص بالمنتدى والمامتزوج ازوجه والمتزوج انطلكه ونخلي الخباثه تشتغل على 24 ساعه
  39. بواسطة mazinalhoseny

    عمو عمو اخذوني وياكم للثوره عفيه اريد اشوف الانقلاب اكيد حلو صح عمو ؟؟ اني ثوري قديم افيدك .. وعندي افكار ثوريه هدامه ..حتى مره بكت نعال صديقي وخليته يمشي حافي الظهريه . وبعد عندي هوايه افكار شريره .. تحب اطرحها هسه عمو الانقلابي
  40. بواسطة mazinalhoseny

    وين راح عمو الثوري الشرير ؟؟ بس لا راح يسوي الانقلاب وما اخذني وياه ~x(

    معليه معليه معليه اذا سوه الانقلاب بدون مياخذني راح اخليه يعيده من جديد
  41. بواسطة بهلول الرشيد

    عمي موجود بس كاعد انظر بقضيتك!!! انت مختلس والا كيف نؤمن بمن سرق النعال
    تحال قضيتك على ارهاب اربعه وحالك حال الربع يعني البايك نعال والبايك مليارين كلهم تحت المطرقه
  42. بواسطة mazinalhoseny

    يعني هيج تسوي بيه عمو الثوري انت صدك شرير اني طرحت فكرتي النضاليه عبالي ترحب بيها وتالي تكولي 4 ارهاب ليش هيج رفيقي هاي روح الثوره الحيوانيه عدكم هيج تعاملون رفاقكم المناضلين !! عجباً لكم كيف استطعتم ان تقتلوا الروح الثوريه وهي رحم في امها حيث لم يحن وقت المخاض وبافعالكم اجهضت الثوره وتبخرت احلام الفقراء الكادحين وذهبت ادراج الرياح ...ليت امي لم تلدني كي لا اشاهد مثل هذا اليوم العصيب الذي تبددت فيه احلامي واحلام رفاقي الثوريين وكل الفقراء والمساكين ؛ انشغلتم بملذاتكم ونسيتوا اهدافكم والوعود التي وعدتم بها شعبكم ومن اجل ماذا ؟؟ من اجل مصالحكم الشخصيه واطماعكم دون غيركم من الشعب المسحوق الذي خلفتموه وراء ظهوركم .لكن هيهات سأضل انادي واثورتاه
  43. بواسطة Hazim M

    و تالي شلون ما تفض السالفه !!

    راح اتخذ الاجراءات التاليه في حال الاستمرار

    1- تعطيل كافه هاكات و اضافات المنتدى
    2- حذف الاستايل و الرجوع الى الاستايل العقيم الافتراضي
    3- نقل الاعضاء و خصوصا قائد الثوره الديمقراطي الى مجموعه الـ المحظورين الشخط واضح مو بخخخخ
    4- نسيم خانس ليش بخخخخخخخخخ
  44. بواسطة mazinalhoseny

    اي اي احظرهم بس اني مو وياهم اني معليه تدري بيه حباب وعيوني خضر ومالي شغله بالثوريات ولا الحصانيات اساسا واني مو شرير ولا عندي خطط ثوريه وما بكت نعال صديقي وخليته يمشي حافي الظهريه o:-)
  45. بواسطة Hazim M

    هههههههه انته ساعه وياي و ساعه عليه ما فهمتك
  46. بواسطة mazinalhoseny

    اني وياك من المهد الى اللحد بس ابو زهراء يورطني بهاي السوالف ;)
  47. بواسطة بهلول الرشيد

    لامكان لك هنا ارحل واترك ثورة الربيع والا سيقتلك العرعور والعريفي برصاصه طائشه !!! اما المدير فسيعلن اسلامه عاجلا ام اجلا والكرسي حليفي
  48. بواسطة mazinalhoseny

    هلووو عمو الثوري شلونك ليش هيج رحت وما اخذتني وياك للثوره !! اني مزاعلك اكرهك اكرهك
  49. بواسطة Hazim M

    عاشت الفصحى :d
  50. بواسطة mazinalhoseny

    اكولك عمو ثوري يعني حتاخذنه سفره للربيع العربي اني كووولش احب الربيع ياي يجنن
  51. بواسطة علاوي الاسدي

    اهاااا اهاااااا اهاااااا انقلاب ديمقراطي بكامل الشفافيه ودول الانحياز هاي شنو يادول الانحياز مشي
    مو تنسوني اذا كعدتو على الكرسي ادري بيكم بس الكرايبكم التعينات
  52. بواسطة Hazim M

    هو يكدر واحد ياخذها حتى نطيها بعد :d
  53. بواسطة علاوي الاسدي

    هههههههههههههههه بس اني مو وياهم اني عضو كلللللللللش حباب وما اسوي انقلابات
  54. بواسطة Hazim M

    سمعنا هذا الكلام من قبل فتره ههههههههههه
  55. بواسطة علاوي الاسدي

    ههههههههههه يمكن عندك جواسيس تنقل الحجي بس وين يرحون الكفهم الكفهم
  56. بواسطة Hazim M

    هههههههههه
  57. بواسطة mazinalhoseny

    انت تفكر بالتعيينات لو بالمصلحه العامه ؟؟
    عذرا تفيكر ابد مو ثوري وايدلوجياتك مختلفه تماما عن الوعي الثوري الانقلابي المبجل
  58. بواسطة mazinalhoseny

    لعد شعندك داخل للموضوع ؟؟؟
  59. بواسطة mazinalhoseny

    هااااااا هسه عرفت شنو قصدك
    انت جاي تحرض علينا حتى تخسر الثوره

    اني عرفتك من البدايه بس هسه تأكدت :-?