منتديات نبع الفرات

تمت ارشفة منتديات نبع الفرات

المشاركات من الموضوع راح اعلن وفاتك انا ونساك

  1. بواسطة بهلول الرشيد

    راح اعلن وفاتك انا ونساك
    وانسى ايامنة وشوكي وحنيني
    واذب كلبي وشلعة لويحن ليك
    وبيدي اعميها لو تبجيك عيني
    راح اصيراًجلد وماارد الهواك
    ولا ريدك تمرني ولا تجيني
    كلماتك اسهام وشبعتني اجروح
    جروح اسهامك لحد هسة تاذيني
    كل كلمة كلتها بيوم الافراك
    جن طلقات منك جاي ترميني
    راح اخذقراري وانشغل يوم
    واعلن انتصاري وفرحة اسنيني
    وراح اعلن هجومي وانسفها الذكرك
    واخلي على الكلب نيران تجويني
    خاف يحن عليك ولو يردلك يوم
    اذب نيران فوكة انساك تدريني
    شديت العقل بيدي لزمتة احبال
    عفت عقلي مني ولايفكر بيك
    ماريدة يفكر بالي ناسي الشوك
    ووكف الدنية كلها لو يمر طاريك
    جنت بالي جنة جنة وحب فرح واحلام
    مهدومة حضرتك وانا جنت ابنيك
    مثل ماني بنيتك هدميتك شوف
    تبقة على الارض ماراح اخليك
    اعلنت بيدي وفاتك انت مت اشلون
    انطر منك جية وابقة اتانيك
    ماصارت كبل مايك يصير يروب
    عوج ذيلك اعدلة شلون اسويك
    خلص ماراح اوكف يم الكبور
    وانطر عيسى عود ويجي يحييك
  2. بواسطة ABaSs AL iRaQi

    الله عليك
    ابداع
  3. بواسطة غيمة حب

    [صورة]
    كلللللللللللللللللللللللللللللللللللللللللللللش حلو
  4. بواسطة priɴce-αlirαq

    رائع رائع
    عاشت الايادي
  5. بواسطة علاوي الاسدي

    ​سلمت اناملك اخي ابو زهراء
  6. بواسطة بهلول الرشيد

    سلمتم للمرور احبتي
    اسعدني تواجدكم هنا
  7. بواسطة قاسم الكربلائي

    تسلم اخي :rose:
  8. بواسطة بهلول الرشيد

    قاسم الكربلائي شكرا للمرور
  9. بواسطة Rose

    روووووعه عاشت الايادي مبدع انت
  10. بواسطة بهلول الرشيد

    روس شكرا لك