منتديات نبع الفرات

تمت ارشفة منتديات نبع الفرات

المشاركات من الموضوع الى اعز الناس

  1. بواسطة نسيم العراق

    [صورة]


    الى اعز الناس



    الطولج ييمة انروح فدوة

    يللي من النخل طبعج خذيتي

    من يكثر حملهة اعثوكهة اتميل

    ومن كد المحنة انتي انحنيتي

    علة اجفوفج هم اتحط الفراشات

    ابساعة قنو تج لو دعيتي

    انت وية الورد من قدرة الله

    ابهاي الصفة يا يمة التقيتي

    تحملتي اشكثر بالدنية الام

    ولا مرة سمعناج اشتكيتي

    وي ربج نسمعج اخر الليل

    بس اويا شكو عندج حجيتي

    ويمكن ربج من انطاج جنات

    تحت رجليج ها كلج رضيتي

    يا قمة جبل ما هزتج ريح

    الغير الله ابد لا منحنيتي

    حتة ادموع عينج ما جرت خوف

    خشوع الخالقج لمن بجيتي

    واذا دمع العبادة يمحي الذنوب

    انتي ابلا ذنب يمكن صفيتي
  2. بواسطة امل

    كللللللللللش حلو
    لو شمنسوي منوفي امهاتنا
    عاشت الايادي
  3. بواسطة نسيم العراق

    وإيدك العايشة.منوره الموضوع.