منتديات نبع الفرات

تمت ارشفة منتديات نبع الفرات

المشاركات من الموضوع قصيده التي ابكت الشاعر سمير صبيح ((منقوله))

  1. بواسطة علوش العراقي

    قصيدة للشاعر حسن التميمي:

    كنت جالسا في أحد المقاهي، فدخل أحد الأطفال المشردين فلم أكن أعلم هل كان مطرقا برأسه خجلا من ملابسه الرثه أم أنه كان ينضر إلى حذائي وقال لي:

    بسعر خبزه تقنع الأيتام
    خل أصبغ حذائك أهلي جوعانين
    لا ترفض سؤالي شراح بيك يصير
    خل نفسك مكاني الفلس أجيبه منين

    هاك فلوس كتله ولا تتعب الحال
    فز بكبرياء وكلي شبعانين
    وحك أمي الي ماتت وسط حرب الجوع
    ماناكل إذا مو وإحنه تعبانين

    ما أفتح إذا مسؤول دك الباب
    ولو ما عدنه بيت وماكو مسؤولين
    بيت الطين طاح وهسه صار تراب
    أكل جلده المطر وإنداس بلرجلين

    انه أملك قصر من الجروح جبير
    يكبر كل دقيقه بعكس بيتي الطين
    ماتملي القصور عيون بعض الناس
    وآنه الدمعه عندي جبيره تملي العين

    يدحج بلشمس بنيان هاذ وذاك
    وآنه على الرصيف خواني ملتمين
    حته المو شريفه تصدلي بإستحقار
    جن هيه الشريفه وإحنه مو زينين

    وإذا مر عيد خدي تبوسه بس الدموع
    وأحس روحي غريب ببين المعيدين
    ألعمر رمضان عدنه بس بدون فطور
    وعدنه فطور دمعي مفطر الخدين

    بمدن الألعاب نصبغ من يجينه العيد
    علدولاب عين وعين علرجلين
    جهال الناس صعدو فوك خد الغيم
    وردت وي خوتي نصعد ما رضو بلدين

    جبيره القصه كلش وإحنه حيل زغار
    وما جيتك أجدي وما ردت اليعين
    بس ما كلت إلك تدري شوكت نرتاح
    من يقدر الله وما نضل عدلين
    من يقدر الله وما نضل عدلين
    ارجو ان تنال اعجابكم
  2. بواسطة مـيـــلاد

    القصيده جميله واكثر من رائعه
    موفق انشاء الله
  3. بواسطة علوش العراقي

    تسلمين اختي الغاليه ربي يحفظك من كل سوء
  4. بواسطة امل

    كلش حلوة
    تسلم خيو
  5. بواسطة علوش العراقي

    مررررورج الاروع خيتووو
  6. بواسطة زهرة الربيع

    شكرا لك اخي الكريم شنو هذا الابداع

    ما شاء الله عليك .. الموضوع رائع كروعتك اخي الكريم

    اللهم فرج هم المهمومين .. اللهم ارحمنا من رحمتك التي وسعت كل شيء
  7. بواسطة علوش العراقي

    تسلمين اختي العزيزه وربي يفرج الهم عن العراقين بحق محمد وال محمد عطرتي المنشور بمروورك ونتعلم الابداع منكم وربي