منتديات نبع الفرات

تمت ارشفة منتديات نبع الفرات

المشاركات من الموضوع الوان الشعر الشعبي

  1. بواسطة أبـ ْـو سمـ ْـرة

    الشعر الشعبي العراقي


    ـــــــــــــــــــــــــ ــــــــــ


    يكتب الشعر الشعبي العراقي بطرق عديده


    منها القصيده بانواعها كما سوف يأتي ومنها

    أبوذيه والدارمي والزهيري والنصاري والهوسات أي

    الاهازيج والنايل والعتابه والهجع والتجليبه وهذه نبذه مختصره عن كل ماتقدم
    القصيده
    تكتب القصيده كما يلي
    _1




    الكلاسيكي


    يبداء بمطلع القصيده منشطرين مثلا


    ياطيف الحبيب إبعيد عني إبعيد مالك دوم جدامي


    مالك بالفراكَ الروح ذابت والدمع دامي

    ـــــــــــــــ

    مالك شو تراودني يطيف أفكار من هل ويل
    مالك متشوف الحال مني إولا تشوف الحيل
    مالك كَمت أكابر غاب عن عيني الوسن بالليل
    صِرِت ماافهم إمن أفهم كَرب من يبطي إعدامي
    ــــــــــــــــــ
    وهذاالنوع من الشعر عاده مايكون مغنى
    وهناك من هذا الشعر ايضا عدة انواع سوف نتطرق
    اليها في المستقبل
    ------------------------
    2_ العمودي
    وهو ايضا يكتب بعدة انواع واوزان
    مثلا
    كافي من غدر الهوى كافي من لعب الجهال
    كافي خل اصحه الزماني مابعد احمل دلال
    هذا نوع
    وهذا اخر
    سلامات اعلى طولك من حسود العين
    واسمي يحرسك من مرض واوجاع
    َمنـَه ابلياك واحد ونشطر نصين
    هِرِش صفصاف لونَسَ مهبوب إنصاع
    -----------------------------------------
    3_الابوذيه
    يكتب من اربعة اشطر ثلاث منها
    تاخذ جناس واحد أيالكلمه الاخيره
    هي كلمه واحده ولكن لثلاث معاني
    والرابط الاخير مختلف ولمناخر كلمه
    فيه يجب ان تكون اخر حرفين (يه) مثلا
    (حوريه ) الخ وهذا بيت ابوذيه كامل وهذا للغناء يكتب
    حرت بسرارهم كلهم ومرهم
    جم مره تبت منهم ومرهم
    عذاب الي يجي منهم ومرهم
    احله من العسل طعم اليه
    4_الدارمي
    شطرينفقط مثلا
    يحله المسامر بيج والعرس محلاه...طولج غصن ريحان واتمايل وياه
    ---------------------------------
    5_الزهيري

    ليـش التعـزه أو توده أيصير ألك مارد
    يـسعي أبتعـذيب حالك للكلب مارد
    أبجي الشبابي الكضيته عليك ألي مارد
    أسطور الموده أنطوت والَه الليالي محـن
    حنيت الك بالوفه كلبك القاسي محـن
    ياماعليك عليك اتعـبـت وأجرعت لجلك محـن
    يمعــود أذكر تره غـير الوصل مارد
    --------------------------------
    5_النصاري
    هنالك نوعين من هذا الشعر
    النوع الاول هو
    تاخذني الافكار بعيد لبعيد ---- و على المامش ابات و حسبتي تدور
    و اشبّن للسمه السابع و لا اهيد ---- و احس العمر خشبه بحلـگ تنور
    مجروح و دواي بحلـگ عربيد ---- مهموم و ضحـگـتي بوسط زاغور
    ادوّر عن گـمر و الـگـمر شيفيد ---- اذا ذبحوا ضواه و باگـوا النور
    -----------------------------------
    النوع الثاني هو
    روحي اتواخذت يالماتحن الهه
    مثل عودة زرع راچـبهه منجلهه
    * * *
    رچـبهة المنجل وحاصود لاويها
    والف عونة حصاد اتهوس اعليها
    تكولب مال حاضر صبخة حريها
    وغدة ايضيع الفرس ريعان عاذلها
    ---------------------
    6_الهوسات
    يافرحه ازفهه اليوم الك ياغــنوه اغنيهه
    وروحي من الفرح طارت ومدري وين الكَيهه
    الك فرحة يشعبي اليوم والتاريخ يحجيهه


    ها صديم ولّه اصديم وصار ابمزبلت التاريخ


    ---------------------------
    وساقوم باضافه الانواع الاخرى مع الامثله ان شاء الله
    7_النايل
    تشهدله وقعة بدر تشهد احد بسمه
    للحمزه صفحة فخر متسجلة بدمه
    .............
    من اجل اشرف هدف مرسومه خطواته
    همه وبساله وشيم مترسخه ابذاته
    قوه واراده وعزم تشرحها غاياته
    وجدانه طود انتصب يحرس نبي الرحمه
    ----------------------------------
    8_العتابه
    امم ماكَدرت تحصل مجد مثل ما حصله جون العبد
    -------
    عبد لاجن بلغ هل مرتبه لبس تاج السياده والابه
    هتاف التضحيات يخاطبه مثل جون العبد ماينوجد
    _______________________




    هناك دراسه سوف تاتي كامله عن الشعر الشعبي
    العراقي ان شاء الله


    يكتب الشعر الشعبي العراقي بحالات كثيره
    منها الغزل المسيس أي السياسي
    الحِسكَه وهذه لغه خاصه بأهل الجنوب
    تستعمل اكثر الاحيان للشعر أي ان الحسكه
    يعني كتب شيء هو مفهوم حسب كلماته الوارده
    الا انه له اكثر من معنى وهنا حسب الظرف والزمن والمكان
  2. بواسطة MiSs MeMo

    سلمت يداك ع الموضوع الراقي
  3. بواسطة أبـ ْـو سمـ ْـرة

    عفوا برنسيسة نورتي الموضوع بالمرور العطر
  4. بواسطة بنوتة الكــوت

    يسلموو على الموضوع الرائع

    تحياتي الك
  5. بواسطة أبـ ْـو سمـ ْـرة

    نورتي الموضوع بنوتة شكرا ع المرور الطيب
  6. بواسطة جبروت امرأة

    يسلمووووو
  7. بواسطة عبدالإله المنصري

    الله يخليك
  8. بواسطة عبدالإله المنصري

    لا تقف كثيراً على الأطلال خاصة اذا كانت الخفافيش قد سكنتها والأشباح
    عرفت طريقها وابحث عن صوت عصفور يتسلل وراء الأفق
    مع ضوء صباح جديد
  9. بواسطة الربيعي

    [صورة]

    [صورة]
  10. بواسطة امير الحب

    يسلموووووو على هاذا الموضوع الجميل​
  11. بواسطة محمدخالد

    [صورة]
  12. بواسطة الشاعر ابو لقاء البهادلي

    موضوع رائع وجميل وشيق جدا

    بارك الله بك ووفقك لمراضيه

    وكم اتمنى وارجو ان تدخل مع موضوعك البحر

    ثم اوزانه والتفعيله

    لك ودي وتقديري واعتذاري
  13. بواسطة ابن الفرقدين

    [صورة]
  14. بواسطة شـ,ـهـ,ـد

    احسنت طرحا