منتديات نبع الفرات

تمت ارشفة منتديات نبع الفرات

المشاركات من الموضوع قصيده للشاعر سمير صبيح

  1. بواسطة علوش العراقي

    شيعوضني الدمع وانه الخسرته هواي وعله رملة امل كل عمري وشلتهه

    وانه الباكو نهاري ورحت ادوره بليل وبلمسودن طبع ميعوف سالفته

    على نفس الدرب ذبولي بس الصوف حتى ارجع واكول ذياب ماكلته

    وانه الماصبر والعطش ماوازا دنت نفس وذبح بلصحره راحلته

    كلب ماجنه كلبي جني متبني جرعت التعب مايوم دللته

    طفل من ايدي اكوده وهوه يمشي وياي وعلى ضحكه بكهف للموت نزلته

    انقفل باب الصبر كد ما ادك اعليه مو خالي كرم بس انه مللته

    بعد ماهد سهم كون الطريده بعيد ما بيهه فخر لو اكول وصلته

    وشفت عصفور ميت كل جرح مابيه حرت هذا المنيه شلون واصلته

    شلت راسي وشفت بلشجره عش محروك كلت هذا السبب والحركه كاتلته

    ونفس موته متت والجسد لحد الروح وحسراتي الجفن وبدمعي غسلته

    وسحب سيفه الزمن هل من منازل صاح؟ اعزل ماخفت والزمن نازلته

    ما لحته ابد لكن ترسني اجروح بس عندي المهم ماعفته قاتلته

    دبسك ياضميري الصار بيك هواي بسك هلعمر مايوم جاملته

    حذر بس ولفي نكلت جدم صياد اسال خاطرك مايوم جفلته

    كصبه اعله الجرف يحنيه روج الضيم ويحنيني الهوه وبطبعي عدلته




    وروحك هم مثل روحي بها ون

    وتدور علفرح كاعد بهاون

    عشت عمري مثل كهوه بهاون

    تدك والنار عين اله عليه
  2. بواسطة زهرة الربيع

    عشت عمري مثل كهوه بهاون

    تدك والنار عين اله عليه



    كلمات رااااااااااااااااائعة ومؤلمة جدا .. جدا .. جدا

    مشكوووووووووور اخ علوش وعاشت ايدك

    ربي عبدك هذا امانة عندك افرج همه واممد اليه العون

    وارزقه فرحة لاحزن بعدها .. واعطه مناه

    دمت بخير
  3. بواسطة علوش العراقي

    مششششكوره يا اختي وتاج راسي والف شكررر للمرور الكريم وربي يعجز لساني عن الرد على كلماتج الاكثر من راقيه
  4. بواسطة بصراوي مشاغب

    كلمت رائعة من شاعر اروع

    تشكر اخوي الغالي علوشي وربي يوفقكم
  5. بواسطة علوش العراقي

    الف شششكرااااا لمررررورك الكريم وربي عطرت الموضوع