منتديات نبع الفرات

تمت ارشفة منتديات نبع الفرات

المشاركات من الموضوع دارميات بين شاب وفتاة

  1. بواسطة أمہأرجہيہ

    [صورة]



    دارميات بين شاب وفتاة جدا جميلة ورائعة

    طم روحك بسرداب و الطم لطم ميت ___كل ربعك مكبلين بس انت ظليت


    الشاب:
    هم ردت أطم الروح بسردابي كوة ___بس شفت فارة و فار بالختلة جوة

    الشابة:
    تتغازل الفيران وانت التباوع! ___مو بس تطم الروح .دكها بمدافع

    الشاب:
    هم جبت مدفع زين ,كلبي ارد أهفة ___بس شفت قنبلتين ,شفة اعلى شفة

    الشابة:
    جانت تعوزك هاي ,حب القنابل___ماتكلي حظك ليش وياك قافل

    الشاب:
    ما اريد أهيج جروح خل أمشي أحسن___وابعد بعيد هناك و بروحي اسحن

    الشابة:
    لا عمي,لا هيهات هاليوم أعوفك ___خليني أمشي وياك وافهم ظروفك

    "ينهض الاثنان و يسيران معا,تاركين المجلس"

    الشاب:
    بس مشيج انت وياي مابي دواية ___سلعة و لفظها السوك ,كلبي و هواية

    الشابة:
    خافن عليك تروح تلبسلك حزام ___و بواحة العشاك اتفجرة وتنام

    الشاب:
    مو ذنب اهل الشوك ماعندي محبوب ___يجوز بجهري عيوب مانحب فرد نوب

    الشابة:
    عمي الزلم أخلاق مو بالمظاهر___و كلب البنت مفتوح للكلبة طاهر

    الشاب:
    كل ظنج الكى كليب يخفك لملكاي___وبشوفي يفرح دوم و يكلي ياهواي!

    الشابة:
    الكلب بالتشريح تشوفة نصين ___نص لمسير الدم و نص للمحبين
    وكل احنا عدنا انصاص,هم الها ثاني___ولا بد ينول الحب كلمن يتاني

    الشاب:
    يابة شكثر تانيت كربت أأيس ___وكلبي الخفك من جان البكري ريّس
    بس والله هم معقول حجي الحجيتيه___اشكلتي لو تبنين كلبي و تسكنيه؟

    الشابة:
    لي هسة ما حسيت !وك انا أحبك___و من (طلعن الشيبات)وانا اعلى دربك
    ونشدت كلبي اعليك ,كال انت حباب___بس رادك تناغيه حتى افتح الباب

    الشاب:
    و فكرت ب(التفخيخ)وب(طمة السرداب)___ثاري الأمر محلول وي دكة الباب
    بس انت حلوة هواي واني قدي و عوع___ولو شافت أم وحام وجه العلية تزوع

    الشابة:
    شلّي انا بأم وحام و شلّك معاها___إنت شريج الروح ,ميها و ضواها

    الشاب:
    كلبج صدك وياي أفديلة كلبي ___و خل تسمع العشاك ,بس انتي حبي

    الشابة:
    و بواحة العشاك سجل إسمنا ___نحجز مكان هناك و الحب يلمنا

    [صورة]
  2. بواسطة زهرة الربيع

    كلبج صدك وياي أفديلة كلبي ___و خل تسمع العشاك ,بس انتي حبي

    [صورة]
    هاي شنو قيثارة روووعة .. علكيفج يمعودة شنو هالابداااااع
    سلمت اناملك عزيزتي
  3. بواسطة قاسم الكربلائي

    دائماً بين حروفك اجد روحاً تمتزج بما بنا من وجدان
    وشعور يخرج لنا بروعة البيان

    ولكم تمنيت ان لا تنتهي بي الكلمات

    فلا يسعدني غير قول الصمت في حرم الجمال جمال

    فدمت بكل تميز وابداع

    تحياتي
  4. بواسطة مـيـــلاد

    [صورة]
  5. بواسطة أمہأرجہيہ

    [صورة]
  6. بواسطة أمہأرجہيہ

    [صورة]
  7. بواسطة أمہأرجہيہ

    [صورة]