منتديات نبع الفرات

تمت ارشفة منتديات نبع الفرات

المشاركات من الموضوع اهداء الى نسيم العراق

  1. بواسطة ملاك في دنيا البشر

    لان اسمك جميل وجاي من رسمك

    اذا مو الك اكتبالمن لعد اختار

    صدكنـي الكلب مشتاك يكتبلــك

    احتار القلــم لمن جبت طاريــك

    يكلي الورق يخجل لو كتب اسمـك

    صفن بيدي القلم وصرت اني احاجيه

    ويكلــي بصراحة شــراح اكتبلـــك ؟

    ما الوم القلم وجم قلم بيك احتـــار

    راح ابدي بجمال الــروح اوصفلك

    ضحكاتك غزل يا كامل الاوصاف

    واشفافك عسل والورد من عطرك

    عيونك شمس والخرزة من المـاز

    وخدودك كمـر يا ساحر بحسنــك

    ثغرك من يبتسم كل البشر يحتار

    لان شفتك ورد والورد من شفتك

    شعرك من خيوط الشمس مغزول

    ورموشك قَـزح يا شاعر بهمسك

    شخصك من يمر الروح مني تروح

    لان شافت كمـــر عــالكــاع يتملــك

    وعيوني من تشوفك تبقى تحلم بيك

    تحجيلك شعــر والرمش يعزفلـــك

    مو كافي وصف يل بيك حلو أطباع

    بس شوصف بعد لو رايد اوصفلك

    فداك العمر وحتى الكلب و الروح

    ولك كلّي فداك .... اتريد احلفلك ؟
  2. بواسطة نسيم العراق

    عاشت ايدك يامبدعه كلمات رائعة أعجبتني

    وهذا الكلام أحلى هدية من أختنا العزيزة ملاك

    تقبلي تقييمي ومروري
  3. بواسطة ملاك في دنيا البشر

    خيو صدكني هذا اقل شيئ في حقك