منتديات نبع الفرات

تمت ارشفة منتديات نبع الفرات

المشاركات من الموضوع اهداء الى ملاك في دنيا البشر

  1. بواسطة Ali-Alwasiti

    اذا مو بيك اسولف انه ما موجود
    لأن بس بيك اسولف كل وكت انه

    تدري انته بمكانك بيه وين يصير
    بس شويه اوخر تطلع هنانه

    وموبس اني احبك ...انه وانه هواي
    وبعد من عندي عشره أنحبك ويانه

    ادري .. انته بشر بس هالخضار منين
    ابو البستان شافك حرك بستانه

    والورد من شاف طولك بس عليه مريت
    ما يقبل بعد يكعد بسندانه

    ادري شلون رأيك يعني كلنه انموت
    كول انموت كلنه منيين دفانه

    الحانه وداعتك سكرت ناس هواي
    بس انته الوحيد السكر الحانه

    بتهوفن امس لو سامعك ماصار
    يم صوتك امس جاكعدت الحانه

    يلوموني من اشوفك اسكت من الخوف
    عمي الشاف طولك ضيع السانه

    ربك بالخلق سواك بس سواك
    وانه وذوله مدري شلون سوانه

    لاتنطينه عين ايجوز نلهس بيك
    بس انطينه جارك نشتم ردانة

    بس اوكف دقايق رحمه للعباس
    بس اتمر عليك اتطيب مرضانه

    احنه بلايه نخوه انموت كلنه عليك
    جا شنسوي اذا فد يوم تنخانه

    اذا بس انته بيه الدنيه جنه اتصير
    واذا مابيه انته الدنيه خربانه

    انه الدوم احبك مستحيل انساك
    واذا انساك صدك هذا مو انه
  2. بواسطة ملاك في دنيا البشر

    الله الله الله شنو هلشعر الرائعة وشنو هلذوق الرفيع في الكلامات الراقية بحق يسلمو يسلمو خيو على الهدية الرائعة