منتديات نبع الفرات

تمت ارشفة منتديات نبع الفرات

المشاركات من الموضوع اهداء الى العضوABaSs AL iRaQi

  1. بواسطة ملاك في دنيا البشر

    يالماترضه اله بشوفتك هالروح
    فهمني بغيابك بيش أقنعها

    افرح عيني كوه ومن يمر طاريك
    يذبح ضحكتي و بدموعي اشيعها

    مره سوالفك بس إلها حيل ارتاح
    وسوالف حلوه اكو بس ارفض أسمعها

    اشگك صورتك كل عقلي اريد انساك
    و بس اشتاك ارد للصوره أجمعها

    ولو ما انسه رسمك جي سكن بالعين
    وسط الجفن صورتك و الله طابعها

    عيوني بغيابك صار بحزنها إبداع
    و رسمت صورتك لوحه بدمعها

    رايد جف حنانك خل يمر عالروح
    و سهام الهجر من روحي يشلعها

    ردت انساك ضلت روحي بيه تلوم
    شكل للروح خاطر عنك امنعها

    وكسرت خاطري من اتعنتلك الجدام
    يجرها المستحه والشوك يدفعها

    كالو ضاع منك واضحك على الكال
    لان لو ردت اضيعك روحي اضيعها

    و اميزك لو صرت دمعه بجفن غركان
    و إذا تسكت شفافك أذني تسمعها
  2. بواسطة ABaSs AL iRaQi

    الله عليج اخت ملاك حروف جميله جدا اختيار اكثر من رائع

    بالاخص



    عاش ذوقج الجميل

    تقييم
  3. بواسطة ملاك في دنيا البشر

    خيو خيو والنبي هذا اقل شيئ في حقك