منتديات نبع الفرات

تمت ارشفة منتديات نبع الفرات

المشاركات من الموضوع اني اموتن ب علي وب عمر

  1. بواسطة ملاك في دنيا البشر

    ثنين احبهم بيهم اوصاني الرسول
    وبمحبتهم لل ايفرق درس
    علي والفاروق واحد بالاسلام
    كون بيهم من صدك نكدر نحس
    حيدر بوجهه كمر وكت الظلام
    وعمر وجهه اعله الشمس يطلع شمس
    علي ضحة بنفس بس وياهه مال
    عمر ضحة بمال بس ويا نفس
    علي بالهجره درس انطه لقريش
    وعمر لا بالهجره انطاهم درس
    علي داحي الباب خيبر عاليهود
    وعمر داحي الباب بس باب الفرس
    ذوله خط احمر رجالات الرسول
    اليحجي عنهم كون عاش وياهم
    الف وربعميت عام وهسه جاي
    تريد الوث فكري حته انساهم
    وي محمد جانوا بمدرسته هيل
    تعايشوا والتحقوا بمثواهم
    انت تربيتك شنو خاطر تريد
    تحجي عن ناس النبي رباهم
    علي بنته انطاهه للفاروق ليش؟
    تدرى ام كلثوم بنته انطاهه اله ؟
    وحاشا ما ينطي علي لواحد خبيث
    ما نطا لوما عظيم المنزلة
    وجان ما سمه ابنه من مرته ام حبيب
    عمر لوما عمر جان حزام اله
    وجان ما سمه عمر حته الحسين
    واليقرّه حسين ياهو اليبطله
    وموسى ابن جعفر وزين العابدين
    والحسن ما جان راح ورد اله
    يا اميري ويا امير المؤمنين
    عمر جان بفي علي والزود اله
    اني هيج بحبه لا مو بس اموت
    كون بامر الله امن اموتن اوصله
    والكه يمه هناك ابو حفصه وبديه
    ياهو كال تكارهوا يستأصله
    وكون تحشرني يرب وي هالثنين
    والرسول وآل بيته وكل هله