منتديات نبع الفرات

تمت ارشفة منتديات نبع الفرات

المشاركات من الموضوع اهداء الى العضو ابن الرافدين

  1. بواسطة ملاك في دنيا البشر

    لكيتك ..
    والحنين بروحي هدلك سيل ..
    ومر بيه الي جان عيوني متشوفه _
    أضمك؟
    مدري اشبع عيوني من ملكاك ..
    الشخصك ذلهه من مامرهه بطيوفه !!
    حذر احجي بخلك ماشاله ليل فراك ..
    وألكط بالحجي سالوفه سالوفه ..
    اجذبك واكرص ايدي ..
    ومو حلم الكاه !!
    واصفن بيك مو صفنتي المألوفه ..
    صفنت شوك مامر علمفارك شوف _
    اذا ردله النظر هيهات شيعوفه ؟؟
    ضيعتك كبل والضاع مني هواي ..
    ضاع اسمي ولكن ردت احروفه _
    روجك من عله مالاح شمس الغير ..
    ركد والمستحه نايم على جروفه !!
    لزمتك والزعل فاركني بللمسات ..
    انفاسك تلملم جرحي وتروفه _
    عطرك ترس ريتي النفس كام يغار !!
    ولحكت العمر والزغر يمك رد ..
    بديت انسه التعب وتجاوزت لدموع ..
    ظحكاتي اسمعتهن والوجه ورد _
    شميتك وريحه عافيه اشتميت ..
    ضكت طعم الفرح والحزن بابه انسد .......