منتديات نبع الفرات

تمت ارشفة منتديات نبع الفرات

المشاركات من الموضوع ما اجبرك بعد لو ردت عني تروح

  1. بواسطة نسيم العراق

    ما اجبرك بعد لو ردت عني تروح

    ولا اكَلك حبيبي اني انتظرك

    روح ابتعد اتركني لو يرضيك
    سوي ألـتريده بعد ما اجبرك

    تحس نفسك قوي لو مرة ألك حنيت
    وبعد تقسه علي لو كَتلك ارحمني

    اكَلك هذ جرحي بيدك ايطيب
    وادري ما يطيب أدريك تلجمني

    كافي بعد من حقي لو مليت
    لا ترضه افهمك ولا انته تفهمني

    اصبر روحي ألك وهي تكَلي تهون
    وكَل لـ كَلبي يحبك وادري متحبني

    جم مره ابعدت وعنك بعدت الروح
    شما ابعدهة ترجع واني تتركني

    صرت لانه بسمه ولا واكَف اعله الكَاع
    وصرت ما تجرح جرح يوميه تجرحني

    وألجم بالجرح ما اريده يطيب
    خاف انساك لحظه جرحك يذكرني

    مو حاله ضعف لك انه اهز الكون
    بس هزني حبك واعترف دمرني

    ماردت اسلمك وانحنيلك يوم
    الذنب كَلبي هو ألك سلمني

    منطيت لزمه من صرت لليوم
    نار هسه ويحتركَ أليريد يلزمني

    لو صرت الهوى لتظن اشمك يوم
    ليش اني ألـ أشمك وانته متشمني

    وليش اعيش وياك راسي ما مرفوع
    انه ذليت الوكت مو انته ألـذلني

    لتصدك بعد ارجع واكَول اهواك
    هواك تراب صار وحيل يخنكَني

    حبيتك صدك و روحي ماتت بيك
    روحي ألحبتك أشلعهة مني

    هاك روحي منها انه تبريت
    مليت منها وهي ملتني

    ادري تفرح وتنتظر هذا اليوم
    هذا اليوم أجاك افرح ولك غني

    مناك هذا اليوم بعد شتريد
    جيب أليهلهل وبجفوفك يحني

    ما اندم لأن حبيتك بيوم
    حبي ألك هواي دروس علمني
  2. بواسطة Alforati

    روووووووووووعه
  3. بواسطة زهرة الربيع

    ما شاء الله عليك الابداع تلو الابداع

    انت مبدع ومتالق اخي الكريم

    وهالقصيدة حلوة .. ولو مؤلمة

    دمت بسلااام
  4. بواسطة نسيم العراق

    شكرا لمروركم وتقييمكم أعزائي
  5. بواسطة أمہأرجہيہ

    طرح رائع يسلموووووو
  6. بواسطة نسيم العراق

    شكرا لمرورك