منتديات نبع الفرات

تمت ارشفة منتديات نبع الفرات

المشاركات من الموضوع ياسامعين الصوت كافي انت سني انت شيعي

  1. بواسطة احمد الملك

    ياسامعين الصوت
    يسألوني
    انت شيعي ؟؟ انت سني ؟؟
    وين ساكن؟؟
    يم الشيخ لو يم ابو النعمان
    لو يم ابو الجوادين
    وآنه بالحسينيه… بالجامع أدور منهو اليوم طاحوا
    طاح أخوي؟…أنذبح خالي ؟…أبن عمي؟
    ما أبجي عليهم… أبجي منهم
    ياخايبين ضيعتوا الوطن
    والوطن غالي أعز من روحي عندي

    يسالوني انت شيعي؟ انت سني؟
    وآنه للكاظم أبذاك الصوب ازوره
    أنامن بالصحن من شمة عطوره
    وبكربلا للحسين أتعنه ازوره…
    من صغر ظفري وصغر سني
    ويسالوني انت شيعي ؟… انت سني؟

    آنه بالجوادين بذاك الصوب تباركت وأدفنت أمي
    و بشيخ معروف نايم المرحوم ما من يوم وسألني
    على امك أنت طالع لو على عمك النام يمّي؟

    بالهويه ياخذوني اليوم ويسالوني وين رايح انت سني؟
    كلت والله للعباس جدي مِتعنّي أرد أشوفه …
    أسأله العباس سني ؟
    كلت متعنّي أشوفن داحي خيبر الكرار أشكيله همّي
    أرد أشوفن ويرضى الحسين بكربلا…
    وبنفس الوطن ينهدر دمك و دمي؟

    آنه ما ادري أصار بيينه ….
    آخ وياوسفه الصار بيينه
    الله واكبرسووهه بيينه
    ياوسفه ونجحت خططهم
    ياوسفه اللي طاحوا بالجوامع بالحسينيات اليوم
    ذوله أولاد خالي …أولاد عمّي

    ياهالوادم من الصوبين أتفلش وطنّه
    يهالوادم وصلت النار بحجرنه وأحتركنه
    ياسامعين الصوت الجاي منهم أكثر من اليوم بحزنّه
    ياسامعين الصوت كافي
    أنت شيعي؟….أنت سني؟

    ياخوي الشيعه سيف بيد ابو الخطاب
    والسنه سرايه يقودهم حيدر...
  2. بواسطة امل

    رووووووووووووووووووووعه
    تسلم اخي ع الشعر
  3. بواسطة زهرة الربيع

    رووووووووووووعة اخي تسلم .. بارك الله فيك

    صح السانك يا خيي
  4. بواسطة Alforati

    شكرا لك اخي على الكلمات
  5. بواسطة مـيـــلاد

    ​شكرا لك اخي احمد
  6. بواسطة نسيم العراق

    كلام رائع من احمد المبدع بارك الله فيك