منتديات نبع الفرات

تمت ارشفة منتديات نبع الفرات

المشاركات من الموضوع اليوم اكسر سجن صوتي كافي سكته

  1. بواسطة احمد الملك

    أليوم اكسر سجن صوتي
    كافي سكته
    إحروفي تعبهه الحبس
    افتح عيونك حبيبي
    الليل والدمعه انتهن
    والظلمه شربتهه الشمس
    خل اسولفلك سوالف تلعب إعله اجروح امس
    يابو سكته امسودنه طشر ضحكتك
    وبسمر إعيونك على اعيوني وصفنتي
    تغيم شفافك سنه وتمطر عسل
    وشكك اوراق الحزن مليت اريد اكتب غزل
    يابو طول الجبل دحضني تعال
    آنه تعبني العشك واشلون اجيك
    ويابو خدين الرطب مشتهيه روحي وتدري بيه حته لو حنضل إشفافك مشتهيك
    يابو كلب النخل ذوبني السكوت
    وصرخت عيونك دواي
    وديرم شفافك صفنتي وباب عينك مستحاي
    بعد تيهني إعله بختك
    ذبني مرود كحل يم إعيون هورك
    وشوفني بخط الكحل
    وصوغني إلبغداد ترجيه وحجل
    وهدني طير بآخر إجبال العشك
    لهفان اجيك
    أعرف النخلات كلهن
    واندل إعيونك حبيبي
    واشرب الدنيه بضحكتك
    واندل شراسملنه الثلج من دنيه بركبتك
    وكلشي اندل كلشي اندل
    مو هذاك انه العرفته
    إتكله من ايدك عليك إيكلك أخجل
    جيت عاشك من صدك بس بيه نار
    نار تفتح باب لعيون اليتامه وترسم إلكل دمعه دار
    إفرشلي خلكك خل انام بحضن عينك ياعراق
    وخل اسولفلك قضيتي
    منين إجيتك
    جيتك من المستحه من الهور من طرف الكصب
    جيتك من البرحي من روس النخل
    من الجبال التشرب إغيوم التعب
    من التلال
    من الصحاري
    من السراب
    من الملح ومن التراب
    وجيت أكلك تدري بيه شكد احبك ياعراق
    والله مدري شلون اوصفه
    اكبر من الدنيه كلهه
    بكبر كلمة ياعراق
  2. بواسطة أمہأرجہيہ

    عاشت ايدك ع الطرح