منتديات نبع الفرات

تمت ارشفة منتديات نبع الفرات

المشاركات من الموضوع كبل وردة تصير اطيح يم رجليك

  1. بواسطة احمد الملك

    ماريدك تجيني تشوف الاحوال
    ولاريدك تجيني وبيه تتوسل
    تتشكك بجف التنكتب بيك
    وشككه القصيده البيك تتغزل
    بهاي العين شفتك غيري يمشي وياك
    وجيت انته وكلتلي الغير يتفصل
    وكلتلي اهواي عدة وسولفتلي اهواي
    وكلتلك هوة عدة وعندي مايحصل
    بعد المن تجيني والمن احجي وياك
    ولمن جايني ولمن عليك اسال
    روحي وياك ملت حيل تعبت حيل
    وروحي وياك ماظن بعد تتحمل
    كتلك هذا حدي وقررت كفيت
    وكافي انه كتفيت وكافي نتأمل
    يبو طبع الصلب....؟
    كتلك هذا حدي وقررت كفيت
    كافي انه كتفيت وكافي نتأمل
    كبل تنسل عليك الروح سل مجنون
    وهسة وداعتك ماترضه الك تنسل
    وكبل روحي انه كاع وانته بيه دوس
    وكلتلك دوس بيه وانته بيه احتل
    وكبل وردة تصير اطيح يم رجليك
    وتنطيك العطر حتى انته ماتذبل
    يبو طبع الصلب كتلك يجيلك يوم
    تذوب بكل سهولة وتنحني وتنحل
    كلتلك عالزرع سولف كلتلك شوف
    خلص عمرة بزعل مارضي عالمنجل
    وحالك منجل انته الزرع حالي وياك
    واحنه اثنينة اعله الصلح مانقبل
    وهذا اخر كلامي واخر احجي وياك
    ومتهمني بعد لوترضة لو تزعل
    دفنته الجان حبك بين الكبور
    وبعد ما اريد ازورة وما اريد اسأل
  2. بواسطة مهدي حسب

    عاشت ايدك
  3. بواسطة زهرة الربيع

    يسلمووووووووووو .. ابداعات متواصلة

    بارك الله فيك .. وجعل لك بكل خطوة سلامة
  4. بواسطة أمہأرجہيہ

    شكرا لك ع الطرح