منتديات نبع الفرات

تمت ارشفة منتديات نبع الفرات

المشاركات من الموضوع لتكلي انتخب!!!

  1. بواسطة بهلول الرشيد

    لتكلي انتخب!!!








    [صورة]



    لتگلي أنتخب وتستجدي مني الصوت
    مو للبيع صوتي وصـــــــعب ترشيني
    ولاترفع صور وتوسـخ الحيـــــــطان
    ... شعاراتك أبد ماعـــــاد تغــــــــــريني
    مو كافي ........كشفتك بين المســتور
    لتحاول بعد ........هيهات تشــــريني
    ما انطيك صوتي... ولاتضن اشريك
    يلــــناسي الوطـــــــن وسنين ناسيني
    وآنا شنهو ألجنيته من أنتخــاب الفات
    ويا مكسب أليه تحسبه دليني ؟؟؟؟؟؟؟
    لتگلي أنتخب...... ماراح اعيد ألراح
    وآنا ألشفته بسببكم والله .......يكفيني
    شفت آني المذله وماتركنـــــي العوز
    أجيبك للحكم وأدري أنت تاذيني ؟؟؟
    مو كافي چذب ملينة منك روح

    جمر ذيچ غلطتي لهســه يچويـــــــني
    ملينا ألوعود وچلمـــة أني أنطيك
    من أيدك ذهب ماريد تنطـــــــــــيني
    گلت أبني واعمــــر وأزرع الگيعان
    وصار سنين أتاني وتنطرك عيـــني
    ما أنطيك صوتي ولاتضن أشريــك
    يلناسي ألوطن وسنين ناسيـــــــــني
    أريد أني أنتخب طيب شريف يكون
    والشاري ألوطن معناهــــه شاريني
    مو لازم گرايب أو صــــديق يكون
    ولا حب العشيرة ألـــنوب يعــميني
    أنتخب الشريف بشرط صافي يكون
    مثل ماي الفرات ألدوم يرويــــــني
    ومتهمني ألمذاهب مايهمـــني منين
    ألمهم عندي عراقي وهـــذا يكفيني
    من أهل الرمادي من النجف والكوت
    من كركوك كردي ألمهم يحمـيني
    غلطت مره وبعد هيهات اغلط بيك
    وعلى رگبة اطفالي أحط سچيني
    أل يحب ألوطن من عندي ياخذ صوت
    المهم يرضي الوطن مو مهم يرضيني
    وأبو ألايد النظيفة بزودة ياخذ صوت
    مايحتاج أبد حــــــــملة ويوصــــيني
    والچفه وسخ يحــــرم عليه الصوت
    أموت من ألعطش ما اريده يسگيني
    يا أبن العراق بذمة انطي الصوت
    ولاتســـــاوم أبـــــد لتخالف الدين
    صوت للعراق ولايهـــــــمك غير
    وأذكر شعب عانى من ألامــرين




    منقول بتصرف
  2. بواسطة Alforati

    غلطت مره وبعد هيهات اغلط بيك
    وعلى رگبة اطفالي أحط سچيني

    ابداااااع
    عاشت الايادي
  3. بواسطة نسيم العراق

    لتگلي أنتخب...... ماراح اعيد ألراح
    وآنا ألشفته بسببكم والله .......يكفيني
    شفت آني المذله وماتركنـــــي العوز


    [صورة]

    عاشت ايدك ابو زهراء كلام في الصميم
  4. بواسطة امل

    شكرا اخي ع الشعر الحلو
    بس اني اذا مانتخبنه شيصير؟؟؟ يصعدون الاتعس من الي ننتخبهم
  5. بواسطة بهلول الرشيد

    تحياتي لكم احبتي وشكرا للمرور المعطر
    بريح الاخوه
  6. بواسطة أمہأرجہيہ

    واني هماتين ولامره منتخبه

    شكرا ع طرحك الرائع